نجربتى مع فيشة الاوكتان .. ارجو الرد من أستاذ عصام غنايم

السلام عليكم جميعاً ..

أنا ظبطت فيشة الاوكتان من اسبوعين تقريباً و فولت بنزين 80 مرتين .. من ساعتها و انا ملاحظ حاجات غريبة ..

الإستهلاك زاد بمعدل غريب .. العربية بتشرب البنزين شرب .. التنك كله ماكملش 250 كيلو ..

الكركرة او التسقيف قل شوية لكن خلال الفترة دى كلها مانعدمش .. لسا موجود و بيزيد مع كل كبسة بنزين .. و ده اللى قلقنى جداً ...

ده غير طبعاً طوابير الانتظار الطويلة و بنزين 80 مش موجود اغلب الاوقات ..

و لـــكــن ..

مونت من بنزينة تانية .. نفس القصة .. العربية سحبها ضعف شوية و التسقيف قل شوية بس مازال موجود ..

حد عنده إقتراح ؟

انا بفكر اشيل الفيشة خالص زى ما كانت متشالة من الاول ..

و ارجع بنزين 92 تانى زى ما كانت .. اهوه الدنيا كانت مظبوطة معاها ..

و شكراً ..

التسقيف بيقل لكن مش بيروح - لكن الاكيد ان المفروض ان استهلاك البنزين يتحسن معاك - مش العكس

ثم احب ابشر حضرتك بحاجه - بما انك فى الشتاء والعربيه بتسقف معاك - يبقى فى الصيف مع التكييف هاتتحول لبطه بلدى بجد

أشكرك على ردك و إهتمامك ..
و فى إنتظار بقية الاراء و الإقتراحات ..

ضبط الفيشه على 95 و مون 92 احسن ليك و للعربيه

لو الدنيا مزنقه معاك
حط نص التنك 92 ونصه 80

اقتباس:

---

المشاركة الأصلية كتبت بواسطة lanos2004

لو الدنيا مزنقه معاك
حط نص التنك 92 ونصه 80

---

انا كنت قريت فى منتدى ان لو انت مونت 17 لتر 80 و عليهم 4 لتر 92 بتعدل رقم الأكتان لرقم أعلى لل 92 بس فى الحاله دية خللى الفيشه للشكل الإفتراضى بتاعها و جرب
و خللى بالك انك ممكن تكون العربيه لما ظبتطت معاك انت ممكن تكون بتقرص فى النقل ده حصل معايا فى الأول كنت فرحان ان العربيه فاقت معايا