الموضوع: سيلرة بمقدم 52.000

السلام عليكم ورحمة الله وبركاته

انا ان شاء الله نويت اشترى عربية ومعايا مقدم 52000

أمامى اختيارين : 1- اقسط جديد : وهنا انا احترت تماااااااما وخاصة من بعد زيادة اسعار العربيات بشكل مجنون بعد موضوع الدولار ده وامبارح كنت فى معرض فورميلا الاهرام واسعار العربيات هبللللللللللللللللل

المهم فى هذا الاختيار لاقيت ان عدد السيارات المتاحة جديدة واعرف اقسطها هى بالترتيب من وجهة نظرى والترتيب ده من وجهة نظرى الاقوى للاضعف :

أ- اسبيرانزا M12 :
عربية فخمة جدا وشكلها تحفة بس خايف جدااااااااااااا من الصينى و صيانته وخدمة ابو الفتوح فيما بعد البيع وكمان سعر اعادة البيع ده غير انى لاحظت ان ابو الفتوح سحب كل موديلات اسبيرانزا من المعارض عشان هينزل موديلات جديدة من ال 516 والتيجو

ب- جيلى ايميجراند 7 :
ركبتها امبارح فى المعرض بجد تحس انك راكب مرسيدس بس تخوف برده لانها صينى وكمان لسه منتشرتش خالص

ج-FRV Cross :
عربية حلوة بس 1500 سى سى فقط وكمان اسمع ان قطع غيارها نااااااااار
د- الفيرنا :
برغم انها عملية ومنتشرة زى النمل فى مصر الا انى شايف انها عربية اغلى من الصينى ولا تحتوى على ربع الاوبشنز اللى فى صينى وان كانت افضل فى سعر اعادة البيع

ه- اللوجان :
مش مقتنع بيها نهاااااااائى ده غير انها غليت وبقت ب 82000 هتجنننننننننن

ن- الانوس :
بطيخة ملهاش اى تلتين لازمة

ك- BYD : عربية حلوة اوى بس شكلها مش عاجبنى وده اللى مانعنى منها عشان كدة مقدم الاسبيرانزا M12 عليها فى الترتيب

---------------------------------------------------- دى الاختيارات فى حالة لو هقسط زيرو

اما لو هاقسط مستعمل فدى برده مشكلة لانى ناوى اقسط تبع كونتاكت كارز وهما حاطين كمية شروط فى العربية المستعملة اللى يرضوا يقسطوها تعجيزية يعنى ان يكون عددادها مش اقل من 60000 مثلا ومتكونش اكتر من 3 سنين من تاريخ الصنع وهكذااا فصعب جدا انك تظبطلهم حاجة تفصيل عشان تعرف تقسط مستعمل معاهم وللاسف مفيش حد تانى بيقسط مستعمل غير كونتاكت

انا شايف ان الحاجة الوحيدة اللى ممكن اقسطها مستعمل هى الصنى



النتيجة : اقسط زيرو ولا مستعمل ؟

speranza M12 جديدة ولا Sunny used ده لو لاقيتها بالحالة اللى كونتاكت قال عليها ؟

من الاخر انا طولت عليكم بس انا فعلا فحيرة شديدة جداااااااا وعملت صلاة استخارة كذا مرة ودماغى عمالة تميل هنا شوية وهنا شوية


الصينى ناس تقولى ممتاز وناس تخوفنى والاتنين من ملاك الصينى

وفنفس الوقت ناس تقولى الزيرو زيرو مهما كان

انا بجد تعبت ونفسى حد يجبلى من الاخر

مستنى اقتراحاتكم ومناقشتكم معايا عشان اكيد فى كتيييييييييير اوى فى موقفى ده

المشاركة الأصلية كتبت بواسطة khaled online

sunny كسر زيرو

طبعا وبدون تفكير ولا حيرة بس المهم ربنا يوفقك فى حاجة كويسة وعدادها قليل وتكون فى الضمان- وضمان الصنى 60000 كيلو عربية محترمة غير كل الى ذكرتة ومش هتندم أبدا وعن تجربة للعربية

السلام عليكم ورحمة الله وبركاته

انا ان شاء الله نويت اشترى عربية ومعايا مقدم 52000

أمامى اختيارين : 1- اقسط جديد : وهنا انا احترت تماااااااما وخاصة من بعد زيادة اسعار العربيات بشكل مجنون بعد موضوع الدولار ده وامبارح كنت فى معرض فورميلا الاهرام واسعار العربيات هبللللللللللللللللل

المهم فى هذا الاختيار لاقيت ان عدد السيارات المتاحة جديدة واعرف اقسطها هى بالترتيب من وجهة نظرى والترتيب ده من وجهة نظرى الاقوى للاضعف :

