تاني سواقة البنات !! يا جماعة كل شيء فيه الكويس و الوحش.. و سوري يعني 90% من الحوادث بيبقى رجالة هما اللي سايقيين, و بردو حوادث الطرق السريعة..
و بصراحة كده بقى, انا مشفتش حد بيسوق عدل اصلاً في مصر..
السواقة مش انك تمشي بسرعة و تاخد غرز و الهبل ده..
السواقة انك لما تيجي تحود او تغير حارة تدي اشارة, تقف او تهدي على طريق سريع تدي انتظار, تمشي في حارتك بدل شغل الغرز و العالم الدايخة دي, تحترم حق الناس اللي ماشية على رجليها و عايزة تعدي الشارع, تحترم الإشارات و مش تسرع عشان تلحق الإشارة قبل ما تقفل, تربط الأمان عشان أمان سعادتك مش عشان المرور, عربيتك تبقى سليمة و اشارتها سليمة بدل ماللي وراك يمشي متوتر احسن تقف فجأة..
من الأخر, 90 في المية من اللي بيسوقوا رجالة و ستات حرام فيهم السواقة بس..
و لو السواقة بالغرز والسرغة يبقى لازم كلنا نحيي سواقيين الميكروباصات على سواقتهم المذهلة..