تعملو اية فى الموقف دة كل واحد يقول راية

كنت يوم الجمعة فى 6 اكتوبر و رجعين من هناك على الساعة 7 كدة و كنت طبعا ماشى ورا خالى لان دى كانت اول مرة اروح هناك و كمان كنت اول مرة اسافر المهم و احنا بعد الخروج من البوابة فية دوران و فية اتوبيس كبير المكيف دة بياخد الدوران فوقفت طبعا علشان يعرف يلف لان الشارع ضيق اساسا بعد كدة لقيت عربية من ورايا بتذمر و بعد كدة لقيتة بجوارى و بيشتم و يقول يا بارد انا استغربت هو لية عمل كدة ؟؟؟؟؟:eek4: و انا اتنرفذت بسرعة رحت شتمتة يا بن ال تيت و ابن ..... لانة هو حمار مش فاهم انا وقفت لية و فيها اية يعنى لما يقف دقيقة ما هو طالع من مصيف يعنى و كمان الشارع كان زحمة اساسا فعلا فية نااااس اخلاقهم و حشة قوووووى يعنى انا مثلا عمرى ما ابتدى بشتيمة حد ابدا بس
بس انا استريحت لما شتمتة فهل دة كدة تصرف صح ولا اعملة اية ؟؟؟ و انا اول مرة اتحت فى الموقف دة
مع شكرى على ردودكم

أنت كده عملت الصح بس ياريت هو يكون سمع أصلا

اقتباس:

---

المشاركة الأصلية كتبت بواسطة gemino

أنت كده عملت الصح بس ياريت هو يكون سمع أصلا

---

انا عليت صوتى على الاخر و الله ازعل قوووى لو مسمعش :thinking::thinking:

دا انت كده كويس قوى
العبد لله و الله مكنت سيبته
كان لاقانى فى ضهره
و هطلع منه و أعلمه الأدب براحتنا بأه طول الطريق
تزنيق شوية على تعطيل ورايا قد خمسة ستة كيلو
لغاية ما يتربى
هو حتى لو معترض على تصرفك
المفروض مايشتمش

انت غلطان طبعا
استفدت ايه لما شتمته ؟؟

انت انضميت للناس اللي (ردود) افعالها سيئة
ماتزعلش مني

اقتباس:

---

المشاركة الأصلية كتبت بواسطة Ahmed Samy

انت غلطان طبعا
استفدت ايه لما شتمته ؟؟

انت انضميت للناس اللي (ردود) افعالها سيئة
ماتزعلش مني

---

اوك بس هو ابتدى لية يعنى انت تكون ماشى فى حالك وتلاقى اللى يشتمك و تسكت
دة انا ساعتها اتنرفذت و معرفتش الشتيمة طالعة منين

اقتباس:

---

المشاركة الأصلية كتبت بواسطة Ahmed Samy

انت غلطان طبعا
استفدت ايه لما شتمته ؟؟

انت انضميت للناس اللي (ردود) افعالها سيئة
ماتزعلش مني

---

ادينى شوية هدوء من عندك يا دكتور :smartass5: الله يجازيك خير

انت عملت الصح لان الشارع مينفعش معه الاخلاق الا قلة تعد على اصابع اليد الواحدة

بس يا جماعة كده الشارع هايتحول لساحة لتبادل الشتائم و في الآخر جميع الأطراف خسرانة :pinch:

اقتباس:

---

المشاركة الأصلية كتبت بواسطة badblood

انت عملت الصح لان الشارع مينفعش معه الاخلاق الا قلة تعد على اصابع اليد الواحدة

---

بالشكل دة سوف نصبح فى غابة وكلنا من منعدمى الاخلاق 00 ويا اخى لكل شخص ساعة يكون فى ضيق من امرة ، فأعتبر ان لدية عذر واختلق له العذر ولو فعلاً كلاً منا ذلك لانصلح الشارع والمجتمع بأسرة ، والامر ليس هدوء او غيرة ولكنه احترام متبادل وارجوا من الاخوة المنفعلين ان يتماسكوا فى انفعالاتهم ونحن على ابواب شهر كريم وعظيم 000 رمضان كريم يا اخوة

اقتباس:

