المشاركة الأصلية كتبت بواسطة asyl84
الف مبروك ياباشا وربنا يكفيك شرها انا معرفش اللينك لكن هقولك انا رخصت ازاى لانى لسة مرخص امبارح وكانت صنى بس الشكل القديم اول حاجة روحت جبت ورق فحص تقريبا ب 25 جنية مليت الى فية من واقع ورقتين واخدهم من المعرض الى هما مبايعة شركة نيسان للموزع ومبايعة الموزع ليا مع التاكد من ختم المرور على المبايعة التانية كل دول فى فايل حلو كدة وروحت واخد ورق الفحص ودخلت على بتاع الطفايات حاولت استعبط وارخص بطفاية قديمة منفعش اشتريت واحدة ب 130 وختملى على ورقة الطفاية وبعدين روحت للراجل بتاع البصمة ظرفتة 5 جنية وخد البصمة وخدت الفايل الى فية ورق الفحص واصبح ملزوق فية ورقة فيها الماتور والشاسية الى بتاع البصمة لزقهم + ورق الطفاية + ورقتين الى ادهوملى المعرض المشار اليهم سابقا (اتاكد ان الراجل الى خد البصمة خدها صح عن طريق المقارنة بين ورق المصنع والمبايعة و الرقم الى الراجل خدة "وافضل قارن كدة حتى تاخد الرخصة وتقارنها بردو ودة معناة انك تخلى صورة من ورقتين المعرض ") مهندس الفحص هيقولك وارينى المثلث وشنطة الاسعافات ودول كانوا معايا شوف انت هتشتريهم والا هتستلفهم بقى وبكدة ختموا على الورق بتاعك روح بقى قدم الورق على الشباك وفية صورة من بطاقتك هيديك ورقة تروح تدفع بيها الضريبة كانت 325 تقريبا وهيطلب منك ملف فحص بـ10 جنية وتامين اجبارى بـ120 و تمضى ورقة من مخزن اللوحات تاخد كل دول وتروحلة تانى هيبتسملك ويدبس فى الورق ساعة يعنى ابرز يابرنس وبعدين هيديك ورقك تختمة من المراجع وسبحان الله هتلاقى نفس الابتسامة وبعدين تقعد فى الاستراحة (ملحوظة ) لو عندك عربية تانية وبعتها بتوكيل او كدة قولهم عشان تتدفع بدرى بدرى ضريبة ترفيهية 60 جنية لانى قعدت ساعة وبعدين نادهولى قالولى فى ضريبة ترفيهية قلتلهم لا الكاسيت مش شغال والعربية مش مرفهة والا حاجة وحاولت اقنعهم انى والمصحف بعت قالولى هات العقد المسجل فى الشهر العقارى فدفعت زى الباشا وروحت قعدت تانى فى الاستراحة سلمونى الرخصة بعد ساعة خدتها وعلى مخزن اللوحات واستلمت النمر وبس كدة ملحوظة الاسعار تقريبية وهى لترخيص لمدة سنة ولو بدخن اعمل حسابك فى علبة وعصير و تودو هى لا هتحل والا هتربط لكن هتظبط انا روحت 9.30 روحت 1.30 رغم انى حافظ كل ورقة منين وازاى واشتغلت لوحدى سريع يعنى الله يكون فى عون الناس الى مش عارفة وبتسئل