العربية دى ررررروعه وليها جاذبيه خاصه ياريت مهاب بيه اي معلومات عن اسعار الصيانه وقطع الغيار والابعاد وايه الفرق بنها وبين ال301 لانى ابتديت افكر فيها لما شوفتها فى المعرض امبارح دا اكتر عربية جذبتنى هناك انا شايف انها هتنتشر وهترجع ستروين للمنافسة
عرض للطباعة
العربية دى ررررروعه وليها جاذبيه خاصه ياريت مهاب بيه اي معلومات عن اسعار الصيانه وقطع الغيار والابعاد وايه الفرق بنها وبين ال301 لانى ابتديت افكر فيها لما شوفتها فى المعرض امبارح دا اكتر عربية جذبتنى هناك انا شايف انها هتنتشر وهترجع ستروين للمنافسة
قرأت بالامس في بوست أن سعرها يبدأ من 115 و لكني غير متأكد من صحة المعلومة
انا اتصلت بأستاذ جورج اسكندر ادمن فيسبوك ستروين-مصر .. قالي انك لو حجزت اثناء معرض اوتوماك هتستلم في ابريل؟!!...اما بالنسبة للاسعار قالي ان المانيوال 105 الف وبالنسبة للاوتوماتيك في فئتين ..الاولى ب 115 والثانية ب 125 ودي كاملة ...بس ملحقتش اعرف المواصفات كويس لان الدنيا كانت دوشة وهو اتكلم بسرعة جدا ..تقريبا كان في المعرض...بس امبارح لقيت على موقع ايجي سبيد اسعار تانية زيادة للعربية بالنسبة للفئة الاعلى الكاملة وكانت ب 129 الف ؟؟!!
العربية فعلا نازلة بـ 3 فئات
105 للمانيوال
115 و 125 للاوتوماتيك و فئة 125 فيها كل حاجة تقريبا و عربية ماشاء الله واسعة و شكلها جميل و تقفيلها نضيف جدا و تقفيل اسبانى
ان شاء الله هعمل تقرير كامل عنها بس ليا زيارة للمعرض تانى عشان اقدر اجيب كل المعلومات عنها و فعلا العربية ديه ان شاء الله هترجع ستروين للمنافسة خصوصا مع ارتفاع اسعار العربيات كلها بقى سعرها منافس جدا و اظن ان اللى شاف العربية و قارنها مثلا بنيسان صنى هيعرف الفرق الكبير اوى بين الاثنين
و برضه ان شاء الله مع زيارتى للمعرض هحاول اعرف منهم اسعار قطع الغيار بس عموما اسعار قطع غيار ستروين فى المتوسط يعنى مش نار اوى .. بس برضه هحاول اتأكد من الموضوع ده و اظن العربية هى نفس موتور السى فور القديمة بس مش متأكد خالص من المعلومة ديه عشان مفتيش بس لو كده هتبقى حاجة تحفة لأن السى فور تقريبا قطع غيارها كتيرة جدا سواء استعمال او جديدة برة التوكيل و مشتركة مع الـ 307 فى حاجات كتيرة جدا
يومين ثلاثة بالكتير ان شاء الله و يبقى عندكوا تقرير كامل متكامل عن العربية الرائعة ديه
موضوع الاستلام ده حاجة مش لطيفة اوى بصراحة بس للاسف 90% من العربيات بقت كده يعنى انا كنت فى المعرض من يومين كل عربية نسأل عليها لازم حجز 3 شهور على الاقل .. ربنا يكرم بقى و نعدى الفترة الحرجة ديه و كل الحاجات ترجع لطبيعتها
و الاستاذ جورج فى المعرض فعلا انا شفته هناك و ان شاء الله هحاول اعمل تقرير يشمل كل الاستفسارات
هى العربية شاكلها تحفة ولو بالسعر ده تبقى ملهاش حل :)
بس الخوف فعلا من قطع الغيار ...لأن لو ملهاش قطع غيار برة عز العرب يبقى عليه العوض :d
انا رايح المعرض النهاره ان شاء الله و في دماغي اساسا يا دي يا 301 بس الأثنين بالنسبه ليا بديلين للعربيه اللي وهماني سي3 بيكاسو , يا ريت يا جماعه بالله عليكم لو حد ليه اتصال قوي بالناس في عز العرب يعرفلي البيكاسو هيبقي سعرها كام انا هحاول اعرف و انا في المعرض بس مظنش انها معروضه السنه دي , بس لو مفيش نصيب في البيكاسو اليزيه و 301 هما اللي عليهم الأختيار ان شاء الله حاسسهم اشيك من الفلونس
مفيش عربية جديدة هيبقى ليها قطع غيار بره
حتى لو مشتركة مع ال c4 القديمة في حاجات
هيبقى فيه حاجات كتير مختلفة برده
فيه اهتمام واضح من عز العرب بتحسين الخدمة
هيتم افتتاح 4 فروع صيانة جديدة السنة دي
عموما أنا معرفش قبل كده التوكل كان إيه ظروفه
بس أنا بتعمل معاه من أكتر من سنة و نص و الحمد لله زي الفل
و معانا hossam برده اتعامل معاه في ds3
و مكنش فيه أي مشاكل و استلمها قبل المعاد كمان
citroen هي الشركة الوحيدة تقريبا اللي مرفعتش اسعارها
ال ds3 زادت ألف
ds4 الف
c4 زادت 4 الاف بس بقت تكييف dual zone
c3 picasso هي اللي بقت بـ 139 (معرفش فيه تغيير ولا لأ)
اللي راح المعرض ممكن يشوف الاسعار زادت إزاي
كله تقريبا مزود 10 أو 15 ألف
