تحديد مواعيد تواجد اعضاء قسم نيسان فى جناح شركة نيسان فى معرض اتوماك فورميلا

الموضوع مفتوح عشان نجمع بعض دايما فيه
واللى رايح يقول رايح امتى عشان ممكن نتقابل مع بعض هناك فى المعرض

جناح نيسان حقيقى يستحق المشاهدة عن قرب

كل عربيات نيسان على الواقع موجودة فى المعرض

وكمان الجوك ار اول مرة تيجى افريقيا اصلا وكمان مصر .. فلازم نروح نتفرج عليها

وكمان فى تيست دريف للقاشقاى والجوك والصنى السوبر صالون
عشان اللى عايز يجرب يعيش براحته

وفى كمان بلاى ستيشن واللى عايز يتقطع يجى فى جناح نيسان وفارس لفارس

والالعاب بعربيات جى تى ار وجوك ار

وكمان فى هدايا

ويوم الجمعة 18 يناير نيسان عاملة دى جى واحتفال

غير طبعا المعرض كله جميل ويستاهل وفيه عروض عامة للسيارات وهدايا

وفيه عربيات فى الساحة بره صغيرة للسبق بيركبها الكبار والصغار


انا حكون متواجد ان شاء الله

الجمعة والسبت من العصر

والثلاثاء والاربعاء القادم اخر النهار

لو حد رايح فى الايام دى او المواعيد دى يكلمنى وحقابله بالداخل

وده رقمى

01288814049

هاااا ميتتتن جى ى ى ى ى

تحياتى

لو رايح النهاردة نتقابل ونروح مع بعض

انا ان شاء الله معاكم النهارده
بس على المغرب كده علشان عندى سفريه عائليه للزقازيق و هجى القاهره من الزقازيق
هتصل بيك احمد باشا و هأكد مع حضرتك طبعا

اتمنى اقابل كل الاعضاء الجمال اللى قابلتهم او ظروفهم ما سمحتش فى المقابله اللى فاتت علشان اتشرف بيهم و يبقى يوم جميل زى يوم المقابله كده ان شاء الله
الحمد لله ضمنا ا احمد و ا حسين و ان شاء الله البقيه كلها تيجى

محمد حسين حتنور يا نجم بس متنساش الكاب معاك عشان نعمل شغل بيه

محمد باشا سعد حتنورنا بجد والله .. وان اشاء الله حتنبسط ونشوفك على خير

ماتخلوها الاحد أو الاثنين عشان هكون خلصت امتحان الباطنة و آجي معاكم ..

عشان هخش الميغة تاني لحد شهر 3 هههههههههههه

انا بقى مش جاى ههههههههههههه

كان يوم راااااااائع

اقتباس:

---

المشاركة الأصلية كتبت بواسطة sehsss

كان يوم راااااااائع

---

اليوم كان جميل فعلا و سعدت بلقاء الاعضاء اللى كانوا متواجدين احمد مصطفى و بيشوى و باسم و عمرو مع حفظ الالقاب هتبقى ذكرى جميله جدا هتفضل معلمه معايا خاصه انها اول مره اروح معرض اوتوماك او فورميولا
بس للاسف ما لحقتش اشوفك اكيد حضرتك كنت مشيت قبل ما انا اجى تتعوض ان شاء الله و اتمنى اقابلكم دايما على خير

نورت يا محمد حقيقى .. الواحد سعيد انه بيلتقى بيك .. وباهتمامك بالتواجد الدائم معانا وده شرف حقيقى لينا

والصورة الجماعية .. حنرفعها باذن الله .. ونعمل موضوع نغطية اعضاء قسم نيسان للمعرض

اقتباس:

---

المشاركة الأصلية كتبت بواسطة kliken

اليوم كان جميل فعلا و سعدت بلقاء الاعضاء اللى كانوا متواجدين احمد مصطفى و بيشوى و باسم و عمرو مع حفظ الالقاب هتبقى ذكرى جميله جدا هتفضل معلمه معايا خاصه انها اول مره اروح معرض اوتوماك او فورميولا
بس للاسف ما لحقتش اشوفك اكيد حضرتك كنت مشيت قبل ما انا اجى تتعوض ان شاء الله و اتمنى اقابلكم دايما على خير

---

دا أنا حظي وحش اللي ما عرفتش أشوفك، بس شكلك جيت متأخر فعلا لأني ماشي الساعة السابعة والنصف، على العموم تتعوض مرة ثانية إن شاء الله

اقتباس:

---

المشاركة الأصلية كتبت بواسطة ahmed.tv

نورت يا محمد حقيقى .. الواحد سعيد انه بيلتقى بيك .. وباهتمامك بالتواجد الدائم معانا وده شرف حقيقى لينا

والصورة الجماعية .. حنرفعها باذن الله .. ونعمل موضوع نغطية اعضاء قسم نيسان للمعرض

---

الشرف ليا يا احمد باشا و اتمنى اشوفكم دايما على خير و ربنا يديم المحبه بيننا جميعا

اقتباس:

---

المشاركة الأصلية كتبت بواسطة sehsss

دا أنا حظي وحش اللي ما عرفتش أشوفك، بس شكلك جيت متأخر فعلا لأني ماشي الساعة السابعة والنصف، على العموم تتعوض مرة ثانية إن شاء الله

---

ربنا يخليك يا محمد باشا
للاسف انا فعلا رحت متأخر كانت الساعه 8 لانى كنت جاى من الزقازيق اتحركت بعد الغداء و الطريق كان زحمه شويه
ان شاء الله اشوفك على خير فى اقرب وقت

اقتباس:

---

المشاركة الأصلية كتبت بواسطة kliken

ربنا يخليك يا محمد باشا
للاسف انا فعلا رحت متأخر كانت الساعه 8 لانى كنت جاى من الزقازيق اتحركت بعد الغداء و الطريق كان زحمه شويه
ان شاء الله اشوفك على خير فى اقرب وقت

---

إن شاء الله

إن شاء الله أنا أكون معاك النهاردة اخر النهار وهو نعوض المقابلة اللي مقدرتش أجيها يوم الجمعة علشان الحمد لله ربنا رزقني ب عمر و علي. ياريت أقدر أقابل حضرتك و لو كافيهاش غلاسة أستلم الكيتس بالمرة. و مشكور على تعبك و التغطية الرائعة للمعرض.