يالهووووووووووى, ايه الاخبار اللى مش ولا بد دى, هى ناقصه.
يالهووووووووووى, ايه الاخبار اللى مش ولا بد دى, هى ناقصه.
على رنات بقى يا جماعه
انا بعت استفسار عن الموضوع ده لي فودافون و المفروض هيردو عليا خلال 4 ساعات
لما نشوف
حسام بيه كفايه و النبى قربت اتشل
LoOoL
هم مش كل شهر بيخصموا 51 قرش ضريبة
ودلوقتى ضريبة عند شراء الكارت
يعنى احنا بندفع الضريبة مرتين!!
ويعنى ايه ضريبة على كروت الشحن؟
ال51 قرش دي دمغه مش ضريبه
وزمان اول الموبايل مانزل مصر كان الكارت ال100 بيتباع ب 115 جنيه و فيه 85 جنيه رصيد , 15 ضريبه و 15 مصاريف اداريه
شركات الموبايل الغت ال15 جنيه مصاريف اداريه و بقى الرصيد 100 جنيه , ولما فلوسهم كترت بقى سعر الكارت 100 جنيه شامل الضريبه 15% , لكن الفواتير فضلوا يدفعوا الضريبه عادي 15%
وحاليا الضرايب على كروت الشحن زادت تاني واكيد هاتزيد على الفواتير كمان
كده كتير والله
هى دى النهضة ؟ الاسعار كلها غليت بطريقة مش طبيعية
هي الشركات ديه ﻻزم تضرب بالجزمة ﻻنهم حرامية وبيبيعولنا الهواء
انا اغلب شغلي بالتيلفون وبدفع بﻻوي وزيادة يدفعوني 15 %
الله يحرق البنك الدولي والقرض اللي حيطفح الناس الكوتة
انا عايز اسأل الحرية والعدالة واﻻخوان هي الضرايب ديه مش محرمة في اﻻسﻻم ؟؟؟؟؟؟؟؟؟؟؟
احنا شعب بنصرف على الحكومات من 40 سنة ومع ذلك ﻻ تعليم وﻻ صحة وﻻ أمن وﻻ بنية تحتية
حسبي الله ونعم الوكيل في كل واحد بينهب الشعب
الكارت زمان كان المفروض سعره 100 لكن كان بيتباع بـ 107
زي دلوقتى الكارت الى كان 10 كان بيتباع 10.5
الفرق ان زمان كان الكارت محترم " كان بلاستيك مش حتت ورقه جربانه زي دلوقتي"
وبخصوص ال 15 جنية الشركات مشاليتهاش بمزاجها
انا فاكر انها كانت بحكم محكمة أو حاجه زي كده " يعنى قرار واتفرض عليها وهيا نفذته "
ماهى دى هى عقلية الجباية و حجة الحكومات و الانظمة السياسية الفاشلة اللى بدل ما ترشد انفاقها تروح تعوض عجزها من جيوب الناس . . . و على فكرة. . ضرايب الفواتير هتبقى 18% بدل 15 و سعر اى خط جديد هيبقى متحمل عليه 25 جنيه إجبارى يدفعها العميل على تمنه. . . الحكومة باصة للناس فى كل حاجة و بتقولك ما الشعب معاه فلوس يصرف اهه. . . خليه يدفع بقى. . . اى ضريبة هتفرضها الحكومة اوتوماتك الشركات هتحولها على العميل
مفيش اى عضو #$$^&*)( من الى بيدافعو هنا نطق او سمعنا صوته
اى عضو اخوانجى ييجى يقول نديله فرصه
1- فيه ردود كتيرة فيها معلومات غلط
2- زي ما احد الاعضاء وضح ال 51 قرش دي دمغة
3- الضريبة على مكالمات المحمول طول عمرها 15% من ايام عاطف عبيد (كانت 10% و زودوها سنة 2001 تقرييا) ....... اتصالات اما دحلت السوق اتحملت الضريبة عن العميل .......
