الموضوع: هو الشباب فى مصر بيتجوزوا ازاى

السلام عليكم ورحمة الله وبركاتة

انا يا جماعة بجد مش عارف ازاى الشباب يتجوز فى الزمن دة انا هاخد نفسى كمثال
انا عندى 26 سنة وعندى شقتى وشغال فى شركة الحمد لله طبعا مش انا اللى جبت الشقة
انا بس حسبتها عشان اشطب الشقة والعفش ومصاريف الجواز على الاقل 100 الف دة كلة دة والشقة موجودة والحمد لله بعد ما خلصت جيش اشتغلت على طول بس طبعا انتو عارفين المرتبات فى مصر يعنى انا شغال مهندس والمرتب فى البداية انتو عارفين لو كمل الفين يبقى حلو اوى بصرفة نصة على الاقل مصاريفى يعنى واحد شغال وعندة شقتة عايز 5 سنين عشان يجوز اية البلد الغريبة دية طبعا انا بحمد ربنا انا ظروفى احسن من شباب كتير بس بقول بعد كل دة اهالى البنات بيبالغوا فى الطلبات مش كفاية اللى احنا شايفنة

المشاركة الأصلية كتبت بواسطة y a r i s

والله ِ انا لو كنت منكم. وفي مثل ظروفكم
هعمل مظاهرة واجمع كده شباب ونعمل حملة ونصرخ باعلى صوتنا ونقوول ااااااااااااااه. اااااااااه. ( زي فيلم عادل امام .. النوم في العسل ). ، ده البنات ذات نفسها طلعوا وقالوا ااااه باعلى صوتهم. وعملوا حملة عاوزين نتجوز وانت شوفوا كام شب بسم الله مشاء الله عليكم من كتركم لو قلنالكم احفروا قناة السويس تاني هتحفروا قناتين وتالت اذاعات راديو كمان

وبدل ما انا شايف. شباب عمالين يتظاهروا. على الفضاية والمليان وبيدخلوا نفسهم في السياسة هما لا يفقهوا فيها شيء فمن باب اولى يتظاهروا لمشاكلهم ، هو في اخطر واهم من الجواز بالنسبة لاي انسان .... يمكن رجال الاعمال او الاحزاب تقدر تساعد الشباب في الجواز او تعملهم جواز جماعي لتخفيض تكلفة الافراح. او تعمل لقائات للتعارف بين الشباب والبنات واهاليهم. او الحكومة تعمل نظام لتمويل المقبلين على الجواز اي حاجة

وانتوا مشاء الله عليكم لسه شباب يعني ممكن تتجمعوا عن طريق الفيس بوك او بطرقكم الخاصة . واطلعوا مظاهرة وحملة المليون عازب وارفعوا شعار كده ( عاوز اتجوز او لا مخدات بعد اليوم ). واذا البنات عملوها وانتوا ياشباب مش عارفين تعملوها ... انا باستغرب شباب بيعملوا مظاهرات علشان كورة. واشي شباب عمال يتكلم في سكت القطارات والي بيتكلم عن البانزين والي خلاص بقى مفتي سياسي . من باب اول اتكلم على اخطر مشكلة بتواجهك في حياتك. واقول واصرخ باعلى صوتك وقول عاوز اتجوز ... ماهو البنات اهي كمان. قاعدين متخللين في بيوتهم جمب اهاليهم وهما كمان عاوزين يتجوزوا

اتحركوا يا شباب. وابدئوا بزمام المبادرررررررررررة .
ومثلاً مع الاسف بدل ما شوف كل شوية في قسم الشكاوي هنا في المنتدى شباب زي الورد عمالين يشتكوا ان ده قالي كزا وده زغزغني وده عملي مش عارف ايه . بدل الحورات دي. ابعتوا للادارة تفتحلكم. قسم خاص بالزواج .... وكل واحد يكتب عن ظروفوا وصدقوني في اهالي كتيرررر هتقبل بالظروف دي وهتساعد لان المهم عندهم انهم يستروا. بناتهم حتى لو باعوا الي وراهم والي قادمهم .

وبدل وقتكم الي مضيعينوا على الفيس بوك. بشوية فديوهات ده قال وده سوى وده عمل يا اخي اعمل صفحة. لتجميع الشباب الراغبين في الزواج جمع شباب يطلعوا مظاهرة سلمية يطلبوا الحكومة بمساعدتهم على الزواج .... اعملوا مظاهرة سلمية بتطالب الاهالي بتخفيض المهور والمتطلبات. اعملوا لقاء جماعي مثلاً في حديقة الازهر للشباب وللاهالي الراغبين في تزويج بناتهم اعملوا حفلة خيرية. واعزموا اي مطرب من المطربين يجي يغني ويرقص ويتنطط مجاناً وتكن عائد هذه الحفلة. لمساعدة الشباب المقبل على الزواج

مطربين كتير هيوفقوا. .. لمجرد الدعاية ... اقولكم ايه ولا ايه
المهم تبدئوا تعملوا حملة. لتجميع الشباب. .... وتحياتي

تفتكر يا ميدو هو دا الحل؟؟ نتجمع ونعمل تظاهرات و فى الاخر الاهالى اللى مغليين المهور هيقولوا شوية شباب ........* يروحوا يشغلوا وقت فراغهم بدل ماهما بيتظاهروا ...! و تفتكر ان الاهالى ممكن تتحرك لمجرد تظاهر الشباب مع ان هما شايفين بنتهم جمبهم بتكبر يوم بعد التانى وهما لسه زى ما هما بتفكيرهم ...