كفاية إن عز العرب لحد دلوقتي بيقولوا للعملاء إن المواتير التربو بتحتاج 95
مش زي بتوع peugeot
الحقيقة أنا لم أرى السى اليزيه أو 301 على الطبيعة، ولكن من الصور خاصة من الداخل أعتقد أن السيتروين أشيك و خاماتها أنظف بمراحل
صور سيتروين سي إليزي 2013 | Egy Speed
ممكن الفلوانس أوسع و أفخم من الداخل بس عمرى ما حبيت تصميمها الخارجى السخيف و طبعا دى مسألة أذواق :-)
الفلوينس فئة مختلفة يا جماعة عن السى اليزيه .. الفلوينس فئة الـ c4 و كمان الفلوينس اوسع عربية تقريبا فى الفئة بتاعتها
السى اليزيه اقل شوية بس بصراحة العربية نضيفة جدا كخامات او كموتور او تقفيل يعنى مش ناقصها حاجة و كفاية انها عربية اوروبى 100% مكونات و تقفيل .. ديه لوحدها حاجة تخلى تمنها فيها
انا شوفت العربية فى المعرض انهارده العربية الوحيدة الى شدتنى فعلا رغم العربيات الاكثر من رائعه و الى تعقد الواحد فى عيشته
و قابلت الاستاذ جورج اسكندر و راجل قمه فى الذوق و الاخلاق و خنقته من كتر الاسئله و امشى و افتكر حاجات و ارجع اسئله تانى اكتر من مره لاكتر من ساعه تقريبا
و الى طلعت بيه ان
العربية نازله 3 فئات اتنين زى بعض كومفورت ( مانيوال / اوتو ) و فئة اكسكلوسف اوتو
اسعارها 105 و 115 و 125 بالترتيب و الكلام ده خلال فتره المعرض و لسه مش عارفين هتزيد بعد المعرض ولا لا بس الاستاذ جورج قالى انها مش هتزيد دلوقتى على طول
مواصفات الفئة الكومفورت
ايرباج للسائق - التحكم فى ارتفاع كرسى قياده السائق - tungstene trim - مقابض داخلية كروم - مقاعد خلفية 2/3-1/3 - closed glove box - مصابيح ضباب امامية - ريموت كنترول - تكيف هواء بكر - radio with integrated screen ( 2 speakers) - abs - جنوط 15 بوصه حديد و معاها طاسات و استبن 15 - المرايات و المقابض الخارجية بلون السياره - 4 زجاج كهرباء - interior mistral birdy cloth
الفئة الاكسكلوسيف تزيد عن العادية
ايرباج للراكب الامامى - مسند يد - جرابات خلف المقاعد الامامية - عجلة قياده من الجلد - تكيف اوتوماتيك - جنوط 15 اسبور - بلوتوث - chrome look pack ( windows trim) - radio with deported screen + connecting box ( 4 speaker ) - sensor park - ولاعه سجائر
و العربية المعروضه هناك شوفت فيها زرار ال esp و سألت الاستاذ جورج قالى ان الفئات كلها فيها
abs - ebd - esp - eps و ان الماتور بتاعها هوه هوه بتاع السيتروين c4 مع زياده العزم و القدرة الحصانية
تقييم عام للعربية
العربية بجد واسعه جدا جدا و قاعد فيها مستريح جدا ( الكروز مكانتش مريحانى زيها ) انا من اصحاب الوزن الثقيل يعنى طول بعرض بارتفاع و كنت قاعد فى العربية و مرجع الكرسى على الاخر و فى تقريبا حوالى 15 سم او اكتر ورايا - العربية على عكس النظره الخارجية بانها ضيقة الا انها اوسع من الار بى و الالنترا و شنطتها بحر بكل ما تحتويه الكلمة من معانى مش عارف جايبين المساحات الداخلية دى منين 506 ليتر
العربية الفئه الاعلى الخامات الداخليه عجبتنى اكتر من الفئة الى قبلها خصوصا التابلوه على الرغم من انه بيلمع بس احسن من الفئة الى قبلها
تقفيل العربية حلو جدا و تقفيل الماتور حلو برضه على الرغم من شكل الهيدر بتاع الشكمان معجبنيش حاسه مش بتاع عربيه جديده شكله مصدى و قديم و سألت المبيعات قالى عشان ده حديد زهر مصدقتش بس بلعتها عادى
العربية دى لو استمرت بالسعر ده و بالمواصفات دى و خصوصا abs - ebd - esp - eps هتاكل عربيات كتير جدا فى السوق و خصوصا الاوبترا الى بقت ب 112 و الار بى و الالنترا مسألتش على سعرها عشان متعصبش على حد من الى فى هيونداى - الريو و السيراتو الى بقت ب 186 الف :) يعنى بتمن ال ds4 ان مكانش اكتر :) و اللينا الجميله و البونتو العظيمه الى رفعوا سعرهم جامد جدا واحده بماتور 1600 للاوتو و 1400 للمانيوال و التانية 1400 و 77 حصان على ايه الله اعلم و ده كان رأى اكتر من 2:3 من الى ركبوا العربية هناك لانى قعدت عند العربية دى حوالى ساعه و نص او ساعتين و لفيت المعرض كله و رجعت لها تانى عشان اكمل استطلاعاتى عليها و الخوف كله كان من توكيلها و صياناتها و قطع غيارها و اعاده البيع