جبسمبورد احسن ولا شغل الجبس

**amrelsha3er** · 20-01-2013 04:42 PM

بشطب فى شقتى ياجماعه انا كنت مشطب برضو قبل كده شقه بتاعتنا وعاملين فيها بيت النور بس جبس عادى اللى هو فوررم والرجل بيعملها بحاجه كده زى خيط او شعر
وفى واحد صحبى عامل جبسمبورد بيقولى انه احسن خاصه فى الصيانات اسهل
ياترى اسعار المتر كم دلوقتى بالنسبه لده ولده وانهى احسن فعلا وتنصحونى باايه فى موضوع السقف ده عشان اعمل بيت نور
الف شكر لاحلى اعضاء

**beshomilan** · 21-01-2013 12:54 AM

الجيبسونبورد حلو لو هتحفر للاسبوطات
افضل من الجبس اللى لو جيت تحفر فيه هتبهدل الدنيا

**aldesha989** · 21-01-2013 01:59 AM

الجبس بورد انضف بكتير وشغله سهل وسريع وتركيب كهرباء فيه سهل مش صعب

احنا عاملين شغل جامد فيه ولو عايز الصانيعى اللى ركبه قولى وانا ابعتلك رقمه هو من كفر الزيات بس شخص محترم جدآ وشغله ما شاء الله لا يعلى عليه ومش مغالى بالعكس ابن حلال

هو كان بيشطب فى اسكندريه هنا وكان بيشطب فى نادى سموحه فى ملعب التنس

والله اكبر عليه وكمان على اد ايدك مش هيعملك الا اللى انتا عايزه وعنده كل شغله مصوره على الموبايل بتاعه بحيث انه يفرجك على الشغل قبل ما ينفذه

لو عايز رقمه قولى وانا ابعتهولك وتقوله من طرف استاذ هشام اللى شطبتله شقه اسكندريه وهو هيعمل معاك واجب

هشام ده جوز اختى وانا اللى كنت قاعد مع محمد الصنايعى ده لما كان بيشطب الشقه وما شاء الله شخص محترم جدآ