---

المشاركة الأصلية كتبت بواسطة محمد المشد

بالشكل دة سوف نصبح فى غابة وكلنا من منعدمى الاخلاق 00 ويا اخى لكل شخص ساعة يكون فى ضيق من امرة ، فأعتبر ان لدية عذر واختلق له العذر ولو فعلاً كلاً منا ذلك لانصلح الشارع والمجتمع بأسرة ، والامر ليس هدوء او غيرة ولكنه احترام متبادل وارجوا من الاخوة المنفعلين ان يتماسكوا فى انفعالاتهم ونحن على ابواب شهر كريم وعظيم 000 رمضان كريم يا اخوة

---

و للأسف في رمضان الخناقات بتكتر و بتكبر عشان احنا أصلنا شعب أبو كيفه.. فالصائم من دول بيبقى مش طايق نفسه و لا طايق حد يكلمه عشان محروم يا عيني من السجاير و الشاي بقاله طول النهار.. مع ان المطلوب من الصائم حاجة تانية خالص غير الخناق :pinch:

انا حصل معايا موقف مشابه تمام كنت ماشى بالعربيه ورارء بوكس شرطه المهم البوكس و قف مره واحد انا كنت هالبس فيه بس الحمد لله فزمرت ليه لقيت واحد محترم كده قدى مرتين بيبصلى بقرف و بقولى فى ايييييييه قولتله فى حد يقف كده مره واحده انا كنت هاخبطك المهم قعد يرزع فى العربيه بتاعتى و يقولى انزلى المهم بفتح السباك قولتله عيب كده لقيته خبطنى فى راسى تخيلوا عملت ايه:Lighten::dupe:

قفلت الازاز تانى و رحت مطلع الموبيل مكلم واحد صحبى فى الشغل اساله اخبار الشغل ايه بما انى كنت فى اجازه و سيبته ينهق بره براحته لحد ماوصل الموضوع لشتيمه الاهل هنا اتحولت

رجيعت بالعربيه بتاعتى و جريت نحيته و خبطته خبطه بسيطه و قعته المهم انه كان معاه مراته و برضوا عمال يشتم و يقل ادبه و انا اقوله عيب معاك واحده ست لما لاقيته كده مابدهاش بقى اديته من النقى ياخيار و العبد لله قاموس متنقل بس فى حاله النرفزه الجامده و سيبته و مشيت لما روحت نفسى صعبت عليا اوى علشان الخبطه اللى ادهالى و الشتيمه الزباله اللى زيه و كمان انا امى متوفيه يعنى جيه على الجرح قولت مابدهاش نزلت و رحت ماكن الخناقه و سالت عليه قالولى المذكور كان بسال على عنوان محل اكل ماكدبتش خبر و رحت زى الرزل كده المحل ده لقيته هناك بياكل ولا على باله هو و المدام بتاعه اللى شافته و هو بيتشتم فندهتله و بجد انا كنت عايز اضربه بس الناس فى المطعم حاشونى عنه بس قولتله كلمه واحد اذا كنت مستقوى بالسلطه اوى البوكس اللى انت راكبه ففى اللى اكبر منك با ابن التيييييت و شكرا

اقتباس:

---

المشاركة الأصلية كتبت بواسطة mo7amed_omara

انا عليت صوتى على الاخر و الله ازعل قوووى لو مسمعش :thinking::thinking:

---

if you are not sure if he did listen you can use **********... if you know what i mean

MMamdouh

اقتباس:

---

المشاركة الأصلية كتبت بواسطة OlaOsman

بس يا جماعة كده الشارع هايتحول لساحة لتبادل الشتائم و في الآخر جميع الأطراف خسرانة :pinch:

---

هو لسه حيتحول يا علا؟؟؟

هو كدة اساسا من زمان بس انتى مش واخدة بالك

MMamdouh

النهاردة الصبح و انا رايح الشغل و ماشى فى اتجاه مطلع اكتوبر اللى فى عبد المنعم رياض و مدى اشارة شمال و ماسك تانى حارة من الشمال لقيت اوتوبيس سياحى دخل من شمالى و بعدين حود يمين عشان يدخل على الفتحة اللى بتودى على هيلتون رمسيس

طبعا اضطريت اهدى تماما و اكسر يمين عشان افادى الحيوان دة و الا كان حياكل وش العربية... و كان مستحيل يسمع اى حاجة حقولهالة حتى لو بالكلاكس بس هو كان بيبص عليا فى مرايه الجنب فا اديتة اشارة بايدى (انتوا فاهمين طبعا) تعبيرا عن امتنانى للحركة اللى عملها

