السلام عليكم جميعا
بالله عليكو عايز رد ضرورى دلوقتى اللى عنده فكرة اسعار الريو وصلت كام لحد النهاردة موش من موقع كونتاكت يا ريت يقولى ومنتظر ردوودكو عشان انا فى البحر وموش حنزل غير يوم الخميس ان شاء الله
السلام عليكم جميعا
بالله عليكو عايز رد ضرورى دلوقتى اللى عنده فكرة اسعار الريو وصلت كام لحد النهاردة موش من موقع كونتاكت يا ريت يقولى ومنتظر ردوودكو عشان انا فى البحر وموش حنزل غير يوم الخميس ان شاء الله
فعلا العربيه سعرها ارتفع و اﻻسعار كما يلي
108 Lx m/t
118 Lx m/t
125 Ex Fo
135 highline
دا اسعار السيدان من المعرض اليوم. مش من موقع كونتكت اﻻسعار دي من مندوب كيا في معرض اتوماك علي البرشور معايا ربنا يهديك للي فيه الخير أنا عارف انها أوقات صعبه للي بيشتري وترجع بالسلامة ربنا يسهلها
يعني زادت 12 الف تقريبا و لا انا غلطان؟
ميرسى ليك يا باشمهندس بس يا رب يطلع كلامك غلط احسن هيجيلى صدمة عصبية من بعد اسبوع متكلم فيه زيادة عن 1000 دقيقة تليفون عشان اقارن الفئات واحجز ربنا يسترها علينا
لو زى ما اخونا بيقول 135000 يبقى كلام حضرتك مظبوط 100% زادت 12-13 الف
كده يبقي بلاها ريو
معلش ﻻ ألف سلامه عليك من الصدمه و أنا اسف لو زعلتك او ديقتك بس أنا حبيت اقلك الي عرفته انهرده ربنا يوفئك للي فيه الخير واتمني أنا اﻻسعار تقل و يكون الراجل غلطان
طب قولولى بالله عليكو انا بعت عربيتى وبدور على عربية من 5 شهور وما فكرتش فى الزيرو خالص الا من اسبوع وحجزت على طول اقترحو عليا لو بلاها ريو اجيب ايه
والله ما تعرفو شعورى ايه دلوقتى موش على العربية خالص انا بتكلم على حال البلد ولا حول ولا قوة الا بالله
طيب صلي على النبي .. اديني بس لحد الساعه 12 الظهر ... و هعرفلك السعر كام بالظبط و لو يقدروا يخدموك بس لما ابعتلك رقم الموبايل قوله انك ابن خالة مصطفى الفايد المرشد السياحي بس استني لحد بكره و ربنا يوفق بس و احاول اقوله يديهالي بفرق سعر مش كبير
بس نام بس و استريح و فكك اللي ربنا كاتبه و نصيبك و اللي مكتوبلك هتاخده لو كنت فين .. فسيبها على الله و متقاطعش بس
اللي بتكلم عليها بجنوط 15 سبور ... و للعلم ال 15 افضل من ال 17 و ده رأى ناس كتير على ما سمعت ان ال 17 بتعمل مشاكل في الكاوتش من المطبات
ربنا يسهل يارب. والله كنت حبيع الفيرنا. واجيبها بس. الحمد لله رجعت. لما عرفت الا سعار بس. شوف الخليجى جنط 17. وفتحه سقف هاى لاين عامله كام لانى سمعت ان سمير ريان. بيبع 145. الخليجى الهاى لاين سعر حراااتم. ادفعو فى عربيه زى ديه
رد للمتابعه
الاخوه مقصروش والله وكل كلامهم سليم الاسعار زادت بشكل كبير وهتزيد تاني وده حقيقي وطبيعي للي بيحصل