تقريرى عن اللاب Dell Inspiron 7520 SE

**Mahmoud Nagieb** · 19-01-2013 05:17 PM

السلام عليكم يا شباب

كنت حابب اعمل تقرير مصغر كده بمناسبة انى جبت لاب جديد الحمد لله , يمكن فيه حد يستفاد

اولا فيه ملحوظتين عاوز انبه عليهم الاول:

1- ان سوق الكمبيوترات بشكل عام فيه دلوقتى هرج ومرج بسبب موضوع الدولار , وبدون مبالغة الاسعار بتزيد بشكل يومى , وفيه بعض المنتجات واقف عليها البيع دلوقتى لان البياعين متوقعين رفع سعرها اكتر من السعر الحالى , مع ان هيا عندهم استوك

2- بالنسبة للى عاوز يشترى لاب جديد , لازم ياخد باله انه يشترى لاب بضمان الوكيل ويتاكد من ده كويس لان منتشر دلوقتى لابات كتير Refubrished يعنى معاد تجديدها او تصليحها ,يعنى مش انت اول واحد تستخدمها

وبالنسبة للابات الديل فيه service tag على العلبة مفيش مانع انك قبل ما تشترى تدخل على السايت بتاع ديل وتعمل سيرش الاول على ال Service tag بتاع الجهاز اللى هتشتريه وانا عملت كده لان الواحد بيدفع فلوس مش لاقيها فى الشارع

على بركة الله نبدأ:

مبدأيا انا كان معايا اللاب الخرافة الاسطورة Dell XPS ولكن دعت الحاجة انى والدى ياخده منى , واللى يعرف اللاب ده , يحس كانك معاك مرسيدس وبعتها وبتنزل تدور على حاجة غيرها

عموما قعدت فترة كبيرة عقبال لما لاقيت اللاب ده Dell Inspiron 7520 Special Edition

اللاب مواصفاته جميلة جدا , واللى اجمل من ده كله الخامات المستخدمة اللى قريبة جدا من XPS

مواصفات اللاب:

Core I7 3632QM 2.2 gh Ivey Bridge
DDR3 8 Gh 1600 mhz
HD 1 TB 5400 RPM
AMD 7730 2GB
FHD 1920x1080 15.6 Anti-glare Screen
Bluetooth 4 +2x2 Wireless N
2X2W Skullcandy Speakers
Windows 8

بالنسبالى المواصفات كان اكتر من كافية ما شاء الله , واللى رجح كفة اللاب الخامات المستخدمة الجميلة جدا

التقييم الفعلى:

اللاب سريع ما شاء الله بشكل ملحوظ , واللاب بيجى بويندوز 8 وادائه خرافة , والشاشة حكاية ما شاء الله FHD Anti Glare والالوان جميلة جدا

بالنسبة للالعاب : اداء الكارت محترم اوى انا كان معايا 550m وده اعلى منه بفارق ملحوظ , يكافئ حاليا 640m, انا بلعب Max Payne 3 على اعلى اعدادات بدقة 1920x1080 واقل فريم 7 والمتوسط حوالى 13 فريم

بالنسبة للهارد فهو WD blue ومتوسط السرعة بتاعته 82 mb ,ادائه محترم بصراحة , محستش بفرق كبير بيه وبين هارد ال XPS ال WD Black 7200 rpm

دلوقتى بقى نيجى للمشاكل:

1-كرت الشاشة ATi/AMD تعريفاته فاااااااشلة , انا قعدت ادور والف علشان اجيب تعريف حديث ويرضى ينزل , بصراحة فرق كبير بين Nvidia و ATI فى التعريفات والسويفت وير , تقنية ATi switchable graphics اولى ابتدائى بالنسبة ل Nvidia Optimus

2-ويندوز 8 , واااه من ويندوز 8 , مبدئيا الويندوز سريع جدا وامكانياته جامدة مقارنة ب ويندوز 7 , بس بقى صباح القرف فى التوافقية للتعريفات والبرامج والتاتش باد وكل حاجة , الويندوز جميل , بس لسة عليه شوية وانا مقدرتش اصبر عليه , هستنى لحد لما ينضج شوية

المشكلة هنا ان الهارد بيجى متظبط بنظام GPT لما حبيت انزل Windows 7 مش بيرضى ينزل عليه ولازم يتحول MBR عادى , ده ادى انى شيلت كل البارتيشنز والريكفرى بتاعة ديل علشان انزل ويندوز 7

بالنسبالى مش مشكلة , بس انا حبيت انوه

اللى يجب يشوف مراجعة مفصلة للاب يدخل هنا

http://www.notebookcheck.net/Review-...k.78323.0.html

الخلاصة :

اللاب يعتبر فى وجهة نظرى اختيار مناسب بيجمع بين كل الامكانيات فى لاب واحد

اللاب دلوقتى سعره غللى حوالى 300 جنيه , كنت خارج من المحل واللى بعدى اشتراه بسعر اغلى 300 جنيه

المواصفات الموجودة فى السوق معظمها شاشة HD مش FHD وبيتباع بنفس السعر الغالى, انا اتسحلت علشان اعرف اجيب السعر اللى اشتريت بيه بالمواصفات ده

تحياتى

**mido_soliman** · 19-01-2013 05:30 PM

مبروك يباشا على الاب الجميل وربنا يباركلك فيه
بس انا عايز اعرف سعرة كام ومنين
وشاكر جدا ليك

**Mahmoud Nagieb** · 19-01-2013 05:34 PM

المشاركة الأصلية كتبت بواسطة mido_soliman

مبروك يباشا على الاب الجميل وربنا يباركلك فيه
بس انا عايز اعرف سعرة كام ومنين
وشاكر جدا ليك

