اذا كان في حد يقدر يتابع الموضوع دا هيكون طفرة في عالم الركن و شيك و سهل و هو مجرد فكرة محتاجة متابعة و الشرح في الفيديو
[youtube]http://www.youtube.com/watch?v=SFYqsmNTSMU[/youtube]
و مش شرط شركة عربيات الي تنتجه هو ممكن يكون اضافة لاي نوع
عرض للطباعة
اذا كان في حد يقدر يتابع الموضوع دا هيكون طفرة في عالم الركن و شيك و سهل و هو مجرد فكرة محتاجة متابعة و الشرح في الفيديو
[youtube]http://www.youtube.com/watch?v=SFYqsmNTSMU[/youtube]
و مش شرط شركة عربيات الي تنتجه هو ممكن يكون اضافة لاي نوع
هى حلوة بس اعتقد انها مكلفه خصوصا ان علشان تنقل الحركه من المتور للروافع دى وايجاد اماكن وفراغات داخل الشاسيه بدون التأثير على تصميمه او قدرتوا على تحمل الاصطدامات هى اللى هتبقى مشكله
هو اختراع
بس النهارده العربيات بقت تركن لوحدها بالكمبيوتر
وافتكر ان فى فيديو لعربيه مصريه بنفس الاختراع ده بس بدائى شويه هدور عليه واجبهولك
هي فكرة كويسة
بس فمصر ممكن تحصل
احنا محتاجين شوارع الاول نمشي فيها
ولما نوصل ربنا يقدرنا علي الركن بقي
مش احباط يا باشا لكن طموح فالاساسيات الاول ..
ده الفيديو بس مش لاقى صوره اوضح من كدا
‫السيارة الغريبه‬‎ - YouTube
‫السيارة الغريبه‬‎ - YouTube
اختراع يا كوتش
يا عم صلي عالنبي جايبلي كارتون و تقولي اختراع
أنا داخل قولت هلاقيك عامل عربية بتطير ولا حاجة عشان الزحمة الطاحنة اللي احنا فيها :khd:
حسبي الله و نعم الوكيل
كان نفسى اشوف الفيديو بس النت عندى بطئ
تمام انت بتفهم لان دي كانت مشكلة فعلا في طريقة الدمج لكن الفكرة الي انا عايز اوصلها انها مش لازم تندمج بتفريغ في الشاسيه هي ممكن تبقى لحام بس يعني بفكرة مبسطة جدا زي حامل التلاجة كدا بس على مقاس العربية و بيترفع و تزويده بموتور يوديه يمين و شمال على حسب الركنة و طبعا روافع هواء زي الكريك و صدقني كلها حاجات بسيطة محتاجة بس قعدة مهندسين و هتتنفذ
و ممكن تبقى اكسيسوريس لاي عربية بتتباع مفردة و يتم دمجها في ورشة مخصصه و عمل توصيلات الكهرباء بتاعتها
هى فعلا لو بقت فى اكسسوار حتى لو حاجه زى الكوريك التمساح كده ترفع العربيه و تتحرك بعجل هتقوم بالوظيفة دى و بدون الاحتياج للكهرباء او ممكن يبقى فيها موتور صغير علشان يلف المسمار اللى هيرفع العربيه و ممكن يبقى متثبت فى العربيه من تحت علشان ما ياخدش مساحه فى شنطه العربيه. اعتقد الموضوع مش صعب و ما يتكلفش كتير و قابل للتنفيذ
معلش ممكن أحبطك؟ :(
https://www.facebook.com/photo.php?v=511653882211771
متاااابع
فكرة ممتازة بزات انها هتغنيك عن استخدام الكوريك
هي الفكره حلوه بس هتحل ايه ؟ ازمة ركنه ؟ الناس دلوقتي بيعملو جراجات اوتوماتيك بتاخد منك العربيه وبتركنهالك كانها بتشيل علبة كبريت في درج
طبعا غير موضوع الوزن لان حاجه زي دي مش هتقل عن 100 كيلو مثلا ده بالنسبه للروافع بس غير ازاي بقي هتشغلها وتنقلها حركة الموتور ومن غير ماتاثر علي وزن العربيه وثباتها وامنها
يا جماعة انا حاطت الفكرة لاني عارف ان في ناس اقدر مني و ممكن تطورها للافضل و الموضوع مش ادعاء اني عبقري زماني و لا عملت الي محدش عمله
و دا الفرق بينا و بين الصين انهم بيشوفوا التقدم الغربي و بيعملوه الي زيه و بيضيفوا عليه كمان و احنا بنتفرج على الاتنين و نعقد نفسنا مع ان في افكار ممكن نطورها او حتى نخترعها من اساسها .
طب احنا ممكن نقول اختراع للسيارات المصرية
او اختراع للسيدات ملاك السيارات لسهولة الركن
علشان الناس تستريح !!!!!!!!!!
مش عارف لية جايبين سيرة الاوتو بارك والجراجات اللى بتشيل العربيات محسسنى ان دة موجود فى مصروالعربيات دى ببلاش مثلا جسستونى ان الاوتو بارك دة زى البارك سينسور كدة متاح عادى يعنى :(
لية
الراجل بيقول فكرة (قد تكون نوع من انواع الكماليات للسيارة) تعب فيها وقدمهالك فى 30 ثانية مش معنى كدة انة مبذلش فيها مجهود يشكر علية جدااااااااا او ان الفيديو كرتون وميكى والكلام اللى يدايق دة
السلبية اللى توصل لحد التقليل والاحباط دى اسخف شىء فى الوجود
بدل ما تعلق وتقول مش عارف اى كلام فى الحمادة لتقل خيرا او لتصمت حتى لو الفكرة معجبتكش
اللى عندة احساس اليومين دول احسن بكتير من اللى عندة فلووووس على فكرة
تحياتى لصاحب الموضوع واستمر
فكره حلوه
وممكن بعد كده تكون ابشن زياده فى العربيه عند الشراء
واللى عجبنى فيها اكتر من الركنه كمان موضوع تغيير الكاوتش ها يسهل كتيير اوى على الواحد
لما الكاوتش يتخرم
وهو فعلا فى عربيات بتركن بالكمبيوتر بس ده فى كام عربيه فى العربيات الغاليه بس يعنى مش متاحه للجميع
واعتقد ان الاختراع ده يبقى فى الفئه الاقل
وهيساعد كتييير ذوى الاحتياجات الخاصه والسيدات ومبتدى تعلم القياده
وخاصه فى الازدحام ده
تسلم ايدك
وان شاء الله فكرتك واختراعك ينجح
ولا تسمع للمحبطيين والهداميين
الشجره المثمره دائما تقذف بالحجاره