الموضوع: تغطية جناح سوزوكي بمعرض القاهرة الدولي 2013 (حصريا ع نايل موتورز)

المشاركة الأصلية كتبت بواسطة amr axel

لا بصراحة في السويفت الهاتش الموتور كان عامل شغل ما شاء الله العربية تحس انها عربية سباق و ادائها بالاضافة انها كانت تصنع و تقفيل ياباني و خسارة انها مخدتش حقها لكن اللي هتنزل بعد كده هتبقي 1200 تقريبا طبقا لكلام المسئوليين
و بخصوص الالتو هي فعلا مناسبة جداااااااااا جوة البلد و ده سبب اختياري ليها مناسبة جوة البلد في كل حاجة ركنات و توفير بنزين و سواقة و غرز يعني هي اللي تنفع و ع السفر برده مش وحشةاديها بس خامس من 80-90 و شوف :b4_048:

لغاية 80 - 90 زي الفل ولما جبتها قلت أصلا كل الطرق في مصر السرعة القانونية بتاعتها لا تزيد عن 100 وأنا لست من هواة كسر السرعة القانونية والدنيا كدة زي الفل

فوجئت بعد كدة إنهم عملوا طريق العين السخنة وطريق الجيش الجديد من الكريمات لغاية أسيوط والسرعة عليهم 120

ولما اتنقلت أسيوط ابتديت اروح بالعربية في آخر الفترة اللى قضيتها هناك لاقيت العربية بتعافر عشان تمشي 120 وخصوصا بقى مع المطالع اللى على الطريق وسرعة الرياح الرهيبة اللى بتكون على طريق الجيش بالذات في الرجوع لأن الرياح بتكون ضدك كمان ...

والطريق طوييييييييييل وفاااااااااااضي وواااااااسع ونضيييييييف وممل لأقصى درجة

عشان كدة في مرات عديدة لما أبقى تعبان وبنام على نفسي كنت أسقط على الرابع عشان أديها عزم أكتر وأعرف أجيب 120 وعلى الرابع وضد اتجاه الريح ومع وجود المطالع ... بصراحة كانت بتتفحت والحمد لله ... الكلام ده وأنا راجع على القاهرة ... لأن وأنا رايح بتكون الريح أتجاهها معايا والعربية ممكن تجيب ساعتها 140 - 150 وأكتر كمان في المنازل .. بس برضه مش بزود عن 120

كنت بعمل معدل استهلاك بنزين ساعتها بيوصل لـ 220 كيلومتر في الصفيحة وأنا راجع ... يعني زي عربية 1600 بالضبط

ساعتها حسيت إني ماينفعش معايا عربية موتورها صغير كدة

المشاركة الأصلية كتبت بواسطة amr axel

احنا كلنا عارفين ان العربية اساسا مخصوصة للمدن لكن اقولك حاجة جرب تجيب خامس من 80-90 و دوس بنزين العربية بتوصل لاعلي عدد لفات موتور بسرعة لأنها 12 صمام و بالتالي الخامس هيظبط معاك تمام اسأل مجرب
بس ممكن تعمل رجلاش لدواسة البنزين زي مانا عملت و جرب
بس سؤالبتنضف الانجيكشن و البوابة ؟؟ و بتحط 92 ؟؟ و محافظ ع الصيانات من فلاتر و بوجيهات و لا لأ ؟؟ لأن كل ه برده يأثر ع اداء و استهلاك العربية

آه طبعا كل حاجة وفي مواعيدها فلاتر وزيوت وبوجيهات وتنضيف الإنجكشن والبوابة وكله
وعمري ما حطتلها غير 92

بس لما تمشي على طريق الكريمات في إتجاه القاهرة من أسيوط هاتعرف أنا بحكي في إيه سرعة الرياح على الطريق عالية جدا وضد إتجاهك


عارف اليوم اللى ما بيكونش فيه رياح على الطريق العربية ممكن تجيب معايا من غير ما أحس 140 وعلى المطالع

غير الجبال الشاهقة الإرتفاع اللى بتطلعها ... ده فيه في الطريق جبل تفضل تطلع فيه حوالي 20 - 25 كيلو مطلع فقط ... وبزاوية عالية جدا ... كان في مرة كورولا ونوبيرا وصني ماكانوش قادرين يطلعوا ... أنا على الرابع سبقتهم على مطلع الجبل ده ... لكن طبعا ما شفتهمش بعد ما عدوني على المنزل تاني -:) ... الجبل ده في مرة من المرات وأنا نازله من الناحية التانية سرعتي جابت فيه 170 لبعض الوقت على سبيل التجربة بس ما كررتهاش تاني

خد بالك أنا ما أقصدش إن فيه عيب في العربية ... لأ الحمد لله العربية عاملة بأصلها جامد وعارف إنها أساسا معمولة للمدن مش للسفر

أنا بحب العربيات الصغيرة دي جدا وبحب التوفير في كل حاجة زي المياه والوقود والكهرباء إمتثالا لسنة رسولنا الكريم عليه وعلى آله وصحبه الصلاة والسلام ...