الموضوع: الثبات (نظام التعليق)

طبعا ليس شرطا ان تركب فى سيارتك انظمة تعليق رياضيه مثل

كونى

او الكى ام

او حتى ماكفيرسون سبورت

ممكن ان تظل سيارتك بنظام التعليق الخاص بها على الرغم طبعا من ان انظمة التعليق الرياضيه افضل كثيرا
ولكن ساظل اراعى ان ما نفعله فى سيارتنا من الممكن ان يفعله اى شخص فى سيارته وهناك بعض الخطوات البسيطه التى تمكننا من ذيادة ثبات السياره ومنها

1

خفض السياره

وهذا يتم بقطع جزء بسيط من يايى المقدمه والمؤخره واعتقد ان اقصى ما يمكن قطعه هو لفه واحده من هذا اليايى حتى لا تنخفض السياره اكثر من اللازم ولا تفكر فى المطبات الجميله بتاعت مصرنا الحبيبه

هذه الطريقه تذيد ثبات السياره كثيرا وستلاحظ الفرق

2

ذراع التثبيت

وهذا الذراع يثبت ما بين المساعدين فى الامام والخلف
وهذا الذراع متوفر بكثره فى ارض الحرفين ومن الممكن عمله عموله
ووظيفة هذا الذراع هو تثبيت السياره على السرعات العاليه او فى المنحنيات ويذيد ايضا الثبات الى درجه كبيره

3

نوعية الاطارات

وهذه النقطه من اهم النقاط فى مجال الثبات او الهاندل وكثير منا يغفلها على الرغم من اهميتها القصوى نوعية الاطار كلما كانت اكثر جوده كلما ذاد الثبات والراحه فى السير وهنا لا اتكلم فقط على ماركة الاطار بل على نوعيته ودرجة طراوته فمن المعروف ان الاطارت تندرج تحت اقسام مختلفه من الطراوه فهناك القاسى والمتوسط والناعم والفرق فى هذه النوعيات قليل للغايه خصوصا فى اطارات الشوارع العاديه اما فى اطارات الريس تيوب ( نوعية الساباقات ) فالفرق شاسع للغايه فى الراحه والتماسك ايضا

وبما اننا نتكلم على السيارات العاديه ساوضح افضل انواع الاطارت التى يمكنك من استعمالها فى سيارتك العاديه التى تسير سيرا عاديا

1 البريدج ستون اليابانيه الاصليه

2 البيريلى

3 الميشلان ( وهى افضل اطارت المطر فى العالم )

4 الفاير ستون

5 الدانلوب

6 الهانكوك

وليست هذه الانواع بنفس التريتب بل هذا الترتيب على سبيل الحصر لا المقارنه

المشاركة الأصلية كتبت بواسطة MMamdouh

قطع السوستة حيخليها ناشفة مش طرية بس حتبقى انشف من المطلوب بكتير عشان كدة العربيات اللى مقصوص سوستها بتتنطت

و القطع بلمبة اللحام بيخلى معدن السوستة انشف مش اطرى و دة بيدى نشوفية فى جزء من السوستة و بالباقى بيبقى اطرى من الحتة اللى جنب القطع و بالتالى السوستة ممكن تتكسر من الاجهاد

تقصير او تطويل المساعد ميفرقش فى مدى قساوة او نعومة السوست خالص

الشداد بيركب على المساعدين الامايين او الخلفيين او الاتنين و فيه شداد بين المقصات كمان و دول بيفرقوا فى الثبات على المنحنيات و الفرامل لانهم بيدوا قوة زيادة للشاسية و بيمنعوا الى التواء او انحناء يسبب تغيير فى الشكل الهندسى للشاسية و بالتالى تغيير وضعية الاطارات على الارض بشكل يفقدها تماسكها مع الطريق

يا ريت نتحرى الدقة قبل ما نضيف مداخلة جديدة للمواضيع

MMamdouh

هل ضغط سستة 5 لفات اسهل من سستة 4 لفات ؟؟؟؟؟؟

بديهي جدا انة كلما زاد عدد لفات السستة كلما اصبحت اصعب في الانضغاط !!!

و تسخين اي معدن و تركة يبرد بيخلية اطرى وتزويد قساوة المعدن بيبقى انك تسخنة ثم تقوم بعملية تبريد مفاجيء لة بالمياة او الزيت لكن تركة يبرد بهدوء يزيد مرونتة
ودي من مسلمات الفيزياء وممكن حضرتك تراجع فيها

و بعدين انت قلت بيخللي الحتة اللي جنب القطع انشف ولكن بقيت السستة اطرى و ان السسستة تتكسر من الاجهاد يعني بقت انشف مش اطرى
يبقى ان بتقول نفس اللي انا قلتة الجزئية دي حضرتك فيها نص كلامك الاول متناقض من نص كلامك التاني

تقصير المساعد بيقصر المسافة بين البطاحة العلوية اللي في اول السستة و البطاحة السفلية الثابتة في المساعد و بالتالي يزود انضغاط السستة
يعني سستة مضغوطة في 45 سنتي بديهي انها انشف من سستة مضغوطة في 50 سنتي !!!

اما الشداد اللي بيركب عالمساعدين, اتفقنا زي ما حضرتك قلت " انة بيدي قوة للشاسية و يمنعوا اي التواء او انحناء يسبب في تغيير الشكل الهندسي للشاسية و بالتالي وضعية الاطارات"
طيب و هل الشاسية دة بيلعب فاتح قافل معاك طول مانت ماشي يعني, و يخللي العجل بيلعب, بديهي لأ, انما الشاسية لو فتح اوقفل بيسبب كدة, و بالتالي المطلوب هو تثبيت الشاسية بالدعامات (الشدادات) دي لمنع فتح او قفل الشاسية مش علشان الثبات و انما لأن لو الشاسية فتح او قفل حايؤدي لأضرار في السيارة منه ان مثلا الزوايا بتاعه العجل مش حاتضبط و ان الكبالن ممكن تهرب و منة ان العربية تحدف و الكاوتش يتآكل و اشياء اخرى لكن تثبيت الشاسية مش بيزود الثبات بشكل مباشر و انمالو الشاسية فتح او قفل نتيجة النتش هوة اللي بيعمل مشاكل في حاجات كتير منها ما هو يؤدي لمشاكل في العفشة

"انا باتحرى الدقة قبل ما أضيف مداخلة جديدة للمواضيع"