العفو يا باشا على ايه
كلنا هنا لنخدم بعض
---
المهم
انا اللى معايا هو كيندل 4 ( مش تاتش ) زى اللى فى صورة الفيديو بالاعلى
مش عارف paper white مكانش موجود ساعتها و انا من ساعة ما اشتريته بطلت اتابع حواراته
النوك جميل و انحف و كمان فى ميزة انك ممكن تزود الميمورى بس انا جبت الكيندل لانه كان الوحيد المتاح لى انى اعرف اوصله داخل مصر
انا كنت جايبه من صفحه كيندل ايجيبت . هو اغلى طبعا من سعره على امازون لان الراجل بيحط مكسبه و خلافه
دورت عليه فى دبى لما كنت هناك لم اجده و سألت عليه فى السعوديه برضه و لا الدموع
كل الناس رايحه ناحية التابلت و لما يسمع انه ابيض و اسود يقولك ايه القرف ده الواحد بيتقدم مش بيتأخر
دا التفكير العربى الذى واجهته
تعالى بقى اتكلم مع واحد اجنبى عليه هايقولك اشعار من هنا لبكره و كف انه اصبح يحمل مكتبته كلها معه و يقرأ فى اى مكان
المشكلع كما ذكرت هى فورمات الكتب , لو هاتعرف تظبط كتب الـ pdf لتقسم الصفحه على 2 مثلا و تكبرها هاتستمع به جدا
لو انت جامد فى اللغات هتاقى كتب بالعبيط بصيغة mobi و دى القراءه بها جميله جدا لان الجهاز بيشوفها كحروف و ليس صوره
و كان كمان الفيرجن التاتش ساعتها ممككن تخليه يقرأ لك الكتاب وصوتيا لو بتلك الصيغه
-----------
اما عن استعمالى فانا استعملته فتره و بعد كده انشغلت و بعدين كسلت و مشاغل الدنيا و العيال و النت و النتيت خلت الواحد القراءه عنده ضعيفه شويه
انا كنت زمان من الممكن اقرأ من الصبح الى قرب المغرب و اكمل تانى شويه قبل ما انام
و تحت امرك فى اى استفسار اخر