أ- اسبيرانزا M12 :
عربية فخمة جدا وشكلها تحفة بس خايف جدااااااااااااا من الصينى و صيانته وخدمة ابو الفتوح فيما بعد البيع وكمان سعر اعادة البيع ده غير انى لاحظت ان ابو الفتوح سحب كل موديلات اسبيرانزا من المعارض عشان هينزل موديلات جديدة من ال 516 والتيجو

ب- جيلى ايميجراند 7 :
ركبتها امبارح فى المعرض بجد تحس انك راكب مرسيدس بس تخوف برده لانها صينى وكمان لسه منتشرتش خالص

ج-FRV Cross :
عربية حلوة بس 1500 سى سى فقط وكمان اسمع ان قطع غيارها نااااااااار
د- الفيرنا :
برغم انها عملية ومنتشرة زى النمل فى مصر الا انى شايف انها عربية اغلى من الصينى ولا تحتوى على ربع الاوبشنز اللى فى صينى وان كانت افضل فى سعر اعادة البيع

ه- اللوجان :
مش مقتنع بيها نهاااااااائى ده غير انها غليت وبقت ب 82000 هتجنننننننننن

ن- الانوس :
بطيخة ملهاش اى تلتين لازمة

ك- BYD : عربية حلوة اوى بس شكلها مش عاجبنى وده اللى مانعنى منها عشان كدة مقدم الاسبيرانزا M12 عليها فى الترتيب

---------------------------------------------------- دى الاختيارات فى حالة لو هقسط زيرو

اما لو هاقسط مستعمل فدى برده مشكلة لانى ناوى اقسط تبع كونتاكت كارز وهما حاطين كمية شروط فى العربية المستعملة اللى يرضوا يقسطوها تعجيزية يعنى ان يكون عددادها مش اقل من 60000 مثلا ومتكونش اكتر من 3 سنين من تاريخ الصنع وهكذااا فصعب جدا انك تظبطلهم حاجة تفصيل عشان تعرف تقسط مستعمل معاهم وللاسف مفيش حد تانى بيقسط مستعمل غير كونتاكت

انا شايف ان الحاجة الوحيدة اللى ممكن اقسطها مستعمل هى الصنى



النتيجة : اقسط زيرو ولا مستعمل ؟

speranza M12 جديدة ولا Sunny used ده لو لاقيتها بالحالة اللى كونتاكت قال عليها ؟

من الاخر انا طولت عليكم بس انا فعلا فحيرة شديدة جداااااااا وعملت صلاة استخارة كذا مرة ودماغى عمالة تميل هنا شوية وهنا شوية


الصينى ناس تقولى ممتاز وناس تخوفنى والاتنين من ملاك الصينى

وفنفس الوقت ناس تقولى الزيرو زيرو مهما كان

انا بجد تعبت ونفسى حد يجبلى من الاخر

مستنى اقتراحاتكم ومناقشتكم معايا عشان اكيد فى كتيييييييييير اوى فى موقفى ده

يشرفنى اكون اول المشاركين برأى فى الموضوع .. ويسعدنى انى احاول اساعدك لان انا من سنتين بالظبط كنت فى نفس الحيرة ووجع الدماغ زيك.

ان شاء الله هقولك واجيبلك من الاخر (من وجهة نظرى المتواضعة) وطبعا تنتظر اراء بقية الاعضاء وتستخير ربنا تانى وتاخد قرار موفق باذن الله.

نبدأ بزيرو ولا مستعمل؟ اقولك زيرووووو زيرووووو وبلاش مستعمل .. انا شايف ان الزيرو انت بتاخد خيره وحلاوة العربية فى اولها زى ماتقول كده وش القفص وانت بتشترى فاكهة .. ومهما كان صينى ولا هندى مش هتتعبك اد ما المستعمل هيتعبك لان العربية ماهى الا حتة حديد وكلها قطع مستهلكة ومع الوقت لازم تتعب وتتغير وتعملها صيانة حتى لو كانت بى ام.

نتكلم فى الزيرو بقا ونصنفهم واحدة واحدة كده:

1. اسبرنزا عربية ذات كفاءة جيدة فى حدود السعر .. فخامة وشياكة واوبشنز و ثبات وفرامل ممتازة .. يعيبها توكيلها الضلالى ابو الفتوح .. خدمة مابعد البيع سيئة والمعاملة زفت الا لو كان ليك حد هناك تعرفه فى التوكيل .. عن نفسى الام 11 معايا جميلة اوى بس انا غيرت فيها كذا حاجة مع انها عاملة 22000 كم بس ولكن هى حظوظ زى البطيخة كده وده راجع لسوء جودة التقفيل وانعدام الضمير فى القطع اللى بيستخدموها .. انما فى المجمل عربية طول ماهى سليمة هى جيدة جدا .. وارد تتعب منك شوية خصوصا عفشتها (اسمع انهم حلوا مشاكل العفشة فى الموديلات ابتداءا من 2012) لكن ادينى شغال على الضمان .. يعيب الضمان والتوكيل عدم توافر قطع الغيار باستمرار يعنى لازم تستنى وقت احيانا بيوصل لشهور طويلة لحد ما القطعة تتوفر ولكن للامانة مستنتش قطعة تأثر على مشى العربية او تخلينى سايق فى خطر .. يعيبها كمان ان محدش كتير بيشتغل فيها واضمن حاجة انك تطلع على التوكيل لو حصل مشكلة لا قدر الله.