4- الحكومة مالهاش دعوة باللي حصل النهاردة ....... الشركات قررت تبطل تتحمل حاجة عن الزبون ...... و ده حقهم
5- اللي بيقول ضريبة و اتلغت ترجع ليه ...... هي ما اتلغتش ...... يعني لو انت موظف في شركة ...... و متفق على مرتب 1000 جنيه اجمالي (مش صافي) ....... و صاحب العمل في فترة بقى بيدفع الضريبة بدالك و بيديك الالف جنيه صافية و بعد فترة رجع في كلامه اما اتزنق دي مش جباية ......
6- الكارت زمان كان ب 115 جنيه ...... منهم 80 رصيد و 20 رسوم ادارية و 15 ضريبة مبيعات
7- الرسوم الادارية ما اتلغتش بقرار محكمة و لا بالعافية ....... سنة 2006 موبينيل لغتها و فودافون بعد فترة قلدتها .......
8- اللي مش عاجبه اسعار المكالمات في مصر يبص نظرة على بعض (و ليس كل) الدول العربية زي المغرب و الامارات و لبنان و يحمد ربنا عالنعمة ...... الدقيقة في لبنان ب 33 سنت امريكي
9- الاتصالات السلعة الوحيدة اللي تكلفتها بتزيد سنويا و سعرها بيقل ...... تكلفتها بتزيد (ايجارات الاسطح و المعدات المستوردة و البرامج و السيرفرات و كله بالدولار اللي بيغلى اساسا و رواتب الخ الخ الخ) ...... و سعرها بيقل (على حس ان الاستخدام بيزيد و ده يشيل ده) ........ و في كل دول العالم بمجرد الوصول للتشبع بتضطر الشركات لرفع الاسعار قليلا و الا مش هتقدر تكمل بالشكل ده
يعني مثلا انت صاحب محل بتبيع كيلو الجبنة اللي بتشتريه ب 9 جنيه ب 11 ....... مكسب 2 جنيه
بتبيع 3 كيلو في اليوم بتكسب 6
لو بعت ب 10 ممكن الناس تشتري 6 كيلو ...... و تكسب 6
لو بعت ب 9.25 ممكن 20 واحد يشتروا و تكسب 5
شوية و الجبنة بقت ب 9.15 ...... هتبيع ب 9.25 ...... كده بتكسب 2 جنيه ....... و ما بتجيبش تكاليفك
10- انا مش اخوان ...... و علاقتي بشركات الاتصالات المصرية انتهت من ابريل 2012 باستقالتي من اخر شركة عملت فيها في مصر
11- خالص احترامي بس فيه ناس متضايقة من الضريبة دي او الرسم ده الخ الخ ...... بس ما عندوش مانع يشرب قهوته كل يوم في سيلانترو ب 25 جنيه (و اما بتغلى ما بيفتحش بقه عشان منظرها مش شيك) ....... و يخرج و يتفسح ........ بس اما يدفع ضريبة عشان البلد مش لاقية تاكل يبقى كخ
12- يا جارية اطبخي يا سيدي كلف عايزين البلد تنضف يبقى لازم موارد و بما اننا مش السعودية و لا قطر و لا ابو ظبي و لا بلد من البلاد اللي غرقانة في البترول يبقى مفيش حل غير الموارد السيادية مثل الرسوم الادارية
بكام الكارت ابو 100 جنيه رسمي دلوقتي ؟؟؟ هيبقى ب 118 ؟
هاتووولي خط ارضي . وجابولك خط ارضي . جابولي خط ارضي
اللي يقول موارد سيادية ومش عارف ايييييييييه ؟
يروح يشوف الحكومة بتنفق كام على الاثاث والعربيات والصيانات وغيره وغيره
وطبعا كلها استيراد وبملاييين الدولارات !!
