الموضوع: تغطية جناح سوزوكي بمعرض القاهرة الدولي 2013 (حصريا ع نايل موتورز)

المشاركة الأصلية كتبت بواسطة sayco100

شكرا جزيييييييلا يافندم عالتقرير الوافى بجد
وانا ليا سؤال ياريت لو حضرتك شوفت مشاركتى ترد عليا
انا اتصلت بيهم من شهر وسألت على التو عموما سواء ال k10 1000cc
or alto 800cc
والرد انها منزلتش ومش موجودة
حضرتك تعرف اى معلومات عن الاتنين

لأنى عاوز اعرف رينج الاسعار فكل العربيات ابتداء من الالتو والاسبرانزا
لل اى 10
والبيكانتو
وطبعا مع زيادة الاسعار
من فوق لتحت كدة والمتأكد منهم البيكانتو 86الف
الاى تن 2014 81الف
السيلاريو 79الف
سبارك (((( ومش متأكد مالسعر دة ويارب يبقى كدة )))) 75الف
اسبرانزا ام113 68الف

اكيييييييد الالتو 800 لو موجودة بعد ماكانت ب 53الف فالتقرير تدخلها ف63الف ولا ايه
وال1000cc منها بعد ماكانت ب63الف كدة حتبقى 70 الف

ياريت حضرتك تفيدنى فسعرهم وهل هم موجودين ولا لأ
لأنى حاقسط وحاطط كل الاحتمالات دى بس لسة مستنى الف اكتر وحاطط ترتيب الاسعار دى فدماغى
وآسف جداااا للأطالة يافندم

هو فعلا فيه ناس سألت عليهم و مش موجودين
لكن الالتو 800 وصل سعرها لـ62 الف تقريبا و هتلاقي في المعارض برة لكن اغلي طبعا مش هتقل عن 64 الف اهو بيعملوا مصلحة
و الالتو كي 10 ع ما اتذكر اخر سعر انها دخلت في 70 الف فعلا

قولي اخرك في الاسعار اللي تقدر توصله و ايه المواصفات اللي انت عايزها في العربيات يمكن ارشحلك حاجة أفضل

المشاركة الأصلية كتبت بواسطة d . A .\ ayman

مش عارف قصدهم إيه لما ينزلوا العربية ويبقى عليها طلب فعلا من الناس .. وبعد كدة ما تزلش تاني ... أمال نزلها أولاني ليه

بصراحة الكي 10 .. لسة شايفها إمبارح على الطريق جميلة وحلوة وكان ممكن تنتشر لولا إنه هو ماجابهاش تاني .. الموضوع دلوقتي وسع منه والناس اتجهت فعلا لموديلات تانية غيرها متواجدة ومش هايعرف يسحب الناس تاني لعربيته

بصراحة توكيل فاشل جدا في التسويق وخدمة ما بعد البيع ...

شكلي هاصرف نظر عن أي عربية سوزوكي تاني بسببه

كلامك مظبوط
فعلا معرفش بيفكروا ازاي بالاضافة ان زيادة الاسعار المبالغ فيها خلي الناس تصرف نظر
مهو معلش انا كشخص مش هدفع مبلغ زي ده ف عربية 3 سلندر 1000 سي سي في حين ممكن ادفعه في عربية 4 سلندر 1600 سي سي و ممكن 2 كامة كمان و اكبر و قطع غيار ارخص
بس ع حد علمي انه احتمال تنزل التو 800 سي سي شكل جديد فممكن يكون هو ده الهدف

لو تقصد المنتشرة في الشوارع فديه موجودة في حدود 60-65 الف
اما لو تقصد الاكبر اللي موجودة في الخليج و برة فسمعت انها هتنزل بس ديه لو نزلت اعتقد مش هتقل عن 100 الف

المشاركة الأصلية كتبت بواسطة eslam dirar

بجد شكرا لحضرتك جدا على التقرير
و كنت عايز استفسر من حضرتك انى لو عايز اقوم بشراء سوزوكى التو بالتقسيط و انا معايا مقدم 20000 فاممكن يكون منين و اية المطلوب و ممكن ادفع قسط قد اية لو يكون قليل شوية كل شهر و هل ممكن تكون عربية كسر زيرو عشان التكلفة تكون نزلت شوية و لا ايه و اسف لو ازعجت حضرتك بكلامى الكتير

الالتو اخر سعر ليها 62 الف لكن للاسف اللي سألوا عليها مش لاقينها في التوكيل جاهزة و المعارض برة بتدي بسعر اغلي لو ع حسب المبلغ اللي معاك مقدم و علي 60 شهر يعني 5 سنين هتدفع حوالي 1050-1100 ج في الشهر
ممكن تلاقي كسر زيرو موديل السنة دي بس هتلعب في الخمسينات