مشكلة مش عارفلها حل يمكن حد يساعدنى

**see you** · 21-01-2013 01:03 AM

يا جماعة الموضوع ان كان فى واحدة زميلتى فى الجامعة كنت بحبها من زمان اوى من اول دخولها الجامعة المهم حاولت اقربلها ملقيتش منها قبول ارتبطت بحد تانى وخلصت جامعة وحصلت شوية حاجات والتانية دى محصليش نصيب معاها بعد كدة الاولانية دى رجعنا نتكلم تانى بالصدفة وقربنا لبعض وقالتلى انها كانت مرتحالى من الاول انا ظروفى الصراحة مكنتش سامحة قابلت اهلها وبعد كدة بفترة طويلة روحت انا واهلى يعنى باختصار حاولت اعمل الى اقدر عليه يمكن اكتر من الى اقدر عليه كمان المشكلة مش فى كل دا المشكبة انها اتعملت تكدب وعدينا الموضوع دا لكن المشكلة الاكبر فى طبعها
طبعها بجد غريب جدا تغلط وتغلط وتزعل اوى لمجرد اى رد لو بسيط منى والمشكلة الاكبر انها بقت دايما بايعة وكل كلمة بيننا الف سلامة وكل واحد يروح لحاله الغريب انها بتقول انها بتحبى لكن مش شايف دا فى تصرفاتها واحنا دلوقتى فى مشكلة بردوا حاسس انها بايعة من كلامها والمشكلة الاكبر انى بجد فى ظروف مرضية هى لسة معرفتش تقريبا ومش لاقيها ولا لاقى حد جمبى مبقتش عارف اعمل اية ولا اعيش ازاى المشكلة كمان انى بقيت حاسس انى مش مالى عينها معلش كلامى ملخبط شوية لانى والله تعبان جدا ياريت تقولولى حل

**RAPID** · 21-01-2013 01:15 AM

بتقول حاسس انك مش مالى عينها ( وده قبل الجواز)
امال بعد الجواز هيحصل ايه
شيلها من دماغك وانفد بجلدك قبل ان تندم حين لا ينفع الندم

**see you** · 21-01-2013 01:20 AM

ما هو المشكلة انى بحبها بجد ونفسى الاقى حل

**Khaled Online** · 21-01-2013 01:31 AM

ابعد

**د.أبونضال** · 21-01-2013 03:18 AM

ما بتحبكش ومش هتحبك

**mero100** · 21-01-2013 03:36 AM

المشاركة الأصلية كتبت بواسطة see you

ما هو المشكلة انى بحبها بجد ونفسى الاقى حل

المشكله عندك انت مش عندها

احيانا الواحد لما بيحب حد اوي مبيشوفش عيوبه

كمان الانسان لما بيكون تعبان بيكون في اضعف حالاته و بيكون محتاج اي حد يقف جنبه و يتسند عليه و اعتقد انسانه بالمواصفات اللي انت ذكرتها مش حاتلاقي منها اللي انت محتاجه .

عالاقل ابعد عنها و انت تعبان عشان لما تكون قوي تقدر تفكر صح و تاخد قراراتك الصح .

و ان كان يفضل تبعد عنها نهائي ...

لازم تكون قوي حتي و انت في اضعف حالاتك

و ربنا يوفقك و تلاقي انسانه تقف جنبك من قلبها في الشده قبل اليسر .

و ألف سلامه عليك .

**Hondawy_2008** · 21-01-2013 04:22 AM

خليها تصدي و موديلها يعدي

بجد البنت اللي بالطباع ديه كل ما تجري وراها هتعذبك ابعد عنها لو بتحبك هي اللي هترجع تكلمك لكن لو بايعة نصيحة انساها

