حد يعرف استخراج بوليصة التأمين بتأخد وقت كام؟
وهل لو استلمت لازم اعلق نمر جارى لحد لما ارخص؟
عرض للطباعة
حد يعرف استخراج بوليصة التأمين بتأخد وقت كام؟
وهل لو استلمت لازم اعلق نمر جارى لحد لما ارخص؟
يستحسن تامن قبل العربية ما تخرج من المعرض ... مندوب شركة التامين بيروح مخزن التوكيل او المعرض يعاين و تستلم البوليصة فى نفس االيوم او على اﻻقل هتبقى متغطى بعد المعاينة و بعد ما ترخص بيتعمل ملحق للبوليصة برقم العربية و بيانات الرخصة اهم حاجة تكون مسدد البوليصة و معاك جواب من شركة التامين مكتوب فيه البوليصة مسددة بالكامل و سارية المفعول علشان لو منتج التامين اتاخر فى توريد الفلوس لخزنة الشركة بتبقى البوليصة مش سارية
اللي أعرفه أن شركة التأمين بترفض التأمين لو العربية مش عليها نمر ..... لأن نمر العربية و رقم الرخصة هما الأثبات على التأمين .
الأجراءات اللي أنا عملتها :
أول ما أتشريت العربية .... (كانت لسة مش مرخصة ) رحت الشركة (مصر للتأمين ) قالولي رخص الأول و أتصل بينا نبعتلك المندوب يصورها و يعاين .
تم الترخيص
أتصلت بالمندوب
أتفقنا على مكان قريب مني و منه لأنه مقدرش يستناني عند الشركة .
صور العربية من الأربع جهات .
و بص على الموتور و صوره .
و بعدين قالي كله تمام .......
أتصل بي مندوب التأمين و قالي تعالى نخلص الوثيقة
و روحت الشركة تاني يوم دفعت الفلوس ......... و أخدت الوثيقة بعدها بكام يوم لأن الوثيقة لازم يتم اصدارها من الفرع الرئيسي (شغل حكومة ) (و لكن في التجديد السنوي بتأخدها من نفس الفرع في نفس اليوم )
بس أعتقد لو شركة خاصة تأخد الوثيقة في نفس الوقت .
الموضوع مش طويل ..... أخرك يومين و هما كمان اللي بيجولك مش اللي أنت اللي بتروح
أنت بتروح بس علشان تستلم الوثيقة و تتفق عليها بس .
صباح الخير يا استاذ توت
انا دايما لما باشترى عربية على الزيرو بامن عليها قبل ما تخرج من المعرض و الموضوع ده عملته فى حوالى 5 عربيات قبل كده و مع شركات تامين مختلفة فى 3 دول بما فيها مصر
اﻻثبات فى الوثيقة بيكون رقم الشاسيه و الموتور و بعد الترخيص بيطلع ملحق للوثيقة برقم النمر و بيانات الرخصة بعد ما حضرتك تبعت صورة من رخصة العربية لشركة التامين......الخﻻصة : انا مش بتحرك بالعربية من المعرض غير و الوثيقة معايا .
انا الحمد لله استلمت العربية ودفعت فلوس التأمين فى المعرض بس ماخدتش الوثيقة وبتوع شركة التامين كلمونى وطلبو منى صورة رخصة العربية وهبعتهالهم والمفروض انى هستلم منهم الوثيقة بس ازاى لسة متفقناش ومحدش كلمنى فى معاينة يمكن عاينوها فى المعرض قبل الترخيص