ركبت كلاكس للفيرنا منغير ( كتاوت )

السلام عليكم ورحمه الله وبركاته
بعد كل خير ...

معرفش فجأة الكلاكس بتاع الفيرنا (( حشرج )) .. ولما فكيتة لاقيت انه (( غير قابل )) للفك او الاصلاح ... فا جبت الماركة دي باينة في الصورة ب 50 جنية ..

عدد 2 (بوق ) كلاكس ...
وكان موجود معاهم الكتاوت بتاعتهم ..( كتاوت 4 طرف عادي جدااا من ابو 7.5 جنية )

بعد ما فكيت الشبكة الامامية دي ب 6 مسامير بلاستك في بلاستك
لاقيت ان

الفيرنا فيها ( 2 جاك ) جهزين للكلاكسات بتاعتها ..

فا عملت علي الجاكات دي ( كوبري )يعني وصلت من وراها سلكتين عشان احافظ علي الجاكات الاصلي بتاعت الضفيرة وماقصهمش وكمان
عشان يطلعني 4 اسلاك انا عملتهم كويسين ..ب ( كلبسات معدن ( ووصلتهم ) دايركت في ال ( بوقين )

كل بوق بياخد سلكتين واحده موجب واختها سالب

وكانت النتيجة .. الكلاكس صوتة عالي وواضح ومافيش تأثير ملحوظ في انوار الطابلوة او الراديو

بدون (((( الكتاوت )))) بتاعتهم ...لاني عرفت ان في علبة الفيوزات الموجوده في العربية الكتاوت الاصلي المسؤلة عن الكلاكس

حد جرب الموضوع دة واله برده لازم اوصل الكتاوت ( الحقير ) بتاعهم


http://i1230.photobucket.com/albums/...ps39e6d692.jpg



طريقة التركيب

http://i1230.photobucket.com/albums/...psd37a0fb0.jpg

انا كمان من فتره غيرت الكلاكس و ركبت واحد تانى وكان معاه كتاوت ورحت عند الكهربائى قالى ان العربيه فيها اصلا كتاوت و محتاجتش اركب اللى جاى مع الكلاكس و الحمد لله الكلاكس شغال زى الفل .

عاصم بك...الــــف مبــــروكـــ.....اعمل فينا معروف و سمعنا صوت الكلاكس الجديد...اصل انا الصراحه عاوز اغير الكلاكس بس مش لاقي الدافع!

اقتباس:

---

المشاركة الأصلية كتبت بواسطة m7mda7md

عاصم بك...الــــف مبــــروكـــ.....اعمل فينا معروف و سمعنا صوت الكلاكس الجديد...اصل انا الصراحه عاوز اغير الكلاكس بس مش لاقي الدافع!

---

هالووو مونشير ...
وريني بطاقتك التموينية وانا اسمعك صوتة ... اصله ( كارف ) علي نقل تقيل من ابو مقطورة :3mla:

اقتباس:

---

المشاركة الأصلية كتبت بواسطة ahmedverna

انا كمان من فتره غيرت الكلاكس و ركبت واحد تانى وكان معاه كتاوت ورحت عند الكهربائى قالى ان العربيه فيها اصلا كتاوت و محتاجتش اركب اللى جاى مع الكلاكس و الحمد لله الكلاكس شغال زى الفل .

---

ميرسية مونشير ....
لوعربيتك فيرنا يبقي فيها 2 فرده كلاكس .. انتا ممكن تركب التاني كمان وتعمل زيي .. انا ماشي بجلاجل ...( اعوا اعوا ) :ma:

الف مبروك يا اكسلانس
بس صوته زي كلاكس الفيرنا العادي ؟ ولا زي بتاع الاسبرانزا ؟

صوته كارف علي البي ام علي الميكروباص الترامكو الحديد....

ألف مبروك
الواحد عايز يعملها فى النيو أكسنت عشان الكلاكس بتاعها عامل زى العصفورة..

الف مبروك اولا
الكلاكس مش لازم كتاوت خالص ودا الكلاكس ال جي تي اي الصيني لانه بيدي نفس صوته بس اهم حاجه تكون قافل البوزين فبعض لانك لو بعدتهم صوته عالي جدا وفعلا الناس هتفتكر عربيه نقل او مكروباص ومش هتبقي حلوه فقفلهم علي بعض احسن

مبروك يا عاصم
بس هما ودعوا خالص واللا كا نممكن تظبط الرجلاش بتاعهم؟!
هما فعلا غير قابلين للاصلاح اصلا !

اقتباس:

---

المشاركة الأصلية كتبت بواسطة loshabih

الف مبروك اولا
الكلاكس مش لازم كتاوت خالص ودا الكلاكس ال جي تي اي الصيني لانه بيدي نفس صوته بس اهم حاجه تكون قافل البوزين فبعض لانك لو بعدتهم صوته عالي جدا وفعلا الناس هتفتكر عربيه نقل او مكروباص ومش هتبقي حلوه فقفلهم علي بعض احسن

---

ميرسية مونشير ....فعلا انا قافل بوزهم علي بعض .. وبرضة الصوت عالي
:wink:

اقتباس:

---

المشاركة الأصلية كتبت بواسطة ashraf_ibrahim

مبروك يا عاصم
بس هما ودعوا خالص واللا كا نممكن تظبط الرجلاش بتاعهم؟!
هما فعلا غير قابلين للاصلاح اصلا !

