فن الرد........يا رب نفهم

السلام عليكم

حقيقة و رغم قلة مشاركاتي فى المنتدى الإجتماعي و أحوال الشارع المصري إلا أن قسم الأحوال مؤخراً أصبح فى حالة يرثى لها و لا تكاد تري موضوع إلا و يكون فيه عضو على الأقل موقوف.

قد نختلف أو نتفق و لكن لا يجب أن ننسى أننا نقف جميعاً على أرض مصر....مؤيدين و معارضين.....مسيحين و مسلمين.

المواقف الأتية هى ما تمسى بفن الرد


: الكاتب الشهير : برناردشو
حين قآل له كاتب مغرور ؛
- أنا أفضل منك، فإنك تكتب بحثا عن المال !
وانا اكتب بحثاً عن الشرف .. !
ف قال له برناردشو على الفور :
- صدقت !! كل منا يبحث عما ينقصه !

: الاعرابي الأعمى المعروف :
بشار بن برد
حين قال له رجل ثقيل الدم :
ماأعمى اللّه رجلا إلا عوضه ، فبماذا عوضك أنت ؟
فرد بشار: عوضني بأن لاأرى امثالك !

: تزوج اعمى امرأة ..
فقالت :
لو رأيت بياضي وحسني لعجبت !!
فقال :
لو كنت كما تقولين !!
لمآ ترككِ المبصرون لي

أراد رجل احراج المتنبي ..
فقال لـه : رأيتك من بعيد فـ ظننتك إمـرأه !!
فقال المتنبي : وأنا رأيتك من بعيد فظننتك رجل !!

وامرأة قبيحة جدا قالت لرجل :
لو كنت زوجي سوف إسكب في قهوتك سم
فقال : لو كنتي زوجتي فلا أتردد لحظةة واحدة في شربها


يا ريت نتعلم منها إزاي نرد بدون غلط

حتلاقي في عصرنا من يستخدمون هذا الاسلوب وحتلاقي اللي برضوا كان في عصر الناس دي بيرد بالسب والشتيمه الصريحة .
بس انا فى رأي الشخصي ان مهما كانت الالفاظ والكلمات المستخدمة فهي فى كلتا الحالتين غلط ( مع اني بستخدم الطريقتين )
للاسف فى مصر الضغط النفسي والعصبي من المشاكل اليومية لا يعطي فرصة للتفكير والهدوء فى الحوار فتجد اعصاب الجميع تفقد عند اول اختلاف بينهما .

وكمان ده خللى ناس كتير متدخلش المنتدى
واحيانا ناس تشوف حد بيسأل ومحتاج مساعده وبايديها تساعده الا انها تستخسر الرد فى المنتدى وتكتفى بالفرجه لاحساسها بالظلم سابقا من ايقافات او اهانات فبتعوض ذلك فى ذاك نفسيا
فبتدخل تاخد اللى محتاجاه فقط ولا تساعد احدا لاحساسها ان المكان سبق وظلمها ومينفعش تتعب عشانه

انا هجرت القسم ده عشان اللى انت بتقوله بالظبط..... مع انى طول عمرى حريص انى مش بس مغلطش فى حد..... لكن كمان احاول على قدر الامكان احافظ على علاقة جيدة بمن اختلف معهم ...... لكن لما تلاقى اللى قدامك مش عارف يرد عليك ردود عقلانية محترمة فيزهقك بحدف الطوب..... ساعتها يبقى خلى الطوب لاهل الطوب

كلمات رائعة بصراحة ..

اقتباس:

---

المشاركة الأصلية كتبت بواسطة alexaway

حتلاقي في عصرنا من يستخدمون هذا الاسلوب وحتلاقي اللي برضوا كان في عصر الناس دي بيرد بالسب والشتيمه الصريحة .
بس انا فى رأي الشخصي ان مهما كانت الالفاظ والكلمات المستخدمة فهي فى كلتا الحالتين غلط ( مع اني بستخدم الطريقتين )
للاسف فى مصر الضغط النفسي والعصبي من المشاكل اليومية لا يعطي فرصة للتفكير والهدوء فى الحوار فتجد اعصاب الجميع تفقد عند اول اختلاف بينهما .

---

محدش قال يا باشا أن مفيش ناس كانت بتسب و تلعن ساعتها........أكيد كان فيه طبعاً

و دلوقتي برضه أكيد فيه اللى بيرد من غير شتيمة وسب و بياخد حقه بالثُلث كمان

بس للأسف الأغلبية بحس أنهم بيستسهلوا الشتيمة و الغلط مش عارف ليه.

اقتباس:

---

المشاركة الأصلية كتبت بواسطة beshomilan

وكمان ده خللى ناس كتير متدخلش المنتدى
واحيانا ناس تشوف حد بيسأل ومحتاج مساعده وبايديها تساعده الا انها تستخسر الرد فى المنتدى وتكتفى بالفرجه لاحساسها بالظلم سابقا من ايقافات او اهانات فبتعوض ذلك فى ذاك نفسيا
فبتدخل تاخد اللى محتاجاه فقط ولا تساعد احدا لاحساسها ان المكان سبق وظلمها ومينفعش تتعب عشانه

---

مينفعش يا باشا أسيب المكان اللى بحبه علشان شخص ولا أتنين ولا عشرة مش عاجبني طريقة ردهم...........المنتدى ده فى الأصل منتدى سيارات مش إجتماعي ولا سياسي.