**ياسر مصطفي** · 21-01-2013 05:48 AM

الاول ياباشا ربنا يشفيك يارب أسأل الله العظيم رب العرش العظيم ان يشفيك شفاءاً لا يغادر سقماً ..
ثانياً . في حاجة بتتقال كتير وبنسمعها اكتر هوا انه مفيش كرامة في الحب يعني مهما حبيبتك تديك فوق دماغك . بنبرر ده كله بكلمة مفيش كرامه في الحب !!. هقلك الكلام ده لو انت تحبه وعايز تسمعه عشان جملة ..( اصلي بحبها ) بس نصحتي ليك وخوفي عليك انت مش عليها يحتم علينا كلنا انك تبعد عنها وانت اللي تسيبها كلامي سهل اقوله واكتبه . بس تنفيذه صعب مع حبك ليها وهيبقي اسهل لما تفكر كويس دي لما تبقي مراتك ام عيالك هتتعامل معاها ازاي وباي طريقه . وهي بتبيعك من دلوقت وكل كلمة مع الف سلامه . قلي انت ممكن تتجوز واحدة هي مش بتحبك كرامتك تسمحلك بكده .. هرد بالنيابه عنك .( أكيد لاء ) اسف على كلامي لو هيزعلك بس اعتبره قلم جالك على غفله عشان يفوقك من كلمة (اصلي بحبها) في نوع من البنات لما تكون بتحب حد وتلاقي واحد تاني بيحبها مش بتفشه وتقله لاء مع السلامه هي بتستني حبيبها اللي بتحبه لاخر لحظه وبيمرمتها بس هوا على قلبها زي العسل . لحد ما يطفش منها اصله شايفها لازقه وهي بتحبه . بعدين بتروح للي هيموت عليها ولو طال يجبلها حته من السما مش هيتأخر . تطلع كل البلاوي فيه خلاص الاول راح . يبقي هي تروح للي راكناه على جنب اسف بجد متزعلش مني ده تعبير عموماً يعني . وتبدأ تملي شروطها ودلاعها الماسخ وكل المعاملات اللي شفتها قبل كدا من حبيبها وهي متأكده انك مش هتزعل عشان هي نفسها مزعلتش من اللي فات . اصلها حبيته ومرمتها واستحملت .
كلامي ده عن تجربة واحد صحبي مسمعش كلامي اقسم بالله ده حصله لما حبيت انبه كان هيقطع علاقته بيا وانا عارف انها كانت ركناها لحد ما الواد الاول سابها . بيجي يقلي دي معرفتش حد غيري وهي قلتلي كده مع ان الواد الاول كانت بتخرج معاها ب4 ساعات باليوم الواحد ..
في النهاية اقراء كلامي ده مرة واتنين وتلاته وعليك في الاخر انك تختار

بين حبك.... وكرامتك

وصدقني مفيش حب من غير كرامه الحب بيتبني على اساس الكرامه ولو مش موجوده من الاول يبقي في ستين داهية الحب بالشكل ده
قرب من ربنا وابعد عنها شوف اللي بتحبك بجد وهتلاقيها ان شاء الله وسعتها حطها في عيونك وحافظ عليها .

**alking_2006** · 21-01-2013 09:44 AM

المشاركة الأصلية كتبت بواسطة see you

ما هو المشكلة انى بحبها بجد ونفسى الاقى حل

مهى دى المشكلة
انك بتحبها جامد و هيا عارفة كدا و متأكدة انك عمرك ما هتسيبها
فطبعا هتتفرعن
و لو اتجوزتها بالطريقة دى طبعها هيبقى انيل بعد الجواز و هتبدأ تتحكم فيك كمان
نصيحة ...
سيبها

**S O P H O S** · 21-01-2013 09:50 AM

ياسر باشا قال كل شئ
يعني انا اعيش اختار الحب ولا اختار الكرامة
راي انها هتخرج من حياتي بس انا كسبت الحب والصدق حتي لو مش فحياتي
انما لو ضاعت الكرامة هيضيع الحب والله
مفيش حاجة اسمها الحب مفهوش كرامة
الراجل ليه كرامة وكرامة البنت من كرامة الراجل الي معاها
لو هي ضيعت الكرامة دي اصبحوا هما الاثنين فقدين لاهم شئ انساني
وربنا يوفقك للخير ويعفو عنك ويرزقك بالخير
مجرد راي فقط ..