استهلاك البنزين مرتفع ونقص ملحوظ في مياة التبريد

**mido_more** · 20-01-2013 10:20 PM

السلام عليكم ..يا جماعه انا عندى استهلاك بنزين رهيب فى العربيه...ابيزا 98 مكنه جولف 2 1800 ..الاول كان الشكمان بيطلع دخنه سوده ..ظبطهالى الميكانيكى قلت جدا ..بس لقتنى بستهلك 20 لتر فى ال100 كيلو..ثانيا موضوع المياه..انا كنت خارط وش السلندر ومركب جوانينن ..بردو فى ال100 كيلو دول القربه نقصت لترين ميه...ومش شايف اى تسريب فى الخراطيم والميه مبتنقصش الا والعربيه تكون عملت مشوار...ثالثا انا عندى صوت فى الكوبلن لما بكسر يمين جامد..ياترى اشترى واحد ولا اتنين ونوعهم ايه ,,مع العلم ان اقرب مكان ليا بورسعيد......

**hossamalsadik** · 20-01-2013 11:17 PM

المشاركة الأصلية كتبت بواسطة mido_more

السلام عليكم ..يا جماعه انا عندى استهلاك بنزين رهيب فى العربيه...ابيزا 98 مكنه جولف 2 1800 ..الاول كان الشكمان بيطلع دخنه سوده ..ظبطهالى الميكانيكى قلت جدا ..بس لقتنى بستهلك 20 لتر فى ال100 كيلو..ثانيا موضوع المياه..انا كنت خارط وش السلندر ومركب جوانينن ..بردو فى ال100 كيلو دول القربه نقصت لترين ميه...ومش شايف اى تسريب فى الخراطيم والميه مبتنقصش الا والعربيه تكون عملت مشوار...ثالثا انا عندى صوت فى الكوبلن لما بكسر يمين جامد..ياترى اشترى واحد ولا اتنين ونوعهم ايه ,,مع العلم ان اقرب مكان ليا بورسعيد......

الأستهلاك بالطبيعى 200ك.م فى الصفيحه او من 180 الى 160ك.م داخل بالبلد
اضبط الموتور وغير البوجيهات ونظف البوابة والرشاشات
- شيك على الرشاشات ممكن الرشاشات تكون مسيله
- أظبط حساس الشكمان او حساس الاكسجين
- تاكد من ظبط سير الكاتينه يجب ان يكون السهم على السهم
- تأكد من أن حساس الميه شغال

الكبالن من رأى تجيب كبلن كامل داخلى وخارجى كامل ولو للجهتين يكون افضل ما امكنش يبقى واحد ( داخلى وخارجى ) يعنى شيل وحط بدون دق وكدا

والله أعلم

**ehab_mansour** · 21-01-2013 10:51 AM

رأيي من رأي استاذ حسام لو هتعمل صيانة في موتور متسقط صح و مش معكوك

لكن لي رأي أخر : اتمني انك تتأكد ان الموتور متسقط صح و كنتروله و ضفيرته و حساساته مضبوطه و لو اتحط علي جهاز فحص لا يعطي اخطاء في الحساسات ده اولا
ثانيا موضوع الخرط و تركيب جوانين و الحورارات دي تقلق و ليها سبب كبير في الاستهلاك العالي و في نقص المياة

توقعي انك هتلاقي التسقيط مش مضبوط و الضفيره مش مضبوطة + مشكلة وش السلندر و نقص المياه = موتور بالشكل اللي بتحكي فيه (دخنه سوده - استهلاك خرافي - نقص مياه )

الحل انك يا تشوف حد يفكلك وش السلندر و يتظبط صح و دي لا اعتقد انك هتلاقي ميكانيكي ولا خراط يعرف يطلع شغل مضبوط في المكن ده + ميكانيكي محترف متخصص فولكس يبصلك علي تسقيط الموتور و الضفيره و يراجع عليها و وقتها هتلاقي موتورك اتظبط و تعمله صياناته العاديه لو لاحظت جديد

او تفكك من وجع القلب ده و تسقط موتور أخر بمشتملاته صح عند محترف و متخصص و ده أعتقد انه افضل حل لك و اسهل الطرق عشان تعرف تركب العربية دي

أتمني لو توقعاتي غلط قلي و اتمني انها متوصلش لكده لكن من خلال التجارب مع كثييييييييير من الاعضاء و الاصدقاء شايف انه ده الحل الاسهل بدلا من تضييع الوقت و الجهد و المصاريف في شيء اساسه غلط

بخصوص الكبالن اشتري طقم كامل (داخلي و خارجي بالأكسات الواصلة بينهم) للجنبين استيراد و مش هيتعدو ال 300 جنيه و هتبقي ريحت دماغك تماما

**SYD** · 22-01-2013 12:35 AM

اعتقد المشكلة لن تخرج عن حساس الشكمان او لمبادا سنسور او حساس الأكسجين او بيسموه حساس o2
كلها مسميات لنفس الحاجة ودة هتلاقيه علي فرن الشكمان - اعتقد عندك الفرن في ظهر المكنة مش في وشها زي معظم تصميم فولكس
علي العموم اعمل زي مهندس ايهاب ما قالك - حطها علي الكمبيوتر وشوف الدنيا فيها ايه - بس انت عايز حد متخصص فولكس لأن المكنة دي اعتقد مالهاش فيشة زي الأبيزا 98

وربنا يوفقك

والله المستعان
،
،