لما أنا أكون أستفدت من المنتدى و ألاقي حد بيسأل على حاجة أنا عارفها و مردش عليه يبقى أنا كده غلطان فى حق المنتدى اللى ياما إستفادنا منه.

و لو حصل و حد غلط فيك قدم فيه تقرير مشاركة لو متمش الإستجابة ليها إعمل شكوى........بس متسيبش المنتدى و تكتفي بالمشاهدة بس.

اقتباس:

---

المشاركة الأصلية كتبت بواسطة mahora

انا هجرت القسم ده عشان اللى انت بتقوله بالظبط..... مع انى طول عمرى حريص انى مش بس مغلطش فى حد..... لكن كمان احاول على قدر الامكان احافظ على علاقة جيدة بمن اختلف معهم ...... لكن لما تلاقى اللى قدامك مش عارف يرد عليك ردود عقلانية محترمة فيزهقك بحدف الطوب..... ساعتها يبقى خلى الطوب لاهل الطوب

---

أنا أصلاً مشاركاتي فى القسمين دول قليلة.......و فضلت مؤخراً أني مشاركش فى الأحوال لما لقيت كله بيخون كله و كله بيغلط فى كله.

اقتباس:

---

المشاركة الأصلية كتبت بواسطة s o p h o s

كلمات رائعة بصراحة ..

---

الله يخليك يا باشا

[mark=#48ff00]================[/mark]

وعليكم السلام ورحمة الله وبركاته

صدقت , حبيبي بشمهندس / أحمد

يقول حبيبنا صلى الله عليه وسلم أنا زعيم ببيت في ربض الجنة لمن ترك المراء وإن كان محقا ،

وببيت في وسط الجنة لمن ترك الكذب وإن كان مازحا ، وببيت في أعلى الجنة لمن حسن خلقه

ويقول أدبني ربي فأحسن تأديبي

وتقول السيده عائشة رضي الله عنها عن الحبيب صلى الله عليه وسلم كان خلقه القرءان بل كان

قرءانا يمشي على الأرض

فإن قيل هذا النبي صلى الله عليه وسلم فأين نحن منه

رد عليهم القرءان بقول الله تعالى لقد كان لكم في رسول الله اسوة حسنة لمن كان يرجو الله واليوم

الآخر وذكر الله كثيرا

اللهم اهدنا لأحسن الأخلاق لايهدي لأحسنها إلا أنت واصرف عنا سيئها لا يصرف عنا سيئها إلا أنت

وصل اللهم وسلم على من علمنا حسن الخلق

[mark=#48ff00]================[/mark]

اقتباس:

---

المشاركة الأصلية كتبت بواسطة mahora

انا هجرت القسم ده عشان اللى انت بتقوله بالظبط..... مع انى طول عمرى حريص انى مش بس مغلطش فى حد..... لكن كمان احاول على قدر الامكان احافظ على علاقة جيدة بمن اختلف معهم ...... لكن لما تلاقى اللى قدامك مش عارف يرد عليك ردود عقلانية محترمة فيزهقك بحدف الطوب..... ساعتها يبقى خلى الطوب لاهل الطوب

---

كبر دماغك و قول رأيك بإحترام و مالكش دعوة بحد و اللى يشتم حتعمله إيه يعنى .إفتكر دايما إن كل إناء ينضح بما فيه

اقتباس:

---

المشاركة الأصلية كتبت بواسطة ahmedwagdy03

كبر دماغك و قول رأيك بإحترام و مالكش دعوة بحد و اللى يشتم حتعمله إيه يعنى .إفتكر دايما إن كل إناء ينضح بما فيه

---

صدقنى قعدت فترة كبيرة اعمل كده ..... بس لما مستوى الحوار انحدر جامد و بقت الطريقة الوحيدة للرد من البعض هى الشخصنة لعدم القدرة على الردود المنطقية اضطريت انسحب لانى لا استطيع مجاراة الاسلوب ده......

فكره الشتيمه دلوقتي مش موضوع ان الواحد بيحب قله الادب
انا بقيت اشتم الصراحه جامد دلوقتي
لأن الاستفزاز الغير طبيعي اللي بيقابلك في حياتك و تصرفات الناس قدامك
بتبقي عايز تقول حاجه جامده علشان تتطلع الغضب اللي فيك و في نفس الوقت تحسس
اللي قدامك انه واحد غبي جدا وماعندوش ادني من الفكر
فالموضوع مش حبا في الشتيمه و قله القيمه
اما بالبشر اللي بتتعامل معاهم دلوقتي لو هتقوله الله يسامحك ...هيروح شتمك و مستفزك اكثر

يبقي الواحد يجيب من الاخر و يوفر علي نفسه الوقت قبل مايفرقع من المراره

اقتباس:

---

مينفعش يا باشا أسيب المكان اللى بحبه علشان شخص ولا أتنين ولا عشرة مش عاجبني طريقة ردهم...........المنتدى ده فى الأصل منتدى سيارات مش إجتماعي ولا سياسي.

