اصحاب تجربة سيراتو كوبيه ٢٠١١

**dr.oun** · 19-01-2013 08:39 AM

ما رأيكم فيها ؟
و ايه عيوبها ؟
و ايه مميزاتها ؟
و يا تري ثبات العربيه دي عامل ايه ؟
في انتظار ردودكم لاني خلاص هشتري واحده بكره ٢٠١١ توب لاين

**TAMERMEGAHED** · 19-01-2013 09:23 AM

سعاده الباشا

استخدام العربيه يتوقف عليك عازب ولا متزوج يعنى محتاجها لاسره ولا لوحدك

العربيه ماشاء الله جميله ومرضيه

وثباتها ممتاز
وعيوبها انها ضعيفه لو انت بتحب شد كتير يعنى محتاج دايما تستعمل المانيوال او استربترونيك وهى تجرى معاك طلقه واى عربيه بتحافظ علها هى كمان بتحافظ عليك
المهم الى هتخلص فيها يكون حالتها عامله ازاى وصاحبها كان محافظ عليها
وبالتوفيق وربنا ييسرلك الحال

**dr.oun** · 19-01-2013 09:29 AM

هي العربيه ٧٠٠٠ الاف كيلو استعمال مستشار
بدون اي خبطات او رد علي البارد او تجاريح
و انا عازب :)) لسه طبيب امتياز يعني
سؤالي لان في ناس مختلفه علي اتزانهاةو اللي بيقولو بعد ال ١٠٠ بتعوم حسسوني اني هشتري ٢٨ :)
و بالنسبه لعفشتها الناشفه انا كنت راكب نيسان صني و هي كمان عفشتها ناشفه
يا تري هحس بفرق
و بخصوص الشد انا كنت الاول بسخن علي الطريق بسرعه بس دلوقتي مبقتش اعدي ال١٤٠
يا تري هتكفي احتياجاتي و سواقتي ؟

**moha4tec** · 19-01-2013 10:24 AM

اول ما تجيبها تسقطلها عفشه اسبور كامله سوست و مساعدين .و يا سلام لو جبت ال hsd او d2 الامريكى مش الصينى

**dr.oun** · 19-01-2013 10:27 AM

و بخصوص الاتزان و الثبات ايه وضعها زي ما هي كده
لاني مش من هواه التعديل في العربيه

**MohammedAladel** · 19-01-2013 11:41 AM

شوف يا باشا الشائع بين الناس إن السيراتو عفشتها (الخلفية ) معيوبة

وناس كتير قالوا إنها بتلعب على الطريق ع السرعات خاصة فى المنحنيات على السرعات العالية بسبب سوء تصميم العفشة دى ( الكلام دا عن سيراتو سيدان مش كوبيه لأنى مشفتش حد اتكلم عن كوبيه )
بالرغم من إن أ غلب ملاكها بيقولوا برضه إن ثباتها كويس جدا
بالنسبة للعربية مع الجنوط ال 17 العفشة ناشفة .... ناهيك عن البلالين اللى بتحصل مع الجنط ال 17 بسبب طرقنا السيئة (ملهوش دعوى بالعربية أو نوع الكاوتش طبعا بتحصل مع أحسن كاوتش )

أثير الكثير من الكلام عن سهولة سرقة السيارة ( الملاك بيقولوا إشاعات مغرضة وإن السرقة بسبب ناس كانت فى التوكيل مضبطة مع الحرامية )

العربية شكلها رائع طبعا

**dr.oun** · 19-01-2013 11:46 AM

ما ده اللي بيتقال حضرتك لكن انا سمعت من ناس ملاك للعربيه دي انها ثابته فعلا علي الطريق
و كان مع اخويا سيراتو سيدان ٢٠١٠ العربيه سحبها جيد جدا و كنت علي ١٤٠ و محستش بسرعه في السيدان
اعتقد ان الكوبيه هتبقي افضل من السيدان
ليا استفسار تاني معلش
ايهرالافضل الفتيس القديم و لا الجديد من حيث العمر و الاستهلاك

**MohammedAladel** · 19-01-2013 11:49 AM

المشاركة الأصلية كتبت بواسطة moha4tec

اول ما تجيبها تسقطلها عفشه اسبور كامله سوست و مساعدين .و يا سلام لو جبت ال hsd او d2 الامريكى مش الصينى

سؤال يا محمد باشا
بعد إذن صاحب الموضوع
إيه هو السيليكون السبراى اللى حضرتك اتكلمت عنه قبل كدا

وأنا كان عندى لمبات زينون Hid plus وواحدة اتحرقت وشلتها ب الجهاز بتاعها أضاءتها كانت زفت بصراحة والفانوس بتاعى عدسات بس عدسات هالوجين مش زينون

كان النور الواطى اللى هو H7 إيه رأيك هغير لنور هالوجين عادى اللمبات اللى راكبة عندى فى العربية الستوك كلها osram عايشة بقالها 5 سنين كفاءة كفاءة يعنى تنصحنى بأنواع إيه وسعرها هيكون فى حدود كام ؟؟

وفى نفس الوقت معروض عليها طقم زينون أصلى بس معرفش أشتريه ولا لأ لأنهم بيقولوا الزينون بيضعف مع مرور الوقت ودا اللى حصل عندى بالفعل

وأنا عامة بحب النور الأصفر اكتر من النور الأبيض

يعنى رأى حضرتك إيه من الآخر لمبات جديدة عادية هالوجين هتكون أ قوى ولا لمبات زينون أصلى مستعملة هتركب على فوانيس عدساتها هالوجين ؟؟

**TAMERMEGAHED** · 19-01-2013 02:59 PM

العربيه ماشا ءالله بتقول 7000 يعنى كسر زيرو ةاستخدام نظيف صدقنى هترضيك جدا لان انا عندى عيله ومع ذلك الحمد لله مرضيه جدا بالنسبه ليا وموضوع العفشه ده انا ماحستش بيه خالص اما فى فرق شاسع بينها وبين الصنى لان انا كان معايا عربيه من الشغل صنى وهى انعم بكتير بس هو الى بس بيضايقنى زى ماقلتلك ساعات احس انها تقييه وبالذات فى المطالع بس استخير وان شا ءالله خير