+11111111
الباشا من بتوع احنا آسفين يابو عيلاء
عرض للطباعة
ايام المخلوع نيله و زفت وفساد وسرقه وربنا ينتقملنا منه على اللى وصلنا ليه
ايام مرسى عايزه كتابه اسبوع عشان نوصفها لكن برده له يوم
اوبس
يا راااجل والله حاجه طلعت تيت ام الواحد
بس احذر المنتدى هنا ادارته كلها اخوان
وما عندهمش مانع يدوك بلوك ابدي اذا فكرت تهاجمهم
خد بالك
معلش بس هو لما رشح نفسه، قصدي الجماعة رشحتة كان عارف إنه لا عنده ربع فتره حكم المخلوع ولا ربع الإسقرار. يبقى يكون قدها أو مكنش يترشح من أساسه. حد قاله إنه هيحكم فرنسا؟!!
معلش بس أصل المنطق ده مش مضبوط. كمان أنا مش طالب إنه يكون سوبرمان، يعني لا ما تكلم أي حد من الؤيدين ليه يقولك الإرث الثقيل وفساد 30 سنه وهو حكم قد إيه. أنا بقولك لو كنت شفت تقدم حتى لو 5% في أي مجال مش هقولك حتى كل المجالات أنا هعتبر ده نجاح ليه و6 سهور مش شوية إحنا بس إللي إتعودنا ع البطئ أراهنك إن كمان سنتين هتلاقي إللي يقولك وهو بقاله قد إيه عشان نقيمه دول هما يادوب سنتين!!! كل شئ بطئ بطئ. هي عادة البلد ولا هنشتريها. طبعا كل ده سببه سوء الإختيارات وتخبط القرارات لأن النيه مش صافيه.
ده رأي الشخصي ممكن يكون صح يكون غلط ده رأي ومفيش حد مطالب إنه ياخد أو يقتنع بيه ومفيش داعي إن حد يدخل معايا في جدل بسببه. أنا بجد زهقت من فكرة إن كلنا عمالين نتخانق مع بعض بسبب إختلافنا في الرأي. ياريت كلنا نفهم إن الكل في الآخر عايز الخير للبلد وايزها في رخاء وعايز يعيش هو وأهله فيها مرتاحين من غير قلق. وياريت نرجع نحترم بعض ومش واحد يخون التاني، كفتية نظرية المقامرة، أنا بقيت حاسس إن البلد كلها جواسيس!!!!
ياريت كل واحد يركز في شغله ويعمله بإتقان ويهتم بحاله ويسيب السياسة لأهلها ويراقب من بعيد. قرر تعمل حاجة لنفسك. قرر تعمل حاجة لأهل بيتك. قرر إنك هتبفى إنسان أحسن. قرر إنك مش هترمي زباله في الشارع. قرر إنك لما تشوف شئ مخالف هتقاومة بالطرق المشروعة. والله لو كل واحد إشتغل على نفسه هتبقى هي دي النهضه بجد مش النهضه التانيه إللي لبسناها كلنا.
اولا خلينا نتفق ان مهما حصل فايام مبارك عمرها ما كانت هتبقى احسن من اللي احنا فيه و مينفعش نقول يا ريت ترجع او كنا مستريحيين لأننا كنا بالعين المش عارف ايه و ساكتين
انا انتخبت مرسي و لو رجع بيا الزمن مش هختار شفيق بس فعلا ندمان اني انتخبته لأن البلد حاسو مش قادر يمسكها كويس
هو اه بيحاول بس مش بالمقدار المطلوب ... مش قادر يقتنع انو اول رئيس مدني منتخب بعد ثورة شعبية العالم كله اشاد بيها و بالتالي اداؤه سئ
انا دلوقتي عندي سؤالين و نفسي الاقيلهم اجابة من الصبح
السؤال الاول : هو فين البرنامج اللي مرسي رشح نفسه بيه علشان يحققه و ايه خطته لنهضة مصر؟
السؤال الثاني: حكومة قنديل اثبتت فشلها بالرغم من التعديلات الوزارية الكثير اللي اتعملت ايه سبب الاصرار على بقائها؟
نفسي حد يجاوبني على السؤالين دول بجد