يعني لازم المواطن هو اللي يتنفخ بس والحكومة والقطاع العام لا ؟؟
لازم الحكومة تبطل البذخ في المرتبات بتاع الناس البشوات اللي وصلة لحد مليون ومليون ونص
والحفلات اللي بتتصرف على مهرجانات السينما والتفزيون والكورة والسفارات
لما تعمل الحكومة كذا احنا ندفع 20 % ضريبة مش 15 %
انا مسلم والاسلام يرفض الضرائب والمكوس ويحرم الفساد واهدار اموال الدولة
ولما بدي صوتي لمن يدعي انه سيطبق الاسلام فأجده يخالف الاسلام في كل كبيرة وصغيرة !اعمل ايه ؟؟
والاخوان سابوا الشرع والشريعة ومسكو في الشرعية والمناصب وعايزين يحكموا وخلاص
في الشريعة والاسلام مفهوم الدولة يعني مكافحة فساد وترشيد انفاق وتقليل ضرائب ومكوس واعمار ارض الله
وتعليم وصحة ورقي اخلاقي واجتماعي واقتصادي .
للاسف مصر لو حكمها اي فصيل سياسي موجود في الساحة شعبها مش حيشوووف خير ابدا
لانهم كلهم هدفهم الوحيد الوصول للحكم ومص دم الشعب سواء الاخوان او الجبهة او شفيق وجماعته
مصر لم تشهد نهضة فعلا الا في حكم الافراد العظماء زي عمرو بن العاص وقطس ومحمد علي باشا
وممكن لحد ما في عصري السادات وعبد الناصر وان كان في فساد بس كانت في نهضة في بعض المجالات
امتى نشوووف حد فاهم وشجاع وبيتقي الله في شعبك يامصر
للاسف كلام حضرتك هو الى غلط لان الكارت مكنش سعره الرسمي 115 زي ما حضرتك بتقول
الكارت الميه أول ما نزل كان بيتباع بـ 105 وبعدين بدء يغلى ويتباع سوق سودا لان الكارت الميه كان بيعطي 3 شهور وشهر سماح لكن كارت 50 كان تقريبا كان شهر و10 ايام فقط "يعني أقل من نصف المده الى بيعطيها كارت الميه"
عشان كده كانت الشركات بتكتر من كارت الخمسين ( الى كان تمنه 52 وارتفع بعد كده الى 54 و 55) وتقلل من كارت الميه
وبالتالي بدأ كارت الميه يزيد سعره لحد ما وصل لـ 112 جنيه وناس كانت بتبيعه بـ 115 وسعات كان بيوصل لـ 120 جنيه
وبأكدلك تاني أول كارت جبته كان بـ 105 جنيه ( وكان ايامها بلاستيك نفس خامت الكارينيهات ) واعتقد اني لسه عندى منهم ممكن اصوره وارفع لحضرتك صورته
يبقى ازاي كان فيه رصيد 80 و 20 رسوم ادارية و 15 ضريبة مبيعات واول ما نزل كان ب 105 جنية ؟؟
بخصوص القرار بالالغاء المصاريف الاداريه ياريت حضرتك تتأكد منه تاني
مش عارف ليه ده احساسنا دلوقتي :)
‫مهرجان ازاز كابوريا من فيلم مهمة فى فيلم قديم‬‎ - YouTube
مع خالص احترامي
كلام حضرتك كله غلط
الكارت اول ما نزل كان ب 110 رسميا
80 رصيد و 20 رسوم ادارية و 10 ضريبة مبيعات اما ضريبة مبيعات المحمول كانت 10%
في سنة 2000 اترفعت ضريبة مبيعات المحمول ل 15% و بقى الكارت ب 115
عمره ما كان ب 100 و لا 105
بعد كده في 2006 موبينيل لغت الرسوم الادارية و فودافون قلدتها ....... و بقى الكارت اللي ب 100 برضه ب 115 بس فيه رصيد 100 (دور عاليوتيوب هتلاقي اعلانات موبينيل عملتها عالموضوع ده ...... ان موبينيل لغت الرسوم الادارية)
اتصالات في 2007 اما فتحت عشان تجتذب الناس تحملت الضريبة عن الناس ...... و بقى الكارت ب 100 رصيده 100 و سعره 100
الرسوم الادارية ما اتلغتش بحكم محكمة و لو كان حكم محكمة دور في جووجل و هات لي لينك خبر بذلك و 2006 مش بعيد (6 سنين ورا يعني اكيد هتلاقي الخبر لسه موجود في سايت زي مصراوي مثلا)
الكارت كان ب 110 مش 105 اول ما نزل ...... انا ما قلتش اول ما نزل كان ب 115 انا قلت قبل ما اتصالات تلغي الضريبة (و تتحملها نيابة عن العميل) كان ب 115