2. امجراند ولو ان شكلها جميل اوى ويوحى بانها عربية كويسة وكمان هى من غبور يعنى انضف من ابو الفتوح اكيد (لكن كلهم فى الاخر ضلالية ولا يهم الا المكسب فى المقام الاول) .. سعرها بيعلى كل شوية ومبالغ فيه بصراحة اوى .. لسه جديدة فى السوق ومحدش جربها ولا تعرف اخبارها ايه ولا قطع غيارها !! انا استبعدها من الاختيارات

3. البريليانس عربية جميلة جدا بشهادة ملاكها .. قطع غيارها غالية فعلا لكن توكيلها ممتاز .. انا عن نفسى كنت هموت واجيبها بس وقت ما اشتريت مسحت معارض مصر مكنتش موجودة خالص .. للامانة سمعت من واحد زميلى فى الشغل اخوه شغال فى البافارية بيقول انها مش اد كده بس ايه السبب معرفش (بس انا مش بكرهك فى العربية بالعكس انا لسه قايلك انها جميلة بشهادة ملاكها).

4. فيرنا عربية وزنها خفيف اوى ومش ثابتة لخفة وزنها ومفيش فيها اى اوبشنز .. ميزتها انها اعتمادية ومنتشرة والكل بيشتغل فيها .. اخيرا انا استبعدها من الاختيار.

5. لوجان مبتنزليش من زور عاملة زى البطة كده .. وكمان سعرها بقا 82000 يبقى لأ طبعا كبر دماغك .. ده غير قطع الغيار النار والتوكيل الحرامى الحرامى الحرامى. انا استبعدها من الاختيار.

6. لانوس لا تعليق زى ما انت قولت ملهاش اى ستين مش تلاتين لازمة .. ميزتها الوحيدة زى الفيرنا اعتمادية وقطع غيارها برخص التراب وانت ممكن تصلحها بنفسك بعد ماتقف على ايد الصنايعية شوية وتتعلم!

Byd اسمع انها جميلة من اكتر من واحد ومن سواقين التاكسى كمان .. انا مش شايف شكلها وحش ولا حةج بالعكس مرحة ولذيذة .. معرفش قطع غيارها ايه نظامها ولا سعرها ايه دلوقتى .. اللى اعرفه ان وكيلها شركة الامل دى شركة صغيرة شوية ومنسمعش عنها اوى فى سوق التوكيلات .. ياريت تسأل عليها اكتر وتخليها من ضمن اختياراتك.

اتمنى انى اكون افادتك بقدر المستطاع .. انا هتابع الموضوع واعرف اراء باقى الاعضاء واعرف قرارك النهائى وباذن الله لما تشترى لازم اخد معاك لفة بالعربية :)

المشاركة الأصلية كتبت بواسطة khaled_saga

يشرفنى اكون اول المشاركين برأى فى الموضوع .. ويسعدنى انى احاول اساعدك لان انا من سنتين بالظبط كنت فى نفس الحيرة ووجع الدماغ زيك.

ان شاء الله هقولك واجيبلك من الاخر (من وجهة نظرى المتواضعة) وطبعا تنتظر اراء بقية الاعضاء وتستخير ربنا تانى وتاخد قرار موفق باذن الله.

نبدأ بزيرو ولا مستعمل؟ اقولك زيرووووو زيرووووو وبلاش مستعمل .. انا شايف ان الزيرو انت بتاخد خيره وحلاوة العربية فى اولها زى ماتقول كده وش القفص وانت بتشترى فاكهة .. ومهما كان صينى ولا هندى مش هتتعبك اد ما المستعمل هيتعبك لان العربية ماهى الا حتة حديد وكلها قطع مستهلكة ومع الوقت لازم تتعب وتتغير وتعملها صيانة حتى لو كانت بى ام.

