زيت على البوجيه الرابع بس ياترى ايه السبب ايه ارجو من الجميع المشاركه

**lovernan** · 26-07-2008 11:36 PM

غيرت من فتره كاوتش الصبابات فى العربيه
هى هوندا اكورد 84 علشان نشوف مشكله نقص الزيت
وظهرت من يومين عندى البوجيه رقم 4 جايب زيت والعربيه مش مظبوطه كل ما افكه وانظفه واركبه تانى يحصل كده
وبعدين جبت كرسى وبوجيه سن قصير ودارت العربيه والحمد لله

السؤال بقى اشمعنى البوجيه ده حصل معاه كده
ياترى المشكله نفسها فى كاوتش الصباب مثلا ولا ده فعلا كده محتاج طقم شمبر وهاقدراستخدم البوجيه السن قصير لحد امتى بالشكل ده من غير ما احتاج لعمل طقم شمبر

ارجو من الجميع المشاركه

**mahersniper2000** · 13-08-2008 02:55 AM

بص يا باشا شوف جوان غطاء التاكيهات 90 % منة

**engahmed** · 14-08-2008 05:55 AM

السلام عليكم ورحمه الله وبركاته
المشكله دى بسيطه جده غير الجايدات وانت ممكن تمشى على البوجيه السن مفيش مشكله نهائى لان نقص الزيت مش كتير بس كل فترة هتغير البوجيه او تحرقه وسنفرة ناعمه تظبطه تانى
اما عن طقم الشنبر ده لو ان المشكله مش جايدات واجله لما يبقى ضرورى جداااا

**ahmed1981** · 14-08-2008 10:51 PM

المشاركة الأصلية كتبت بواسطة lovernan

وبعدين جبت كرسى وبوجيه سن قصير ودارت العربيه والحمد لله

ما فعلته هو أفضل حل لمشكلتك

المشاركة الأصلية كتبت بواسطة lovernan

السؤال بقى اشمعنى البوجيه ده حصل معاه كده
ياترى المشكله نفسها فى كاوتش الصباب مثلا ولا ده فعلا كده محتاج طقم شمبر

أكيد الشنبر بتاع الإسطوانة اللي فيها هذا البوجيه إنكسر أو خلوصاته إتسعت بشدة
والمشكلة في الشنابر وبعيدة عن كوتش الصباب

المشاركة الأصلية كتبت بواسطة lovernan

وهاقدراستخدم البوجيه السن قصير لحد امتى بالشكل ده من غير ما احتاج لعمل طقم شمبر

لغاية لما نسبة الزيت التي تتهرب تزيد لدرجة أنها تدخل على كرسي البوجيه وتلوث الشمعة بالزيت
عند هذه المرحلة ممكن تستخدم زيت الشنبر
ولو لم ينفع زيت الشنبر يتبقى لك أن تقوم بعمل طقم شنبر

**thegreatnileman** · 16-08-2008 06:28 PM

انت كده محتاج طاقم شمبر والحق اعمله دلوقتى مش حيكلفك كتير قبل ما تطلب عمره كامله لان الشمبر المكسور او اللى مفوت بيجر وراه باقى الشنابر ثم البساتم وبعدين فاضل ايه وبعدين انت لسه فى الاول

الحق ومتضيعش وقت