موضوع ان حضرتك كنت بتجيبه ب 105 بدل 110 ده سببه ان زماااااااااان (و الكلام ده في اواخر التسعينيات و اوائل القرن الحالي) كان هامش ربح الكارت عند التجار عالي و بيوصل ل 10 جنيه في الكارت و عشان كده بعض التجار كانت بتحرق و بتبيعه ب 105 بدل 110 و هو كسبان برضه
موضوع بقى انه كان بلاستيك و بقى ورق ده كلام جانبي مالوش علاقة بموضوع الضريبة ....... و طبيعي اي شركة بتحاول تخفض التكاليف عشان تكسب اكتر و افتكر الاهم لحضرتك انك تاخد الرصيد كامل و تتكلم بيه مش خامة الكارت و مصدقك لاني فاكر الكروت من ايام فودافون ما كان اسمها كليك و موبينيل باللوجو القديم
+1
غير انا ملاحظ حاجة مهمة ثقافة الشكوى والنواح
لاكن مشفتش حد بيقول انا هقاطع وهقلل من مكالماتي كوسيلة ضغط على الشركات اللي كسبت ومازلت تكسب مليارات من الشعب
او او او من حاجات كتير بيعملها الناس المتقدمين في مواجهة اي استغلال من اي نوع
لاكن احنا عايزين لبن العصفور بدون فعل حقيقي
ياجدعاااااااااااااااااااا اااااان اتصالات تنفي أي زيادة وتحذر من التعامل مع من يبيع هذه الكروت بغير سعرها
اتصلوا بخدمة العملاء واتأكدوا من الزيادة لو انت تبع فودافون او موبينيل
اتصالات تنفي نفي قاطع
فودافون ردت عليا
يعني انا كدة هدفع زي ما انا 28.5اقتباس:
الأستاذ أشرفنشكر سيادتكم على اهتمامكم بمراسلتنافيما يتعلق باستفسار سيادتكم فيرجي العلم بالتالي:أنظمة كنترول 25 و 35 و 50 و 75 أصبح الاشتراك الشهري بدون ضريبة أي سوف يتم خصم 25 جنيها فقط بدلا من 28.75برجاء العلم أن الكروت أصبحت لا تشمل الضريبة ، و كما هو الحال مع عملاء الفواتير و في كل السلع و الخدمات الأخرى عموما و ليس فقط خدمات المحمول ؛ فإن زيادة الأسعار لتغطية الضريبة هي من أجل أن تظل الخدمة على مستوى متميز يرضى العملاءإن من أهم أهداف الشركة هو الاستمرار بتحسين وتقديم أعلى مستوى من الخدمة الجيدة لإرضاء عملائنا الأعزاء ، و مع زيادة عدد المشتركين والتطوير المطلوب في الشبكات ولأجل أن تبقى الخدمة على مستوى متميز يرضيكم ؛ قررت إدارة الشركة ان يتم تحصيل الضريبة ، و ذلك من أجل زيادة الاستثمارات فى الشبكة و تطويرها و من أجل تحسين الجودةو يمكنكم أيضا الاشتراك في عرض الكروت الحالي و الذي يتيح لكم 100% من قيمة الكارت رصيد إضافي لمكالمات فودافون ، أي أنه في حالة شحن الكارت فئة 50 جنيه مصري فإنكم تحصلون على 50 جنيه كرصيد أساسي بالإضافة الى 50 جنيه أخرى كمكالمات لأي رقم فودافون في أي وقت خلال اليومالمزيد من المعلومات في الرابط التالي http://www.vodafone.com.eg/vodafoneportalweb/ar/p19001664251358345427248يسعدنا تواصلكم مع خدمة عملاء موقع فودافونبرجاء العلم ان عنوان المرسل لا يستقبل الرد، و يسعدنا استقبال استفساراتكم على Personal main page
شريف مصطفيخدمة عملاء فودافون مصر
هو انا كدة فهمت صح
هو اصلا اتلغى حاليا نظام 25 جنيه اللى بيدى 1000 دقيقة واللى موجود فى النظام اوائل العملا اللى اشتركوا فيه وبالضريبه يبقى 28.75
انما العملا لجداد بقى 35 جنيه وبيدى 1200 وبالضريبه حوالى 40 جنيه
وده فى موبينيل واتصالات
يعنى اصلا رساله خدمة العملا غلط
ولا فودافون مازال اشتراك ال 25 سارى فيها؟؟
انا لسة شارى من فرع فودافون جمبي ب 28.75 الكارت اللى ب 25
انا 25 مشترك من شهر 10 الي فات تقريباً كان عرض كدة و لحقته و مستمر عليه و في عمنلاء تانيين عليه بردو
بس انا عن نفسي لما عرفت ان فيه ضريبة ما اتدايقتش عادي يعني .
