الافلام بقت تتعرض un cut ...!!!

**aldesha989** · 21-01-2013 04:12 PM

هى اكيد القنوات دى سارقه الافلام فعلآ لانها ما تقدرش تشترى افلام جديده لان القنوات دى فاشله وتلاقى الافلام الجديده عندها بتنزل بسرعه جدآ اسرع من قنوات بقالها سنين شغاله ومحترمه زى mbc
ده لان القنوات المحترمه بتعمل ميزانيه ومش بتشترى الا لما الفيلم يكون متاح للبيع ووهكذا

القنوات التانيه انا كان فى فيلم اندر ورلد 3 شوفته فى السينما وبعدها بأسبوع لقيته بيتعرض فى القناه استغربت جدآ لانه لسه فى السينما بس ما جاش فى بالى وقتها انهم بيسرقو الافلام بصراحه

وقمة الهزل والوساخه فى الاعلانات وحاجه الله يرحمنا برحمته ويرفع مقته وغضبه عنا

**abogogo** · 21-01-2013 09:03 PM

المشاركة الأصلية كتبت بواسطة elawany13

الواحد بقى بيتكسف يتفرج على عربى أو أجنبى

خليك فى الوثائقى أضمن هههههههههههههه

انا ايضا مابتفرجش الا على ناشيونال جغرافيك ابو ظبي والجزيرة الوثائقية ... والكرتون عشان العيال انا اصلاً مقاطع القنوات دي ومابتفرجش عليها انا كنت بحول لقيت الفيلم ده عن النازية وعجبني التصوير خصوصاً اني كنت متابع السلسلة اللى كانت معروضة على ناشيونال جغرافيك ابو ظبي اللى كانت بتحكي عن هذه الحقبة ... وصدمت بالمشاهد دي في الفيلم

**M.Elwan** · 21-01-2013 10:48 PM

القناة دى صعب انها تبقى سارقه افلام لان الكواليتى بتاعة الافلام المسروقة معروفة
وغير كده استحالة شركات كبيرة زى audi او Dolce& gabana وشركات كتير بالحجم ده حتعلن عندهم حتى لو ببلاش لو كانت دى قناة زى كايرو او تايم او السبكى وطبعا احنا عارفين ايه الاعلانات اللى على القنوات دى مستواها ايه
وبعدين عاملين نظام للاعلانات ومثبتين عدد الفواصل الاعلانية ومدد الاعلانات داخل الفيلم
ومثبتين مواعيد الافلام
اما بالنسبة لافلام الuncut فهما اعلنو عن ان افلامهم بتذاع كاملة بدون حذف وواضح انهم مش على النايل سات اصلا وعلى قمر تانى مشترك مع النايل سات فى نفس التردد

**Mohab.Nabil** · 21-01-2013 11:08 PM

هى majestic cinema ديه جامدة اوى كده .. انا بصراحة كنت متوقع انها من نوعية بانوراما دراما و تايم موفيز و توب موفيز و كده

بس بصراحة انا بستغرب فعلا ازاى بيجيبوا الافلام بالسرعة ديه حاجة مستحيلة اصلا ان الشركة تسمحلهم بالموضوع ده ليه ؟ لأن كل فيلم بعد ما يتشال من دور العرض هناك بينزل بعد فترة dvd/bluray و دا طبعا بيكسب الشركة المنتجة كتير جدا تقريبا مكاسب تقارب مكاسب السينما .. و بعد ما يبيعوا الديفيدى بيبيعوه للقنوات بقى .. حتى شوتايم اللى مفروض اكبر و اشد واحدة فى المجال ده بتجيب الفيلم بعد فترة من بعد ما يتشال من السينما مش اول ما يتشال بيعرضوه

**Sehsss** · 22-01-2013 12:48 AM

هههههههه الكلام ده بقاله كتير يا باشا (انت لسه فاكر) المشكلة إن القنوات دي بتبث من الخارج

**ahmedkhairy** · 22-01-2013 09:11 AM

لا حول ولا قوة الا بالله

**khaled sabry** · 22-01-2013 04:23 PM

المشاركة الأصلية كتبت بواسطة zrzr1

حضرتك بتقول فيها,, والله اللي عايز يحافظ علي بيته الوقتي بتلاقيه فاتح ناشيونال جيوجرافيك او كرتون بسسسسس
قنوات دينيه فيها قله أدب, قنوات افلام مسخره

الحمد لله احنا التلفزيون بتاعنا شغال على طول على الكرتون بسبب عم مهاب افندى
انا بفكر اشترى رسيفر تانى ليا لأنى مابقتشى عارف اشوف اى حاجه و بقيت عايش على اليوتيوب
قولتلى القناه دى بقى

اسمها ايه