تحذير هـــام بخصوص كاوتشجي في شارع السودان!

السلام عليكم,

لو طالع المحور من شارع السودان و حد قالك الكاوتش علي الأرض فكك منه ده نصاب, لأن بعد ما هيقولك الكلمتين دول سبحان الله هتلاقي بتاع الكاوتش علي بعد كام متر قبل مطلع المحور علي طول و عبال ما تركن و تقف هيكون هو خرملك الكاوتشة كذا خرم و يقعد يشتغلك و يقولك ازاي ماشي بيها كده! أنا خدتلي 3 اخرام النهارده في كاوتشة جديدة و لا كانت نايمة حتي, و كان بيقوللي أفك أصلح و بتاع عشان ياخد راحته بقي بس أنا قلتلوا سيبها زي ما هي و رحت بتاع الكاوتش في زايد لقيتوا بيقولي ده نصاب و بيخرم الكاوتش للناس و قبل كده جاتلي واحدة من عنده معاها مرسيدس زيرو ومديها 13 خرم!

خدوا بالكم!

متيجي نطلع عليه بربطة المعلم نعمل معاه الصح ؟ :d

حصل معايا نفس الموقف فى بنزينة مصر للبترول أول عباس العقاد

شكرا على التحذير

اقتباس:

---

المشاركة الأصلية كتبت بواسطة youssef_u

متيجي نطلع عليه بربطة المعلم نعمل معاه الصح ؟ :d

---

يا ريت و الله, انت مش متخيل أنا محروق دمي ازاي. :grrrr:

اقتباس:

---

المشاركة الأصلية كتبت بواسطة محمد يوسف

حصل معايا نفس الموقف فى بنزينة مصر للبترول أول عباس العقاد

---

تمام, كده يبقي الواحد يتأكد بنفسه قبل ما يسمع كلام حد.

اقتباس:

---

المشاركة الأصلية كتبت بواسطة Sehsss

شكرا على التحذير

---

العفو ده واجبي.

أنا الصراحة من إللي شفته من ولاد التيت دول إتعلمت ومبقيتش بروح إلى لواحد ثقة عارفة
حتى لو الكوتشة ريحت مني وأنا مسافر مثلا بفضل أزودها هوا كل شوية أو أغيرها.........لحد أما أروح لواحد مضمون
ونصيحة ياجماعة إبعدوا نهائيا عن بتوع الكوتش إللي على طرق السفر وبرضو إللي بيبقوا في أي محطة بنزين
وموقفك حصل معايا بالضبط وقالي نايمة وأنا طالع المحور بس طنشته وكملت لإني سمعت كلمة الكوتشة مريحة دي كتير وخصوصا في البنزينات المعفنة زي مصر والتعاون وطبعا كله فشنك
مرة برضه واحد ملعون في بنزية التعاون صلاح سالم خرامهالي 7 أخرام ياريت يرجع بي الزمن وأمسك إيده وأبص في كف أيده وأقفش المسمار إللي مثبته فيها وأخزق بيه عينه بس مكنتش أعرف ساعتها

تنبيه بمراعاة اداب الحوار

شكرا على التحذير
ههههههههه

الاثنين 10 ربيع الأول 1434

للدرجادى النصب !!
لا حول ولا قوة إلا بالله

وشكراً للتنبيه ياباشا

حسبى الله ونعم الوكيل والله ناس مفتريه ومعفنه

بصراحه الحمد لله بتعامل مع واحد ابن حلال روحتله العجلتين كانو مريحين ولا خرم ولا اى حاجه
واحده كانت ابره البلف والتانيه كان مسمار ولا خرم ولا لبسنى فى حيط ولا اى حاجه

وربنا يخلصنا من النصابين اللى بيأكلو حرام على قفاانا

اللهم اصلح حالنا وحال المسلمين اجمعين

جزاك الله خيرا
يا محمود باشا ..

اقتباس:

---

المشاركة الأصلية كتبت بواسطة youssef_u

متيجي نطلع عليه بربطة المعلم نعمل معاه الصح ؟ :d

---

ياريت بجد عشان دى مش اول مرة اشوف حد بيشتكى منه

سبحان الله النهاردة راكب مع زميلي في عربيته
وفي نفس المكان واد بيقوله الكاوتش مريح
لس بيقولي يا ريت نلاقي بتاع كاوتش
وبعدها بكام متر لاقينا بتاع الكواتش
لسه هيركن قولتلة اطلع دول نصابين