MMamdouh

اقتباس:

---

المشاركة الأصلية كتبت بواسطة MMamdouh

النهاردة الصبح و انا رايح الشغل و ماشى فى اتجاه مطلع اكتوبر اللى فى عبد المنعم رياض و مدى اشارة شمال و ماسك تانى حارة من الشمال لقيت اوتوبيس سياحى دخل من شمالى و بعدين حود يمين عشان يدخل على الفتحة اللى بتودى على هيلتون رمسيس

طبعا اضطريت اهدى تماما و اكسر يمين عشان افادى الحيوان دة و الا كان حياكل وش العربية... و كان مستحيل يسمع اى حاجة حقولهالة حتى لو بالكلاكس بس هو كان بيبص عليا فى مرايه الجنب فا اديتة اشارة بايدى (انتوا فاهمين طبعا) تعبيرا عن امتنانى للحركة اللى عملها

MMamdouh

---

تؤ تؤ تؤ.. كده عيب :pinch:

برغم كل شئ يظل هناك عيب و لا يليق.

مع كامل احترامي لمحمد ممدوح لا ينقص منه شئ :flowers:

كان كفايه كلاس توبيخ ماتعملش زييى اقرار المدخله بتاعتى ولك كل الشكر

تعرفوا ياجماعة ايه مشكلة الشتائم في الشارع و الحركات الغير لائقة بالإيدين و خلافه؟ انها مش بتإذي المقصود بالشتيمة او الحركة بس.. انما يا جماعة احنا في الشارع، يعني الأذى على عينك يا تاجر.. انا واحدة من الناس اللي لو سمعت شتايم بذيئة في الشارع يين اتنين سايقين عربياتهم.. بغض النظر مين اللي غلطان هاقول الاتنين دول زي بعض.. ده غير طبعا اني سمعي هايتأذي من الشتايم و هامتعض فعلا لو شفت حركات بذيئة.. يعني راعوا الناس اللي في الشارع معانا و لا تؤذوا أسماعنا و شعورنا بشتيمة او حركة من إياهم :pinch:

أنا فى رأيى ان الاحترام مع المحترمين
و المعاملة بالمثل مع من هم دون ذلك
و لو معملتش كده هحس كل مرة احتك بشخص من دول
انى اخدت على قفايا عشان هو قل أدبه عليا و أنا سيبته
وده احساس مقدرش أستحمله بصراحة
هى دى النقطة...فى رأيى المتواضع
.
.
.
و عشان كده يا استاذة علا يفضل انك تربيه تزنيق و تعطيل و كده
من غير شتيمة يعنى قدر المستطاع
بس احيانا مش بينغع:pinch:

بجد فى ناس فى الشارع بيخنقوا بجد من كام يوم مثلا سواق ميكروباص مش عارف اقول عليه ايه كسر عليا كان هادخل نى فى الرصيف بقولوا بتعمل كده ليه تخيلوا عمل ايه طلعليى رجليه من الشباك قال يعنى الواد بيعرف يسوق برجل واحد ده مو قف غير الموقف الاولانى بتاع الظابط و لسه


الموقف الثالث كنت رايح عين شكس و كان و رايا نص نقل المهم عايز يطلع من باى طريقه و الشارع مش مستحمل المهم فوته و هو بيقوت من جنبى خبطنى و دخلنى فى الرصيف ركنت و طلعت اجرى و راه تخيلوا قالى ايه قالى انت ايه اللى ممشيك جنبى


موقف رابع و احد خبط عربيت عمى تحت البيت مع ان الشارع يعدى مقطوره الراجل بيقولنا انتوا مش راكنين على الرصيف ليه و توسعولنا الشارع حرام عليكوا

بتاع النقل ده كان عايز تقفل عليه و توقفه و تنزل بالكوريك تجيبله البرابيز القدمانى كله:devil2:

غالبا ده اللى حصل و خصوصا انى تحت البيت و كل الناس بتجامل ههههههههه

مش عارف اقول ايه انتو اقولته كل حاجه

اقتباس:

---

المشاركة الأصلية كتبت بواسطة OlaOsman

بس يا جماعة كده الشارع هايتحول لساحة لتبادل الشتائم و في الآخر جميع الأطراف خسرانة :pinch:

---

هو اكيد حيتحول لو حد ابتدى هو عليا الاول بالشتائم :icon_bs:
وانا مثلا عمرى مبتدى كدة ابداا