الله يبارك فيك يا باشا

سعره 6400 من محل compu data center فى السخاوى 7 الدور التانى

بس السعر بقى دلوقتى 6700 او اغلى اعتقد

**OMAR61995** · 19-01-2013 07:08 PM

مبروك يا باشا
أنا معايا الi5 منه و شغال زى الفل الحمد لله
بالنسبة لتعريف AMD سيبك من تعريف ديل و نزل التعريفات من هنا
Videocards - AMD - ATI Drivers Section - Guru3D.com Forums
بس اتأكد أنه تعريف mobility

**د.محمود صلاح** · 19-01-2013 07:15 PM

المستقبل دلوقتي للهارد الصلب SSD او الخليط hyprid والف مبروك ربنا يحفظهولك

**Mahmoud Nagieb** · 19-01-2013 09:06 PM

المشاركة الأصلية كتبت بواسطة OMAR61995

مبروك يا باشا
أنا معايا الi5 منه و شغال زى الفل الحمد لله
بالنسبة لتعريف AMD سيبك من تعريف ديل و نزل التعريفات من هنا
Videocards - AMD - ATI Drivers Section - Guru3D.com Forums
بس اتأكد أنه تعريف mobility

اه ما انا عارف الموقع ده , انا شغال ب ال Beta 11 ادائه اتحسن اوى عن تعريف الديل

شكرا ليك يا باشا والله يبارك فيك

المشاركة الأصلية كتبت بواسطة د.محمود صلاح

المستقبل دلوقتي للهارد الصلب SSD او الخليط hyprid والف مبروك ربنا يحفظهولك

الSSD سعره رخص عن زمان , ويتجاب من بره احسن بكتير من هنا , فى الخطة الخماسية ان شاء الله يا دكتور

الله يبارك فيك

المشاركة الأصلية كتبت بواسطة S O P H O S

الف مبروك يا باشا ..

تسلم يا باشا

عقبالك بواحد احسن منه بكتيير

**ahmedfathi** · 19-01-2013 11:40 PM

ربنا يباركلك فيه . انا برضو بقالى كام يوم كده بنزل سوق العصر والسخاوى بدور على لاب محترم. واستقريت الحمد لله على ديل برضو . بس مخدتش بالى من الموديل بتاعك ده . بس ما شاء الله جهاز امكانياته كويسه جدا
بس ليا كام سؤال بعد اذنك :
1- هو فيه منه بويندوز 7 او من غير ويندوز خالص ؟
2- الكى بورد هاف ولا فول ؟ يعنى جزء الاله الحاسبه موجود ولا لا ؟ ولو مش موجود بتتغلب على المشكله دى ازاى ؟
3- الجسم بتاعه كله معدن ولا فيه اجزاء بلاستيك ؟
4- السماعات مكانها تحت ولا فوق ؟
5- ايه الفرق بينه وبين الموديل inspiron 5520 غير كارت الشاشه؟ لان ده الموديل اللى لاقيته منتشر كتير اوى هناك وده اللى انا حاطط عينى عليه ؟

**Mahmoud Nagieb** · 20-01-2013 02:22 PM

المشاركة الأصلية كتبت بواسطة ahmedfathi

ربنا يباركلك فيه . انا برضو بقالى كام يوم كده بنزل سوق العصر والسخاوى بدور على لاب محترم. واستقريت الحمد لله على ديل برضو . بس مخدتش بالى من الموديل بتاعك ده . بس ما شاء الله جهاز امكانياته كويسه جدا
بس ليا كام سؤال بعد اذنك :
1- هو فيه منه بويندوز 7 او من غير ويندوز خالص ؟
2- الكى بورد هاف ولا فول ؟ يعنى جزء الاله الحاسبه موجود ولا لا ؟ ولو مش موجود بتتغلب على المشكله دى ازاى ؟
3- الجسم بتاعه كله معدن ولا فيه اجزاء بلاستيك ؟
4- السماعات مكانها تحت ولا فوق ؟
5- ايه الفرق بينه وبين الموديل inspiron 5520 غير كارت الشاشه؟ لان ده الموديل اللى لاقيته منتشر كتير اوى هناك وده اللى انا حاطط عينى عليه ؟

1-اولا هو بينزل ب ويندوز 8 مشوفتش منه ويندوز 7

2-الكى بورت هاف , الجيل الجديد من الديل كله XPS w Inspiron هاف , ماعدا المقاسات ال 17
انا بشوف ان الواحد لما بيتعود على الهاف بتبقى اسرع من الفول , لان الارقام بتبقى اقرب للكيبورد فى الكتابة, هيا محتاجة تعود بس

3-الكفر وجسم الجهاز الومنيوم , اسفل الجهاز بلاستيك صلب اوى , الجهاز كله عموما ماسك نفسه و Rigid

4-السماعات مكانها عند بداية الجهاز ناحية التاتش باد , محطوطة بزاوية , ياريت تبص على رابط المراجعة اللى حطيتوا وانت هتشوف مكانها بالظبط

5-الفرق فى الخامات والسماعات ال Skull Candy وكرت شاشة والشاشة الفل اتش دى

عموما حضرتك لو تعرف تمسك واحد من ده وواحد من ده وتشوف انت هتستريح لايه

وعلى فكرة فيه لاب توب سامسونج فى كارفور سعره 6777 مواصفاته:
Ivey Bridge 2.4
DDR3 8 gb 1600MHz
1TB Hard
650m Nvidia 2gb
Blue Ray
JBL speakers
1600*900 Screen

https://www.eg.jumia.com/Series-5-NP...ver-80849.html

بس انا مستريحتلوش بصراحة علشان الخامات , اللاب خرع ومش ماسك نفسه

بالتوفيق , ولو فيه اى سؤال انا تحت امرك