تغيير زجاج الباب الخلفى اليمين فيرنا 2006

**drmohamedkhater** · 19-01-2013 01:05 PM

فجر الجمعة الساعة 6 و 15 صباحا صحيت على صوت انزار العربية بصيت من البلكونة لاقيت والدى واقف جنب العربية و بيقولى انزل شوف العربية اتارى الحج فتح العربيه علشان يطمن عليها و كان ناسى موضوع الانزار

المهم لاقيت الزجاج بتاع الباب الخلفى اليمين مدشدش ( حد كسرة او سرطان زجاج الله اعلم )
نزلت شفت العربية لاقيتها مافيش حاجة ناقصة الحمد لله و جت سليمة و بسيطة
المهم بقى و الاهم :
رحت اشتريت بعد صلاة الجمعة زجاج الباب سعره كان 100 جنيه زجاج امان مش دكتور جريش و الراجل قالى ان من 2007 و طالع كله امان قبل كده غبور كان بينزل جريش + ان الاسعار زادت على اساس ان الزجاج ده كان بتباع ب 60 قبل رمضان و بعدين فى رمضان بقى ب 75 و دلوقت علشان الدولار زاد بقى ب 100 ( ربنا يستر على الايام الجايه )
و رحت ركبته عند بتاع ابواب طبعا فتح لى مخصوص لان كان يوم جمعه ( اتصلت بيه جالى من البيت ) و اخد 20 جنيه مصنعيه - الصراحه مكنش عايز ياخد فلوس بس انا طبقت عشرين جنيه و حطيتهم فى جيبه -
يعنى الموضوع كلف 120 جنيه على غيار الريق على الصبح بس الحمد لله قضاء اخف من قضاءو ربنا يسترها معانا و معاكم يا رب