كيف اعرف ان طلمبة المياه تحتاج تغيير

**mostafa mahmod** · 19-01-2013 11:20 PM

المشاركة الأصلية كتبت بواسطة mero100

مع احترامي لجميع مشاركات الاعضاء :-)

و لكن فيه قطع بتتغير بالكيلومتر و فيه قطع بتتغير بالفتره .... ايهما يأتي اولا .... جدول صيانه اللانوس بيوضح الكلام ده .

و فيه قطع مهم انك تغييرها قبل ما تعمل ضرر اكبر ....بمبدأ الوقايه خير من العلاج ...

طرمبه الميه المفروض تتغير كل تغييرتين سير كاتينه ...و سير الكاتينه بيتغير علي 40000 كم ....يعني الطرمبه تتغير كل 80000 كم ( مصدر المعلومه أ/محمد ممدوح - ربنا يفك كربه .... و لكن لو بمبدأ ( شغاله تغيرها ليه ) .... يبقي بنغير ليه سير الكاتينه كل 40000 كم ؟.... عشان لو قطع بيبهدل الدنيا ده غير العطله و متعرفش حيقطع امتي و لا فين .... كذلك طرمبه الميه .... لو قفشت بتبهدل الدنيا بردو و ضررها بيكون كبير . (

انا بتعامل مع التوكيل لان عربيتي موديل 2011 ... و سألتهم علي طرمبه الميه لقيتهم بيغيروها مع كل تغيير سير كاتينه يعني كل 40000 كم .... بس انا شايف كده بدري شويه .

+1

المشاركة الأصلية كتبت بواسطة kagawa

بس اهم حاجه الميكانيكي اللي هاتروح له يكون عنده الخشبه بتاعه الكشف
اذا كشف من غير الخشبه سيبه علي طول وشوف لك ميكانيكي تاني يكون عنده الخشبه دي
وبدال ما تغلب نفسك وتغرم شوف لك الخشبه بتاعه الكشف استيراد
وتقدر تكشف بنفسك كل ما تشك في الطرمبه
وربنا يكرمك لو ساعدت زمايلك او جيرانك ممكن يستعير الخشبه يكشف بيها علي الطرمبه
بتاعته ويرجعهالك تاني ...

وابقي قول لنا عملت ايه وربنا يوفقك

.

..

مش عارف ارد على حضرتك و اقول ايه

متهيالى لو كنت كتبت لصاحب الموضوع انت عربيتك زى الفل ولا تكشف ولا حاجه كان بقى احسن صح ؟؟؟ بكده يبقى استفاد و ييجى ساعتها يقول يا ريتنى ما سمعت كلامهم
عموما ربنا يكتبلنا جميعا الخير و يكفينا شرها

**Optiplex** · 19-01-2013 11:31 PM

المشاركة الأصلية كتبت بواسطة kagawa

ربنا يبارك فيك ...انت اللي كلك زوق

بس يعني ايه optiplex

تحياتي

الله يكرم اصللك موضوع optiplex دة نوع من انواع الكمبيوتر الديل كنت بدور على اسم مميز ادخل بية مش يعارضنى فاختارتة بس مش اكتر

**amr_007** · 20-01-2013 04:32 AM

انا عربيتي معايا من 97 ولسه مغير طرمبه الميه وطبعا غيرت معاها ترموستات الكوع وفيبره الرادياتير وشويه خراطيم وكام كوليه وعملت غسيل لدوره الميه - اشتريت الطرمبه كوري من الشرقاوي ب80جنيه والترموستات ب25جنيه والكوعه والخراطيم والكوليهات والغسيل 130بالمصنعيه
وانا فاكك عشان اغير الطرمبه غيرت سير الكاتينه بالمره واحنا فاكين والحمد لله - انا عربيتي كوري ماعرفش في المصري ليها نفس العمر الافتراضي ولا لا

**amr_007** · 20-01-2013 04:35 AM

نسيت اقولك ان عربيتي عامله 145 الف كيلو يعني انا كده غيرت الطرمبه علي العداد ده
لو عايز تعرف هي شغاله ولا لا افتح قربه مياه الرادياتير وشوف الميه بتتقلب جواها وانت مدور ولا لا

**el_cas2002** · 20-01-2013 06:56 PM

برجاء تحديد الاعراض لبدء تلف طلمبة المياه
كما اشكر تفاعلكم مع الموضوع
سبب طرح الموضوع هو الحرص على اجراء الصيانات الضرورية فى مواعيدها
للوقاية حيث ان الايام التى نعيشها لاتتحمل تعطل السيارة فى مكان غير مناسب

**Magoda** · 20-01-2013 07:41 PM

انا عندى طرمبة الميه عايزة تتغير من شهر بس مكسل لأن صوتها بقى عالى تحس ان فى صوت وش او صدا صوت إنما قبل كدته مكنش ليها غير بسيط اووى بس ماشية معايا ودورة الميه كويسة

**MITSUKERO** · 20-01-2013 09:10 PM

طرمبة المياة بتتغير كل 80 الف كيلو مع صيانة الكاتينة و السيور

الكلام ده علي مسؤلية محمد عبده الميكانيكي و من تجارب الاعضاء هنا و خبراتهم

طيب خطورتها ؟

ببساطة كده الطرمبة لو قفشت تأثيرها هيكون نفس تأثير كسر شداد الكاتينة مثلا !!!!

لان الكاتينة اساسا احد اهم تروسها هو ترس طرمبة المياة فبالتالي المخاطرة بعدم تغيرها هي مغامرة كبيرة

طيب ايه اللي بيتغير بالظبط ؟
هتغير كاتينة و سير تكييف و بكرة شداد تكييف و سير دينامو و طرمبة مياة و (ثرموستات كوعة و كوعة مياة احتياطي ليس إلا و لو مش عايز تغيرهم انت حر بس هم رخاص اوي و ممكن يخلوك تفك تاني لو قفشت) و بوجيهات و سلوك بوجيهات و فلتر بنزين و فلتر هواء و طبعا فلتر زيت مع كل تغييرة زيت ده افضل ليك و لموتورك و اساسا لما سألت في التوكيل عرفت ان الفلتر ابو 20 جنية ده صلاحيته 5 تلاف كيلو فقط !!!

و يفضل تغيير زيت الفتيس و لو هتغيره لازم تبقي واخد معاك جوان كارتيرة زيت فتيس علشان اللانوس زيت الفتيس بتاعها بيتغير بفك الكارتيرة كلها (راجع قسم اهم المواضيع هيفيدك)

اتمني اكون افدتك و تحت امرك في اي استفسار

والله اعلي و اعلم