لما أنا أكون أستفدت من المنتدى و ألاقي حد بيسأل على حاجة أنا عارفها و مردش عليه يبقى أنا كده غلطان فى حق المنتدى اللى ياما إستفادنا منه.

و لو حصل و حد غلط فيك قدم فيه تقرير مشاركة لو متمش الإستجابة ليها إعمل شكوى........بس متسيبش المنتدى و تكتفي بالمشاهدة بس.

---

فعلا المنتدى للسيارات فقط وانا حاليا بتابع السيارات فقط واى موضوع غيرها بخرج منه فورا
وبالنسبه للغلط فأنا اتسب ليا الدين قبل ذلك وفوجئت بعدم ايقاف الشخص اللى عمل كده والاداره اكتفت بتحذيره فقط!!!!!!!!!!!!!!!!
ولما بعتت للاداره اتذمر من المعامله بمكيالين وعن عدم وجود عدل فوجئت بأيقافى اسبوع!!!!!!!!!
وفى نفس الوقت الشخص اللى شتمنى مازال بيرد عادى فى مواضيعه

بس الحمد لله ان الواحد بينسى ويسامح

للاسف الوضع فى احوال الشارع سئ للغايه واصبح هناك اتجاهين بس ماشيين زى شريط القطر عمرهم ما هيتقابلوا ومحدش عنده استعداد انه يعترف ويعتذر لو غلط انما كله بيدافع باستماته عن رايه وكان الشخص الاخر لا يمكن يكون على حق ابدا "قمه التعصب فى الراى " والمفروض انك لو حتدخل فى حوار مع حد لو حسيت انه داخل الحوار ده ومعندوش استعداد يغير رايه يبقى متحاوروش افضل وده اللى بيخللى الواحد ينسحب من حوارات كتير لما يحس انه مهما اتكلم مش حيوصل لحاجه ولا الطرف الاخر قادر يقنعك برأيه.

واكتر حاجه مستفزه هناك بصراحه انه فى الفتره الاخيره بقى الاعضاء هناك عباره عن مراسلين لوكالات النباء والاخبار فسواء من المؤيدين او المعارضين كل واحد بيحاول يثبت وجهه نظره بالاخبار المنقوله والمشكله انه فى الاغلب بتلاقى الطرف التانى بيؤكد انه خبر كاذب او مغرض او اتهام ناقل الخبر انه بيبص على نص الكبايه سواء الفاضى او المليان بس واى خبر مهما كان تافه تلاقى الموضوع سخن وقلب اتهامات وشتايم وتلميحات .

مع ان المفروض ان احوال الشارع هو مكان لكل شخص انه يعرض وجهه نظره وعلى جميع الاعضاء حتى لو مختلفه معاه انها تحترمه او تناقشه بموضوعيه ولو مقتنعش ينسحب صاحب وجهه النظر المخالفه من الموضوع احتراما للعضو اللى عامله ويعرض وجهه النظر المخالفه فى موضوع تانى مش لازم تشوه وجهه نظر صاحب الموضوع مهما كان رايه متطرف علشان الامور متطورش او علشان ممكن تكون وجهه نظره هى اللى صح وانت اللى مش شايف الوضع صح لاى سبب .

وعلى فكره ده بقى الوضع فى مصر كلها اصبح زى الشارع المصرى فى المنتدى بالظبط فبقينا شيعا وقبائل فده اخوانى وده ناصري وده سلفى وده علمانى وده فلول وده جهادى ونسينا ان احنا مصريين ومحدش دلوقتى لما تسأل عن هويته يقولك انه مصري تلاقى فلول وافتخر واخوانى وافتخر سلفى وموتوا بغيظكم ومتلاقيش حد يقول انه مصري فكأننا نسينا ده او تناسيناه وكل فريق يفخر بانتمائاته الحزبيه عن مصريته وبصراحه منه لله اللى فرقنا بعد مجمعتنا ثوره كنا كلنا ساعتها بنحب بعض مهما كنا مختلفين انما دلوقتى الاهل معندهمش مانع يخسروا بعض لو اختلفوا على مشكله سياسيه صغيره .
يا رب نرجع زى الاول نقول احنا مصريين و لعنه الله على السياسه اللى عملت فينا كده .

عليه النعمة برنس

بس حلوة الأفيهات دى يا أستاذ أحمد

المتنبى دا ملوش حل .... قال له كنت فاكرك من بعيد مرة ... رد عليه كنت فاكرك راجل هاهاهاهاهاهاهاهاهاها هموت من الضحك هاهاهاههههههههههههههههههه ههههههههههههههههههههههههه هه