مش عارف انا بارد و لا الناس هي الي كبرة الموضوع ؟؟؟؟
[img3]https://fbcdn-sphotos-a-a.akamaihd.net/hphotos-ak-ash3/537006_471586962898073_1428264377_n.jpg[/img3]
هي المشكلة في فحوى الرسالة نفسها ان الزيادة دي لتحسين الخدمة و ليست ضريبة
مش عارف بقى الي رد مش فاهم و لا ايه الوضع
يعنى مبارك يشلها عنا وكرسي يرجعها !!! هو احنا عملنا ثورة لية !! فكروهى
يعنى شكرات المحمول بقت بتخسر فى مصر
عشان كده رجعت تانى تحصل الضريبة
على فكرة اللى هيشتكى وهيتضرر من الزيادة دى يا احمد بك مش اللى بيشرب قهوة فى سلنترو
لان الزيادة هتتطبق عالكل
وبرضه هنقول ان اى زيادة فى اى سلعة فى مصر بيتبعها سلسلة لا تنتهى من الزيادات
مش هيتضرر منها غير المواطن الغلبان
أتصلت بخدمة العملاء اتصلات 333 معندهمش زياده !
فضيحة بجلاجل
عرض فودافون كرت 10 جنيه بـ11.5 فيه 20 جنيه مكالمات !!
لاتعليييييييييييييييييييي يييييييييييييييق
بالرغم من التصريحات الرسمية بأنه لا زيادة فى أسعار الكروت
إلا ان فيه تجار بيحلفوا انهم اشتروا من الشركات بالأسعار الجديدة
نصدق مين؟
الموضوع مالوش علاقة بالحكووووووووووووومة !!
الشركات تحملت الضريبة عن العميل في 2007 (ما اتلغتش ...... يعني برضه كانت الحكومة بتاخد فلوسها)
و دلوقتي بطلت
محدش قال بقت بتخسر بس ارباحها بتتضاءل نتيجة ارتفاع التكلفة مع انخفاض السعر
و انا ما قلتش كل الناس بتشرب قهوتها في سلانترو
و المواطن الغلبان مش بيرغي في الموبايل بالساعات على فكرة ........
الاخ الي بيقول نحمد ربنا علي ان سعر الدقيقة عندنا بالمنظر ده
احب ارد عليه واقوله احنا طبعا حمدين ربنا علي كل حال
ولكن هل ياتري الدول الي حضرتك بتقول ان سعر الدقيقة عندهم اغلي هل عندهم جمارك علي العربيات ذي الي عندنا - هل اسعار العربيات عندهم ذي عندنا - دا انت بتمن عربية 128 هنا تركب في المانيا عربية مرسيدس 2013
وبعد شوية هيطلع الاخ يقول بوسو ايدكم وش وضهر علي ال 3 ارغفة الي الحكومة قررتهم لكل مواطن باعتبار ان في دول افريقية فيها مجاعة.
احنا بنقول الحمد لله ولكن بنقارن بين وضع كان موجود بالفعل وبين الوضع الجديد
وهو انه افضل لحضرتك انك تشتري الكرت ب 25 جنيه ولا تشتريه هو هو مثلا ب 27 جنيه
يا ريت يكون قلبك شوية علي الناس الغلبانة مش علي الحكومة الرشيدة بتاعتنا