أنا أكتشفت حاجة مهمة جدا
بالإضافة إن سواقين مصر مش بيعرفوا يسوقوا أساسا
معندهومش أخلاق
و أنا بتكلم على الأغلبية العظمى للآسف الشديد و يختلف معي من يختلف

و الموقف ده حصل معايا دشليون مرة
و أنا بلف أقف أبص على اللي جاي
بمجرد وقوفي حتى و لو لثانية أسمع سيفومنية كلاكسات ورايا من ال **** اللي بتسوق معايا في الطريق
مرة نزلت واحد بتاع ميكروباص صدعني بالكلاكس
نزلت من العربية و حصل الحوار التالي :

أنا العبد لله ... : أنت مش شايف إن الطريق زحمة و مفيش مساحة أدخل فيها
هو : أزنق نفسك يا بيه ......
ألعبد لله : يعني لما تيجي تريلا كبيرة ترزع العربية و أموت أنت هاتنفعني
هو : طيب لما أنت ما بتعرفش تسوق بتنزل تسوق ليه

و هو قال كدا و أستلمته 6 كيلومتر معرفش يطلع مني بعد ما نرفزني ............ المهم قلت أسيبه بقى يعدي
راح هو بدأ يزنق عليا و راح وقف و عايز يتخانق
عملت اللي فيه النصيب و خليته كان *** على روحه


و حصل بقى مواقف زي دي عايزة كتاب علشان أشرحها و إن دلت فتدل على عدم وجود أدني ذرات الأخلاق و الصبر أو النظام و للآسف الهمجية تسود عند هذا الشعب اللي عايز ***************************************
الله ياخدوهم و يريحنا
يارب أرحمنا يارب من البلد دي و اللي فيها
اللهم آمين ............ اللهم آمين ...............اللهم آمين


=========
تنبيه مشدد للعضو بمراعاة الآداب العامة وقواعد المنتدى في اختيار الفاظه
مشرف القسم

اقتباس:

---

المشاركة الأصلية كتبت بواسطة tutankhamoun

أنا أكتشفت حاجة مهمة جدا
بالإضافة إن سواقين مصر مش بيعرفوا يسوقوا أساسا
معندهومش أخلاق
و أنا بتكلم على الأغلبية العظمى للآسف الشديد و يختلف معي من يختلف

و الموقف ده حصل معايا دشليون مرة
و أنا بلف أقف أبص على اللي جاي
بمجرد وقوفي حتى و لو لثانية أسمع سيفومنية كلاكسات ورايا من ال **** اللي بتسوق معايا في الطريق
مرة نزلت واحد بتاع ميكروباص صدعني بالكلاكس
نزلت من العربية و حصل الحوار التالي :

أنا العبد لله ... : أنت مش شايف إن الطريق زحمة و مفيش مساحة أدخل فيها
هو : أزنق نفسك يا بيه ......
ألعبد لله : يعني لما تيجي تريلا كبيرة ترزع العربية و أموت أنت هاتنفعني
هو : طيب لما أنت ما بتعرفش تسوق بتنزل تسوق ليه

و هو قال كدا و أستلمته 6 كيلومتر معرفش يطلع مني بعد ما نرفزني ............ المهم قلت أسيبه بقى يعدي
راح هو بدأ يزنق عليا و راح وقف و عايز يتخانق
عملت اللي فيه النصيب و خليته كان *** على روحه


و حصل بقى مواقف زي دي عايزة كتاب علشان أشرحها و إن دلت فتدل على عدم وجود أدني ذرات الأخلاق و الصبر أو النظام و للآسف الهمجية تسود عند هذا الشعب اللي عايز ***************************************
الله ياخدوهم و يريحنا
يارب أرحمنا يارب من البلد دي و اللي فيها
اللهم آمين ............ اللهم آمين ...............اللهم آمين

---

:gun_smilie:
عاى رايك يا استاذ توت و تحيا جمهورية ج . ع . ع ههههههههه:toot:

انا شايف ان معظم الآراء مع معاملة الطرف الآخر بأسلوبه ,

انا معاكم ان فيه ناس ممكن تخرج الواحد عن شعوره و ممكن تخلينا نقول ألفاظ مش متعودين اننا نقولها ,
لكن ده مش لازم يكون القاعدة ,
بل على العكس القاعدة انك تحاول تتحكم في نفسك ,

