تعديل فيشه الاوكتان ل80 هل يضر بالسياره ام لا

**amtaea** · 20-01-2013 12:12 PM

السلام عليكم

سوءالى عن تعديل فيشة الاوكتان لاستخدام بنزين 80 مع العلم انى سوف املا التانك نصفه 90 ونصفه 80 ولو افترضنا ان نسبة كل منهم الحقيقيه 89 و79 يعنى متوسط فى التانك 84 اكتر من المظبوط العربيه عليه بواحد فهل هذا سوف يجعل المتور بنفس كفاءته مع ال90 وال 92 ام لا سوف يوجد اختلاف ولو يوجد اختلاف فازاى الشركه تكون عامله اوبشن للسياره وممكن يضرها
اسف على الاطاله
وعن سذاجه اسالتى ولكن اريد ان افهم لان لو فيه امكان ادفع قليل ليه ادفع كتير ؟؟؟

واخيرا شكرا لهذا المنتدى الرائع اللى فدنى كتير..

**golden_web_2007** · 20-01-2013 12:53 PM

من واقع تجربتى ..

تعديل فيشة الاوكتان لـ 80 لا يضر أجزاء او مكونات العربية لكن يضر أداءها و تسارعها ..

الكركرة و التسقيف بيقل شوية مع التعديل لـ 80 لكن ما بيروحش خالص .. بيفضل موجود ..

انا رجعت بنزين 92 تانى بعد التعديل لان اداء العربية و تسارعها مش عاجبنى ..

ده غير ندرة بنزين 80 اصلاً اللى بتخلينى اقف فى طوابير بالساعة ..

و ارجو ان اكون افدتك ..

**amtaea** · 20-01-2013 01:48 PM

شكرا يا باشا على اهتمامك وردك وبالنسبه لموضوع الكركره والتسقيف يا ريت لو حد تانى جرب يملى التان نص ونص بعد تعديل الاوكتان ويقولنا النتيجه.

**exact** · 20-01-2013 02:05 PM

مفيش منه اي ضرر اطلاقا والا ما كانش اتعمل... ثانيا المشكلة ان لو مثلا عربيتك 100 حصان ما تنتظرش ابدا انك هتاخدهم بعد خفض نوع البنزين

التعديل ده ممكن في الشتا لأن الموتور بيبقى بارد شوية... انما في الصيف مع سخونة الجو وتشغيل التكييف هيتعبك جدا جدا ومش هترضى عن العربية

**amtaea** · 21-01-2013 07:36 PM

تم التحويل الى 83 وجارى التجربه بس لسه محطتش 80 اللى حطه الان 90

والملاحظات حتى الان بصراحه مش مصدق الفرق ده سحب السياره بقى غريب ومهما بدوس بنزين العربيه مستريحه تحت رجلى وبتسحب لذلك حتى لو ال80 منفعش هحوط 90 ومش هغير تعديلة ال83

جااااارى التجربه............

**golden_web_2007** · 21-01-2013 09:59 PM

حضرتك لسا معملتش حاجة .. لان ببساطة مافيش فرق كبير بين استجابة العربية بين 90 و 92 ..

عاوز تشوف الفرق بجد .. جرب تفول 80 و قولنا على تجربتك ..

**amtaea** · 21-01-2013 11:18 PM

بس انا حاسس بفرق وفرق كبير كمان فى السحب يعنى انا لما بجيب على التانى60 بحس العربيى مستريحه تحتى ولسا بتجيب معايا غير الاول كان ال40 على التانى بالعافيه بس بالنسبه للاستهلاك لسه مبنش معايا وعلى فكره انا مش هحط التانك كله 80 لان التعديل اساسان 83 مش 80 ده غير سوء كفائة الموجود فى السوق مبيكنش 80 فانا هبدا بملى نصف التنك 92 والنص التانى 80 لو ملقتش فى فرق هبدا اقل نسبة ال92 من النص الى الربع وهكذا

**golden_web_2007** · 22-01-2013 06:34 AM

كـــلام جميل

**ABO MALEK** · 22-01-2013 10:19 AM

مبروك التعديل ومنتظرين تقييمك بعد التجربة

**amtaea** · 30-01-2013 10:07 PM

بصراحه انا اكتشفت ان انا كنت حمار لما كنت بحط 90 و92 للانوس ده اللى انا اقدر اقوله :)

الموضوع: تعديل فيشه الاوكتان ل80 هل يضر بالسياره ام لا

LinkBack

أدوات الموضوع

عرض

-

المواضيع المتشابهه

فيشه الاوكتان

فيشه الاوكتان

فيشه الاوكتان

فيشه الاوكتان

فيشه الاوكتان

الكلمات الدلالية لهذا الموضوع

المفضلات

المفضلات

ضوابط المشاركة