إية رأيكم فى زيت توتال

**ghareeb** · 20-01-2013 11:18 AM

انا عايز أعرف تجربة الناس الى غيرت لزيت توتال فى التوكيل -- عشان انا من ساعة ما غيرت الزيت و العربية بقت بتاخد وقت طويل فى التخين الصبح و السحب بتاع العربية بقة ضعيف جدا طول ما العربية درجة حرارتها موصلتش 90 بس للأمانة إستهلاك البنزين بقى أقل سنة بسيطة - فهل الأعراض ده عند كل الناس و لا أنا يبقى عندى مشكلة تانية -- بس كل الأعراض ده مظهرتش غير لما غيرت الزيت

**kliken** · 20-01-2013 12:50 PM

انا التوكبل اللى بتعامل معاه لنيسان بيحط توتال حطيته مره و ما كنتش مبسوط خالص و صوت الموتور كان عالى شويه

**Al-Farooq** · 20-01-2013 02:29 PM

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

**mhassan9** · 20-01-2013 04:27 PM

المشاركة الأصلية كتبت بواسطة al-farooq

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

أنا حطولي في صيانة ال ١٠٠٠ توتال ٥٠٠٠ ولما سألت مهندس الصيانة ليه محطناش ١٠٠٠٠ قالي ال ٥ أحسن للعربية وعشان تغيره في المتابعة علي أساس أن كل صيانة ٥ يغيرولي زيت وفلتر

**Al-Farooq** · 20-01-2013 06:47 PM

المشاركة الأصلية كتبت بواسطة mhassan9

أنا حطولي في صيانة ال ١٠٠٠ توتال ٥٠٠٠ ولما سألت مهندس الصيانة ليه محطناش ١٠٠٠٠ قالي ال ٥ أحسن للعربية وعشان تغيره في المتابعة علي أساس أن كل صيانة ٥ يغيرولي زيت وفلتر

الخمسة أول مرة بس.
بعد كدة بإختيارك تعمل الصيانة كل خمسة آلاف او 10 آلاف.
هما بيفضلوا انك تعملها كل خمس آلاف.

**tamerosman** · 20-01-2013 07:09 PM

المشاركة الأصلية كتبت بواسطة al-farooq

بالنسبة لتوتال على حسب معلوماتي وبناء على تجارب الاعضاء :-
توتال 5000 جيد.
توتال 10000 سئ.
وعليه لو هتستخدم توتال يبقي كل 5000 افضل من كل 10آلاف.

انا جربت توتال5000 معدنى و توتال 10000 تخليقى و فعﻻ المعدنى كان افضل فى استهﻻك البنزين و نعومة الموتور

بس حسب ما انا فاهم ان العربية لما تبقى جديدة بيكون الزيت االتخليقى افضل علشان الخلوصات بين البساتم و الشميز بتكون اقل و الزيت التخليقى بيكون اقل و اخف فى اللزوجة و مناسب للخلوصات الضيقة ... . بس هما فى التوكيل مصممين على توتال لﻷسف .....مع ان الكل اجمع ان توتال التخليقى على قده مع انه مش رخيص انا اخر صيانة زيت و فلتر دافع فوق 500 جنيه الزيت لوحده بحوالى 280 و مصنعية تعيير زيت و فلتر اكتر من 200 جنيه ....استغﻻل و كمان بغرضو علينا زيت تعبان و غالى فى نفس الوقت

**Magoda** · 20-01-2013 07:43 PM

انا جربته ال 3000ك معجبنيش مفيش أحسن من شل الأصفر 5000ك

**hesham1978mmmm** · 20-01-2013 08:03 PM

بصراحة انا جربته زيت وحش جدا مخلي السحب ضعيف وصوت العربية مزعج جدا لما جربت زيت توتال الخمسة فعالا كان احسن من الأثنين ولما جربت زيت شل الأزرق بصراحة كان تحفة سحب وصوت هادي افضل من التوتال بكتير بس مضطر احط توتال عشان الضمان وانا حاطط توتا 10 الف بس اخر مرة مش هاحطه تاني هاحط توتال 5 الاف