الموضوع: معرض اتوماك فورميلا

سلامو عليكم


بدون مقدمات , ايه أخبار العربيات الصينى فل معرض من حيث :

التواجد ؟
الموديلات الجديده ؟
الاسعار الهباب الجديده ؟
العروض الى مابتجيش ؟

و أخص بسؤالى:

ابو الفتوح ..... اسبرانزا
الامل ............بى واى دى
البافاريه .......بريليانس
غبور ...............جيلى

و يا ريت بقه لو حبت صور يبقى تمام اوى

سلامو عليكم

انا مستغرب هو فين "توحه"

قصدى فين ابو الفتوح

لا حس و لا خبر

مبهم

يعنى اسبرانزا تعتبر عربيه منتشره جدا و مبيعاتها ما شاء الله , اللهم لا حسد , و كمان لو دخلتو على موقع شيرى (اسبرانزا) حتلاقوها منزله موديلات جديده , و كل ده و توحه نااااااااااااااااااايم , كنت مستنيه ينزل فل معرض بتقله و يفجر قنبله , الراجل ده كل الناس بتقول عليه ذكى و يعرف من اين تؤكل الكتف

اما بالنسبه للبافاريه (بريليانس) فهى لسه منزله موديل جديد اللى هو شبه البى ام دبليو ال x3 أو شبه ال x1 , فييييييييييين ده كله , منزلتش المعرض ليه

برضه فيه عربيه صينى , المفروض انها من اقدم شركات السيارات فل صين و انتاجها هناك محترم جدا و اللى يشوف فيديوهاتها عل يوتيوب , فعلا ينبهر , اللى هى شركة faw و ديه ليها وكيل هنا , و لأسف العربيه ديه مش ماشيه عندنا فى مصر , مع انها و الله العظيم لو مسكها وكيل محترم و عارف قيمتها و مستعد يصرف على الدعايه بتاعتها , العربيه ديه حتعدى , و حتبقى حديث الكل , فييييييييييين ؟؟؟

و فين موديلات ال بى واى دى صديقة البيئه اللى بتشتغل بالكهرباء , و الله العظيم ده لو شركة الامل راحت أجرت (مش حقول اشترت) لا , أجرت بس كام موديل من اللى هما بيشتغلوا بالكهرباء دول , و شحنتهم عل معرض نقل بحرى ارخص حاجه , و حططهم كده منظر , إظهار قوه و فرد عضلات , سيؤثر ذلك على مبيعات الموديلات العاديه زى ال f3 fo , بالايجاب طبعا , اه يامه

يظهر يا جماعه ان المعرض ده مش معرض الغلابه , لأنه يخلو من عربيات الغلابه