نظرتى السريعة لمعرض اوتوماك فورميلا 2013
السلام عليكم و رحمة الله و بركاته
النهاردة اتيحت لى فرصة زيارة معرض اوتوماك فورميلا 2013 فى اول ايام افتتاحه للجمهور العادى .. بصراحة المعرض السنة ديه جميل و ممتع و تبقى حاسس انك عايز ترجع و تلف تانى فيه و عشان كده قعدت هناك حوالى 6 ساعات او اكتر لف لحد ما رجلى وجعتنى
بتدخل فى الاول على قاعة العربيات النقل و النقل الخفيف طبعا ما بصتش عليهم اصلا و كانوا مشغلين اغانى شعبى مش عارف ليه :U_thin1[1]:
بعد كده تدخل على القاعة اللى بعدها
يقابلك فى وشك الاسد الفرنسى بيجو
عارضين الـ 508 و الـ 3008 و الـ 5008 و الـ RCZ و الامورة الصغيرة 208 والجديدة 301 بس لسه محدش يعرف سعرها برضو :grrrr:
508 غليت بقت تبدأ من 220 او 225 مش فاكر
3008 بـ 195 و 215 فرق بانوراما و حساس ركن و مطر و head up display
الـ 208 بـ 136 و 153 بس عربية الصراحة و نازلة فى الهاى لاين بانوراما و شاشة تاتش بصراحة حاجة وهم بس طبعا حجمها صغير جدا يعنى عربية لواحد و مراته بس او واحد لوحده بس :tongue17:
http://www.cars-data.com/design/pics...208_3350_6.jpg
على الناحية التانية فيه العربيات الكلاسيك .. مش من اهتماماتى بصراحة
بعدين الاوبل منزلين عربيتين لسه هينزلوهم mokka و astra sw بس لسه محدش يعرف عنهم اى حاجة هناك
و نزلوا التحفة الـ gtc تانى بفئتين 210 و 240 بموتور 1400 سى سى 140 حصان بس تحفة بصراحة و تقفيل اتحاد اوروبى برضو فى الاغلب بولندى يعنى
http://1.bp.blogspot.com/-A7gDeWr9Zd...TC-2012-09.jpg
الشيفروليه نفس الكلام بس نزلوا الكروز الجديدة الفيس ليفت اعلى فئة بـ 155 الف و موتور اوبل استرا
الاودى منزلين الـ a3 بـ 210 بس تحسها فقيرة شوية و فيه a4 فى حدود 418 او 480 مش فاكر و audi a5 sportspack بـ 395 الف سعرها كويس على عربية المانى 100% و طبعا فوانيس الاودى لا تعليق ممكن تتفرج على الفانوس ساعة لوحده
بعد كده المرسيدس لا جديد غير انهم مغلوش اسعار حاجة ( تقريبا الوكيل الوحيد اللى كده ) و منزلين التحفة A-Class بس محدش يعرف عنها حاجة لسه برضه
http://cdn.pocket-lint.com/images/Jn...0121119-210400
بعدين نيجى للرينو و صباح الاستهبال واضح انهم صدقوا موضوع اعلى مبيعات عربية اوروبى فى مصر و اللوجان الاوتو بقت بـ 90 الف و الفلوينس الفيس ليفت اعلى فئة بقت بـ 195 الف و عمرى ما انسى الاخت الفاضلة اللى واقفة جمبها و انا بسألها على سعر الفلوينس و بتقولى one thousand and ninty five بصراحة كان نفسى اقول لفظ خارج بس قلت عيب برضه رينو حبايبنا من زمان و اه نزلوا الكليو 1200 سى سى و 75 حصان مانيوال و بقوله بكام قالى تقريبا هتبدأ من 140 الف قلتله مكنتوش تنزلوها احسن بس بصراحة برضه العربية وهم بس سعرها عالى جدا و تقريبا نفس حجم الـ 208
http://cdn.pocket-lint.com/images/HS...0121004-160624
بعدين بى ام لا جديد برضه الا الـ 316 و نازلة 3 فئات اقل فئة بـ 268 الف و الاتنين التانيين بـ 292 الف مفيش اى فئة فيها فتحة سقف و كلهم فيهم اى درايف
السوبارو جناج ميت تقريبا و فيه الامبريزا والـ vx و الـ legacy بس بصراحة معجبتنيش من جوة اوى حاسس انها قديمة شوية كأستايل من جوة
و بعدين الكيا طبعا السيراتو الجديدة حلوة بصراحة بس 186 الف :grrrr: لفظ خارج تانى :evil: و كانوا عارضين عربية وهم كده بس نسيت اسمها و بـ 59 الف دولار من غير جمارك يا بلاش بس تقليد البى ام الـ 7 series بالظبط حتى نفس شكل الفتيس الـ 8 سرعات
الفولفو عربيات زى الفل طبعا s60 , v60 , s80 و منزلين v40 جديدة بصراحة وهم برضه و قعدتها تهبل تحس انها عربيات سباق و لسه منزلش سعر برضه بس متوقع فى حدود 250 لـ 300 الف ..
ستروين طبعا وهم c5,c4 , ds3 , ds4 و اخيرا ds5 باللون الابيض اللؤلؤى بصراحة عربية ملهاش حل
و منزلين الـ c-elysee و اسعارها معقولة 115 و 125 الاتنين اوتوماتيك و العربية تقفيلها محترم جدا برضه و تقفيل اسبانى
نيسان بصراحة قرفت من الدى جى اللى صوته كان عالى بطريقة مستفزة اللى مشغلينه بس الناس كانت ملمومة هناك و بصراحة انا مقربتش هناك
هيوندى منزل ix35 ينافس الـ sportage بـ 195 لحد 230 الف و تقفيل تشيكى عربية مش بطالة :U_thin1[1]:
و منزل الـ I30 من 150 لحد 180 الهاتشباك و الكوبيه بـ 175 عربية حلوة برضه بس من جوة نسخه الالنترا و تحسها بلاستيك شوية من جوة
الفيات عارضين اللينيا و البونتو الجديدة من اول 104 مانيوال بطابلوه الجراند القديمة لحد 140 الف البانوراما و شكلها لطيف بس غليت اوى
http://sazelmotors.com/wp-content/ga...to-2013-05.jpg
الصينى مهتمتش بيه
الجاجوار و اللاند روفر و البنتلى لا تعليق طبعا
السوزوكى كله عربيات صغيرة و مفيش جديد اظن
طبعا دا تقرير سريع و مش مرتب بس حبيت افيد الناس بالمعلومات اللى عرفتها و انصح الكل يروح لان المعرض فعلا حلو السنة ديه