---

هاللللوووو .. مونشير مومبيك .. اشرف بيك ( كعب الغزال ) افندي افندم باشا .... بيك

سيدي الفاضل بعد كل خير ... سعادتك انا ( نخلتهم ) .. ولاقيت فعلا .. ان القواعد البلاستك بتاعتهم مهرية خالص .. وماينفعوش اصلا ( ببصلة )

فا جربت النوع ده جامد فعلا وعجبني .( أعوا أعوا ) حاجه كده ترالاتي علي الاخر
اتمنالك التوفيق .. مومبيك

ممكن نسمع صوته من فضلك
تسجله على الموبايل مثلا
وشكرا

الف مبروك

سعادة الباشا مبروك على الكلاكس , وياترى اخباره ايه معاك دلوقتي؟
انا اشتريت نفس النوع ده. Aplex وركبته برضه من غير كتاوت والكلام ده كان من حوالي 4 ايام , وهو فعلا صوته كويس قوي , بس حصلت مشكله
امبارح بليل بفتح نور التابلوه لقيت لمبه من لمض العدادات اتحرقت وضلمت , فهل يا ترى تركيب الكلاكس ده له تأثير على لمبات التابلوه , لاني شايفك ذاكر الحته دي في موضوعك ,
ياريت يا جماعه حد يفيدني هل الكلاكس الجديد السبب , ولو هو السبب يبقى ايه الحل؟ وشكرا

هما بس بيتبص علي ان لو الكالكس علق لاقدر الله زي عربيتنا القديمه يتحرق الكالاكس من غير ما يعمل قفله يعني الكاتوت يطير احسن من فيز او صندوق فيوز والله اعلم

اقتباس:

---

المشاركة الأصلية كتبت بواسطة A_H_M_A_D

سعادة الباشا مبروك على الكلاكس , وياترى اخباره ايه معاك دلوقتي؟
انا اشتريت نفس النوع ده. Aplex وركبته برضه من غير كتاوت والكلام ده كان من حوالي 4 ايام , وهو فعلا صوته كويس قوي , بس حصلت مشكله
امبارح بليل بفتح نور التابلوه لقيت لمبه من لمض العدادات اتحرقت وضلمت , فهل يا ترى تركيب الكلاكس ده له تأثير على لمبات التابلوه , لاني شايفك ذاكر الحته دي في موضوعك ,
ياريت يا جماعه حد يفيدني هل الكلاكس الجديد السبب , ولو هو السبب يبقى ايه الحل؟ وشكرا

---

مصادفة يا زميلي العزيز

من الدعبسة بتاعتي عرفت ان للكلاكس اصلا (( كتاوت )) في علبة الفيروزات ..
يعني ما تقلقش من حاجه ..
ولمبة الطابلوة دي اسمها لمبة كباية ب 50. جنية وبعد الغلو في الاسعار بقت ب 1.5 تقريبا
سهل جدا تغيرها بنفسك كمان :embarrassed::embarrassed:

اقتباس:

---

المشاركة الأصلية كتبت بواسطة verna2008auto

مصادفة يا زميلي العزيز

من الدعبسة بتاعتي عرفت ان للكلاكس اصلا (( كتاوت )) في علبة الفيروزات ..
يعني ما تقلقش من حاجه ..
ولمبة الطابلوة دي اسمها لمبة كباية ب 50. جنية وبعد الغلو في الاسعار بقت ب 1.5 تقريبا
سهل جدا تغيرها بنفسك كمان :embarrassed::embarrassed:

---

انا فعلا بصيت في علبة الفيوزات الكبيره اللي في الكبوت لقيت كتاوت مخصص للكلاكس , ومكتوب على غطا العلبه Horn لكتاوت من ضمن الموجودين , ويارب مايكونش ليه علاقه باللمبه اللي اتحرقت في نفس التوقيت

هاحاول اشتري اللمبه دي و اغيرها بنفسي و ربنا يسهل , شكرا يا باشا

اقتباس:

---

المشاركة الأصلية كتبت بواسطة a_h_m_a_d

انا فعلا بصيت في علبة الفيوزات الكبيره اللي في الكبوت لقيت كتاوت مخصص للكلاكس , ومكتوب على غطا العلبه horn لكتاوت من ضمن الموجودين , ويارب مايكونش ليه علاقه باللمبه اللي اتحرقت في نفس التوقيت

هاحاول اشتري اللمبه دي و اغيرها بنفسي و ربنا يسهل , شكرا يا باشا

---

زاكر كويس وشوف افلام عن طريقة الفك من مواضيع مشابهه..(( هنا في المنتدي )) وإن شاء الله ربنا يفقك وبالتأكيد ايدك احسن مليون مرة من ايد الصنايعي
الموضوع سهل جداااا

في كلاكس بس مش عارف اسمه
هو شبه صوت الهيلا بس اشيك منه وارفع سنه
يا ترى اسمه ايه ؟

وايه اللى يكون عالى ومميز للتاكسي ؟

وشكرا