ولذلك صدق رسول الله صلي الله عليه وسلم عندما اخبرنا :
" الشجاع ليس بالصرعه ولكن الشجاع من يملك نفسه وقت الغضب "
فكبت الغضب شجاعه وليس ضعفا ,

و لازم نلتمس الأعذار ,
يعني مثلاً لو واحد جاي من وراك و مسرع و عايز يعدي .. أو عمل حاجة انت شايفها غلط .. ما يمكن وراه حالة طارئة ,

لكن لو واحد غلط عن قصد و قل أدبة لازم ترد عليه بس بحدود ,
لازم نراعي اننا مسلمين و ميصحش ان الواحد يقول كلام مش تمام أو يعمل إشارات مش تمام ,

و ده رأي العلامة عبد العزيز بن باز رحمه الله وغفر له :
المشروع للمؤمن أن يحترم أخاه إذا اعتذر إليه ويقبل عذره إذا أمكن ذلك ويحسن به الظن حيث أمكن ذلك حرصاً على سلامة القلوب من البغضاء، ورغبة في جمع الكلمة والتعاون على الخير، وقد روي عن عمر رضي الله عنه أنه قال: (لا تظن بكلمة صدرت من أخيك شراً وأنت تجد لها في الخير محملاً).

انا كل يوم الصبح اول مركب العربيه اقول
بسم الله الرحمن الرحيم
و اتشاهد
و االله كل يوم بتشاهد قبل متحرك
و افضل ماشى فى الطريق هادى الاعصاب و مراتى جنبى مبسوطه و مرتاحه
و بمجرد ملاقه واحد بيكسر عليه او عدانى بغباء
اروح متحول و مزنق عليه و يبقى راجل لو عدى منى طول الطريق
و طبعا مراتى بتبقى هتجنن
و دايما الاتوبيسات لو عملت اى حركه نص كم بيبقى تسليتى المفضله طول الطريق
معرفش ازاى بتحول للشكل العنيف ده بس ده البيحصل كل يوم
و احيانا لما ابقى تعبان معنديش غير ام كلثوم و عبد الحليم غى العربيه باقفل الازاز و اديها ام كلثوم بصوت عالى و بامشى بمنتهى هدو الاعصاب

ya3ne wa7ed sawa2 takse yenzel yeshtem weyool ***** omak we ***** denak we yabn **** wetole , da kaman nezel we 3awez yedrabne we kman fta7 shantet 3arabet ma3rafsh kan 3awez ytala3 minha aked 7aga yetkhane2 beha, omt bsor3a mkawemo fe shantet 3arabet we afelha 3aleeh :)

الموقف ده تقريبا بيحصل لمعظم اللي بيسوقوا
بس اللي بيشتم غلطان فهل نصحح الغلط بغلط اكبر منه
ايوه اكبر منه كلمه منك على كلمه منه تحصل خناقة بدون داعي
عمر ما دينا قالنا نسب حد بسبب حاجة غلط بل بالعكس انت الوحيد اللي حيتحاسب على اللي بتقولوا
و سيدنا محمد (صلى الله عليه و سلم) لما كان حد بيأذيه او بيسبه كان بيرد عليه بالحسنى
و المفروض ان دي تبقى اخلاقنا
و اللي شتم ف الاصل غلطان من الدرجة الاولى و ربنا يسامحه

اقتباس:

---

المشاركة الأصلية كتبت بواسطة tutankhamoun

أنا أكتشفت حاجة مهمة جدا
بالإضافة إن سواقين مصر مش بيعرفوا يسوقوا أساسا
معندهومش أخلاق
و أنا بتكلم على الأغلبية العظمى للآسف الشديد و يختلف معي من يختلف

و الموقف ده حصل معايا دشليون مرة
و أنا بلف أقف أبص على اللي جاي
بمجرد وقوفي حتى و لو لثانية أسمع سيفومنية كلاكسات ورايا من ال **** اللي بتسوق معايا في الطريق
مرة نزلت واحد بتاع ميكروباص صدعني بالكلاكس
نزلت من العربية و حصل الحوار التالي :

أنا العبد لله ... : أنت مش شايف إن الطريق زحمة و مفيش مساحة أدخل فيها
هو : أزنق نفسك يا بيه ......
ألعبد لله : يعني لما تيجي تريلا كبيرة ترزع العربية و أموت أنت هاتنفعني
هو : طيب لما أنت ما بتعرفش تسوق بتنزل تسوق ليه