نتكلم فى الزيرو بقا ونصنفهم واحدة واحدة كده:

1. اسبرنزا عربية ذات كفاءة جيدة فى حدود السعر .. فخامة وشياكة واوبشنز و ثبات وفرامل ممتازة .. يعيبها توكيلها الضلالى ابو الفتوح .. خدمة مابعد البيع سيئة والمعاملة زفت الا لو كان ليك حد هناك تعرفه فى التوكيل .. عن نفسى الام 11 معايا جميلة اوى بس انا غيرت فيها كذا حاجة مع انها عاملة 22000 كم بس ولكن هى حظوظ زى البطيخة كده وده راجع لسوء جودة التقفيل وانعدام الضمير فى القطع اللى بيستخدموها .. انما فى المجمل عربية طول ماهى سليمة هى جيدة جدا .. وارد تتعب منك شوية خصوصا عفشتها (اسمع انهم حلوا مشاكل العفشة فى الموديلات ابتداءا من 2012) لكن ادينى شغال على الضمان .. يعيب الضمان والتوكيل عدم توافر قطع الغيار باستمرار يعنى لازم تستنى وقت احيانا بيوصل لشهور طويلة لحد ما القطعة تتوفر ولكن للامانة مستنتش قطعة تأثر على مشى العربية او تخلينى سايق فى خطر .. يعيبها كمان ان محدش كتير بيشتغل فيها واضمن حاجة انك تطلع على التوكيل لو حصل مشكلة لا قدر الله.

2. امجراند ولو ان شكلها جميل اوى ويوحى بانها عربية كويسة وكمان هى من غبور يعنى انضف من ابو الفتوح اكيد (لكن كلهم فى الاخر ضلالية ولا يهم الا المكسب فى المقام الاول) .. سعرها بيعلى كل شوية ومبالغ فيه بصراحة اوى .. لسه جديدة فى السوق ومحدش جربها ولا تعرف اخبارها ايه ولا قطع غيارها !! انا استبعدها من الاختيارات

3. البريليانس عربية جميلة جدا بشهادة ملاكها .. قطع غيارها غالية فعلا لكن توكيلها ممتاز .. انا عن نفسى كنت هموت واجيبها بس وقت ما اشتريت مسحت معارض مصر مكنتش موجودة خالص .. للامانة سمعت من واحد زميلى فى الشغل اخوه شغال فى البافارية بيقول انها مش اد كده بس ايه السبب معرفش (بس انا مش بكرهك فى العربية بالعكس انا لسه قايلك انها جميلة بشهادة ملاكها).

4. فيرنا عربية وزنها خفيف اوى ومش ثابتة لخفة وزنها ومفيش فيها اى اوبشنز .. ميزتها انها اعتمادية ومنتشرة والكل بيشتغل فيها .. اخيرا انا استبعدها من الاختيار.

5. لوجان مبتنزليش من زور عاملة زى البطة كده .. وكمان سعرها بقا 82000 يبقى لأ طبعا كبر دماغك .. ده غير قطع الغيار النار والتوكيل الحرامى الحرامى الحرامى. انا استبعدها من الاختيار.

6. لانوس لا تعليق زى ما انت قولت ملهاش اى ستين مش تلاتين لازمة .. ميزتها الوحيدة زى الفيرنا اعتمادية وقطع غيارها برخص التراب وانت ممكن تصلحها بنفسك بعد ماتقف على ايد الصنايعية شوية وتتعلم!

Byd اسمع انها جميلة من اكتر من واحد ومن سواقين التاكسى كمان .. انا مش شايف شكلها وحش ولا حةج بالعكس مرحة ولذيذة .. معرفش قطع غيارها ايه نظامها ولا سعرها ايه دلوقتى .. اللى اعرفه ان وكيلها شركة الامل دى شركة صغيرة شوية ومنسمعش عنها اوى فى سوق التوكيلات .. ياريت تسأل عليها اكتر وتخليها من ضمن اختياراتك.

اتمنى انى اكون افادتك بقدر المستطاع .. انا هتابع الموضوع واعرف اراء باقى الاعضاء واعرف قرارك النهائى وباذن الله لما تشترى لازم اخد معاك لفة بالعربية :)

واللهى ياباشا مش عارف اقولك ايه غير ربنا يكرمك يارب لانك قولت كل اللى فنفسى وواضح ان تفكيرنا زى بعض جدا ومش بس لفة بالعربية قول لفتين تلاتة :)

الفكرة دلوقتى انى بدات افكر طب ليه مقسطش مستعمل بس حاجة نضيفة زى ماقولت فى الموضوع الاصلى يعنى بفكر اقسط مثلا نيسان صنى موديل 2010 وانت طالع ويكون عدادها قليل بحيث انى ابقى كسرت خوفى من الصينى وصيانته وخدمة ما بعد البيع الزبالة بتاعته و فنفس الوقت جبت حاجة لسه ملحقتش تستهلك اوى وبالتالى مش هاحس اوى انها مستعملة بالعكس لو فعلا حالتها نضيفة هاحس اكنى جبتها زيرو


انا بفكر معاك بثوت عالى ده اللى بيدور فدماغى لانى حابب المناقشة جدا مع حضرتك ومع كل اخوانى هنا