هل عندكم أي إعتراض علي التريوس الأتوماتيك ؟ وهل أفضلها علي الأوكتافيا ال A4
وخصوصا إن عائلتي كبيره ؟
وشكرا علي إهتمامكم بالرد
هل عندكم أي إعتراض علي التريوس الأتوماتيك ؟ وهل أفضلها علي الأوكتافيا ال A4
وخصوصا إن عائلتي كبيره ؟
وشكرا علي إهتمامكم بالرد
اصل دي عربية و دي عربية
التيريوس الأوتوماتيك شيك و حلوة و عالية طبعا أكتر من ال A4
خلي بالك هيا شنطتها من ورا مش كبيرة ودي ميزة للأوكتافيا
لكن التيريوس مافيهاش مشاكل ولا كلكعة الألماني (الا لو غاوي ألماني بقى)
التيريوس عربية ظريفة و شكل جديد نسبيا
الأوكتافيا صحيح عربية شديدة بكل معاني الكلمة (جسم شديد و موتور شديد و تعليق شديد) و لكن الشكل خلاص في الوقت الضايع
أنا بصراحة مع التيريوس:iagree:
انا عندى إستفسار
هو لسه فيه a4 اوتوماتيك؟؟
انا كنت سألت عليها من قريب قولولى ان خلاص كل اللى بينزل حاليآ مانيوال فقط
ارجو ان حضرتك تتأكد من المعلومة
و ربنا يوفقك
شكرا علي إهتمامكم وردكم
في A4 أتوماتيك بس قليلة مش منتشرة ثمنها 142000 في الأسكندرية وتأكدت بنفسي لأني كنت فاكر انها مانيوال فقط بس لقيت منها اتوماتيك كمان
واضح ان التيريوس محدش واخد منها موقف او مش بيأيدها لأني شايف الأعضاء في منتدي الديهاتسو بيشجعوها جدا
سعر a4 عالى اوى !!!
دى موديل قديم و خلاص فاضلها سنة و خلاص الشركة مش هتنزلها تانى
فى الحالة دى طبعآ التيريوس أحسن الف مرة و هى على الأقل هتتحمل الشوارع بتاعتنا
بصراحة انا معجب جدآ بالتريوس و فى فترة كنا بنفكر نشترى واحدة بس محصلش نصيب
و بعدين حضرتك ممكن تشترى أعلى حاجة فى التريوس اللى فيها كل حاجة بمعنى الكلمة ب 135 الف جنيه (من موقع كونتاكت) يعنى أقل من ال a4