و هو قال كدا و أستلمته 6 كيلومتر معرفش يطلع مني بعد ما نرفزني ............ المهم قلت أسيبه بقى يعدي
راح هو بدأ يزنق عليا و راح وقف و عايز يتخانق
عملت اللي فيه النصيب و خليته كان *** على روحه


و حصل بقى مواقف زي دي عايزة كتاب علشان أشرحها و إن دلت فتدل على عدم وجود أدني ذرات الأخلاق و الصبر أو النظام و للآسف الهمجية تسود عند هذا الشعب اللي عايز ***************************************
الله ياخدوهم و يريحنا
يارب أرحمنا يارب من البلد دي و اللي فيها
اللهم آمين ............ اللهم آمين ...............اللهم آمين


=========
تنبيه مشدد للعضو بمراعاة الآداب العامة وقواعد المنتدى في اختيار الفاظه
مشرف القسم

---

آسف ..................................

اقتباس:

---

المشاركة الأصلية كتبت بواسطة SaLM!Na

الموقف ده تقريبا بيحصل لمعظم اللي بيسوقوا
بس اللي بيشتم غلطان فهل نصحح الغلط بغلط اكبر منه
ايوه اكبر منه كلمه منك على كلمه منه تحصل خناقة بدون داعي
عمر ما دينا قالنا نسب حد بسبب حاجة غلط بل بالعكس انت الوحيد اللي حيتحاسب على اللي بتقولوا
و سيدنا محمد (صلى الله عليه و سلم) لما كان حد بيأذيه او بيسبه كان بيرد عليه بالحسنى
و المفروض ان دي تبقى اخلاقنا
و اللي شتم ف الاصل غلطان من الدرجة الاولى و ربنا يسامحه

---

+ 1

رغم إنى أحيانا بتهور وأشتم أو أرد الشتيمه
إلا أن ذلك الفعل مش تمام خالص وأنا بزعل من نفسى بعدها ولو كنت أخطأت مع حد فى مكان ثابت برجع له وأعتذر له ( طب ليه )
ده ربنا بيقول
( والكاظمين الغيظ والعافين عن الناس والله يحب المحسنين )

صدق الله العظيم

انا كتير بشتم بالكلاكس و بإيدي ده لو موقف مستفز أوي أوي يعني .. إنما في الأحوال العادية بتجه لردود الأفعال المستفزة .. يعني مثلا لو واحد قاللي "ايييييه .. مش عارف تمشي !!!" اقوله "كفاية انت ماشي" .. أو واحد راكب فوق الكلاكس و بعد كدة جه جانبي و زاغرلي و بيبصلي كدة و بيجعجع شوية .. اقوم باصصله و فاتح الشباك .. و قافله تاني و ماشي .. و لو كنت فاتح الشباك و ده نادرا ما بيحدث و واحد جه يجعجع جنبي بروح معلي الكاسيت .. و لو واحد قليل الأدب فيه شومة حديد تحت رجلي هنزل اخبطه بيها و ارجع العربية .. السواقة هتخليني مجرم حرب !!!

مع إن و الله .. و الله يا جماعة انا في المواقف الحياتية التانية ده أخر حل ممكن الجأله .. بس انا جوة العربية ببقي بني أدم تاني عصبي جدا و بصراحة مرات ندمت علي كدة .. يعني مرة اديت لواحد وصلة شتيمة من غير ما أحس و أهلي كانوا معايا في العربية و قعدت فترة حاسس بالذنب و إن انا فقدت السيطرة علي نفسي .. و الله بجد الشتيمة طلعت مني من غير ما أحس لأنه كان بني أدم بهيم .

و هو ده اللي خلاني الجأ للبرود و إني اقلل الشتيمة أحسن ما يجيلي إنهيار عصبي أو شكلي يبقي مش كويس أدام أهلي و الناس اللي اعرفها ( إلا طبعا لو صحابي معايا يحلالي الشتيمة عالأقل مش هتضرب لوحدي )

انت بدات الحكاية صح الصح وبعدين ........ ضيعت الدنيا .... انسقت ورا انفعالك ورغم انك صح الا انك جاريته والاخطر انك بتتباها بالغلط .... الاقوى اللى يتصرف صح ويثبت عليه ومسمحش لاى مخلوق يشوهه باى تصرف ... المرة الجايه ان شاء الله تكون الاقوى .... متقلقش الفرصة هتيجى قريب