Te-data عاوزة تحسن خدمتها. ... يعملوا ايه برئيك !!

**Y a r i s** · 19-01-2013 09:55 PM

امبارح كنت بتفرج على اعلان لشركة

والحقيقة اعلان دموا خفيف. ... انهم كانوا عاوزين يحسنوا اداء الموظفين عندهم
فجابوا امهات الموظفين معاهم الشغل علشان يخلوا بالهم من عيالهم الي شاغالين

المهم سئلت نفسي سؤال صغنطط. كده. انا كمواطن او كعميل مصري مش عميل اسرائيلي هههههه
ايه الي يرضيني بالزبط. علشان احس ان الشركة دي شركة ١٠/١٠
بغض النظر عن نص الشهر الي فات الي كانت الخدمة زبالة والنيت بطيء وكل ما نتصل عليهم يقولك النيت بتاعك يافندم زي الفل انتا بس بيتهيئلك نام بدري واتغطى كويس ومتقلش في العشا وانتا هتحس بسرعة النيت ... وبغض النظر عن العروض السكالنس الي بنشوفها منهم ياترى ايه يرضيك انتا. يا مواطن علشان تحس ان الخدمة بقت كويسة. ( موضوع للنقاش والدردشة ) !

@@@@@@@@@@@@@@@@

وتحياتي
وفي انتظار مقترحاتكم لتحسين الخدمة :)

**Y a r i s** · 19-01-2013 10:20 PM

المشاركة الأصلية كتبت بواسطة Khaled Online

المواضيع الجامدة من الناس الجامدة!
مبدئيا وأهم حاجة يعملوها انهم يرخصوا سعر الدي اس ال. الrates في مصر خزعبلية مقارنة بالدول التانية

١١١١١١+
وتسلم يا خالد باشا :)

وفعلاً معاك حق يا يرخصوا الخدمة. يا يزودوا السرعة
كان في عرض الي هو نص عليك ونص علينا

رحت سئلت عنوا قالولي خلص ... ياحبيبي والله
هما عاملين عرض على نص عليك ونص علينا على خدمت انترنيت ولا عملين عرض على. كيلو جبنة اسطمبولي وتيجي تروحلهم يقلولك نفذت الكمية. ههههههه. يعني انا باستغرب من عروضهم الي لفترة مؤقته طيب ما انا عقبال ما اروح ادفع اشتراكي الي بيكون في يوم محدد يكون خلص العرض وبدل الملايين الي بيدفعوها فلوس للدعايا ومخصصات اعلانية طيب ما يزودوا السرعة او يقسمو تمن الاعلان على عدد المشتركين ويخفضوا سعر الخدمة. فيها ايه يعني

ده انا حتى بنغاظ كل ما ما اروح ادفع يدوني ورقتين ورقه فاتورة وورقة اذن دفع. ومالهمش اي لزمة يكفي ورقة وحدة شوفوا سعر الورق بكام دلوقتي اهو يوفروا وكلوا لصالح العميل :)

او حتى يدخلونا خدمت الكيبول والقنوات الي على الكيبول يارب ... وتحياتي

**S O P H O S** · 19-01-2013 10:30 PM

احنا مش عاوزين غير الصدق
الشركة مازالت ربحية جدا بدليل العروض للعملاء الجدد
كأغراء للدخول فالخدمة
طب والعملاء الحالين مفيش يا اما اي عرض جانبي سئ للغاية وغير مميز
وبالاضافة الي اسعار الانترنت بشكل عام مبالغ فيها ..

**dedi** · 20-01-2013 12:16 AM

.زى ماقولتو رخص الاسعار و تقديم عروض للمشتركين القدماء و خلق روح من المنافسة حيث لا توجد شركات حاليل تنافسهم الا واحدة تقريبا
واحد قريبى حاول يلغى الاشتراك منهم و لم و رفضوا يعطية رقم الفسخ تقريبا و بدون هذا الرقم لن يستطيع التقديم للنت من اى شركة يعنى هم علشان كدة موش بيهتمو بالعملاء القدماء علشان هم ضامنينهم فى ايديهم

**aldesha989** · 20-01-2013 12:39 AM

طبعآ احنا لو اشوفنا السرعات والاسعار اللى برا هيجيلنا هبل من اللى تى داتا وشركات الانترنت بتعمله فينا

احنا نعتبر

دى صورة من اسعار الانترنت برا من شركة at&t

من 2007 واتوقع انها رخصت اكتر

ودى شركة تانيه

20 ميجا ب 55 دولار لل 6 شهور :D

والسعوديه كمان بقت اسعارها رخيصه مقارنه للأسعار مصر

**RAPID** · 20-01-2013 01:17 AM

يخلو اقل سرعة 1 ميجا وبسعر اشتراك 20 جنيه

**ahmed_m_ashraf** · 20-01-2013 06:50 AM

هم أحسن حاجتين عملوهم من كذا سنه:
- لما عدلو الأسعار وضاعفو السرعات بنفس السعر، كان زمان ال ٢٥٦ ب ٩٥ جنيه ودلوقت ال٥١٢ بنفس السعر.
- مره عملو عرض لكل العملاد حاليين وجدد تدفع ثلاث شهور ،تاخد ٢ مجانا يعني ٥ شهور بسعر ٣.

أنا مش طماع، لو يضاعفو السرعات تاني مع تثبيت الأسعار يعني ١ ميجا بسعر ٥١٢، ويعملو عرض ال ٥ شهور بسعر ٣ كل سنه مره. كده يبقى فل بالنسبالي.

بس أظن مع زيادات الضرائب قريبا، هيبقى كل أملنا إن الأسعار تفضل زي ما هي هههههه.

على فكره يا ياريس الإعلان إللي بتتكلم عنه بتاع لينك مش تي إي داتا ههه.

**Ahmed_Adham** · 20-01-2013 11:05 AM

حاجتين بس

1- ان خدمه العملاء (ده لأي شركة وأي مجال في مصر) تبطل ترمي كل حاجه على العميل وتقدم حلول من عندها مش كل ما الواحد يتصل بأي شركه عشان مشكله يرموها عليه ويبقى هوه السبب.

2- النت تزيد سرعته بالليل للضعف بما انهم مبيبقاش عندهم ضغط على النت من بعد ما الشركات بتقفل الساعه 5 يعني من 11 أو 12 بالليل لحد 8 الصبح مثلا يسيبك تاخد ضعف سرعتك يبقو كده خدمونا خدمه كبيره وياخدو نفس الاشتراك مش هنقول ينزلو الاشتراكات ولا حاجه.

-

-

الموضوع: Te-data عاوزة تحسن خدمتها. ... يعملوا ايه برئيك !!

LinkBack

أدوات الموضوع

عرض

Te-data عاوزة تحسن خدمتها. ... يعملوا ايه برئيك !! - انشر الموضوع فى :

-

-

المواضيع المتشابهه

عاوزة موبايل بخطين مش صينى يستحمل الشغل عانت

هي كل الشركات الخاصة بتمضي الموظفين علي استقالة في بداية الشغل

أحول العربيه غاز ولا أيه شاركني برئيك

بعيداً عن جدال الأسبرينزا نريد تقييماً لتوكيلها و مراكز خدمتها

الكلمات الدلالية لهذا الموضوع

المفضلات

المفضلات

ضوابط المشاركة