عرض للطباعة
السلام عليكم
الحمد لله الذى لا يحمد علي مكروه سواه انقطع مني سير الكاتينة لتاني مرة يوم الخميس الي فات
طبعا العربية جابت صبابات وحلينا راس السلندر واتعمل فيه شغل والحمد لله عدت علي خيرظ
المهم
ايه سبب قطع السير لتاني مرة مع العلم انه متغير من 11 الف كيلو
الي كان راكب اسمه power grip
وركبت نوع تاني اسه fepi
مكتوب علي الاتنين الماني والله اعلم اذا كانو الماني فعلا ولا لا
الواحد يعمل ايه عشان نتجنب الي بيحصل ده وياريت لو حد يفيدنا سعره في التوكيل بتركيبه كم
لان ناقص اغير سير الكتينة مع غيار الزيت
قطع سير الكاتينه بعد ١١ الف كيلو حاجه غريبه جداا .. طيب اللى قبله اتقطع بعد كام كيلو ؟؟
حاول تكشف على العربيه ممكن يكون عندك بليه خشنه ولا حاجه ... وحاول اما تيجى تغير هات سير جيتس انجليزى
هو ده انضف نوع والكل بينصح بيه
تحياتى
الأول قدر الله و ما شاء فعل
بس ده عيب صنايعى
العمليه مش تغيير و خلاص
السير الجيتس الأولانى لو اصلى مش اللى مكتوب عليه كورى
و الأصلى انجليزى فى علبة احمر فى اسود
يبقى حرام
و الفيبى اصلاً زباله
هو
و الكونتينتال اللى فى علبة صفرا
بس
مش لدرجة انه يقطع بالسرعه دى
ايه اللى قطعه
ده السؤال الأهم
طرمبة المية اخبارها ايه
ترس الكامه اخباره ايه
بلى الكاتينه اخبارة ايه
فيه اى احتكاك بيحصل جوه علبة الكاتينه
دور على الأسئله دى الأول
قبل ما تغير السير
و لو عايز سيور نضيفه
يبقى
الجيتس الانجليزى او اللى مكتوب عليه eu
البوش
الجى ام الأصلى من التوكيل
الليمفورد
غير كده
لأ
فيه نقطة ناس كتيير بيغفلوا عنها و ممكن تقطع السير حتي لو ممشيش 5 الاف ك و هي تاريخ انتاج السير لازم تعرف ان صلاحية سير الكاتينة بدون استخدام المفروض 3 سنين تقريبا يعني يوم ما تجيب سير يكون انتاج نفس السنة زي ما بنشتري الكاوتش اجدد انتاج لأن الكاوتش له صلاحية 5-6 سنين بدون استخدام بعد كده بتبقي ماشي انت و نصيبك
و الافضل تغيير السير بشكل دوري كل 20-30 الف بالكتيير حتي لو تاريخ انتاجه نفس السنة لأن السيور مش زي الفبريكة اللي هو اصلا بيتغير ع 40-45 الف و احيانا قبل كده
و طبعا فيه نقطة تانية برده بيغفل عنها الكثير و هو بلية الكاتينة لو بلية الكاتينة او بلية الشداد يعني خشنة بتقفش و تقطع السير و بالتالي يجب تغير بلية الكاتينة مع كل تغيير لسير الكاتينة
و الاهم من كل ده الصنايعي يركب صح بس مقدرش اقول انها عيب صنايعي لأن السير وصل معاك لـ11 الف لو راكب غلط مكنش كمل اللرقم ده لذلك انا اميل ان السبب قد يكون نوعية مضروبة او تاريخ انتاج قديم او بلية كاتينة
انا واخدها قاعدة. اي سيور او جوانات او خراطيم بجيبها من التوكيل مباشرة
انا بغير سير الكاتينة والدينامو في مقار الدقي وبيقعد ما شاء الله لغاية 60 الف لغاية ما اقولهم غيروه
هم بيركبولي الجيتس احيانا بيكون انجليزي واحيانا بلجيكي اللي هو حاليا صناعة اوروبية
السير اخر مرة ركبته كان ب 90 ومصنعية 90 يعني اجمالي 180 جنيه وهو هتجيب البلية ب 340 جنيه وبتغير عليها سيرين انا كاتب الاسعار بالظبط في موضوع قطع الغيال اللي متثبت.
بالتوفيق ان شاء الله
شكرا لكل الناس الي تجاوبت معايا وردت علي
انا كنت مغير البلية مع السير اخر مرة وهي كويسة ولفيتها بنفسي
والمرة الي قبلها كنت لسه شاري العربية ومعرفش تاريخه وان كان البايع قالي انه لسه مغيره
وبعدين الواحد للاسف مربوط بتجار قطع الغيار الي حواليه لان انا من الاسماعليه وهم اتنين او تلاتة الي بيشتغلوا في حاجة الاوبل ومفيش فرصة وقت الزنقه اني انزل القاهرة وبرده لو نزلت مش ها اعرف اجيب الاصلي منين
الحمد لله ربنا ستر وان شاء الله ابقي اغيره في التوكيل او عند مقار لو حضراتكم بتنصحوا بيه