مشكلة غريبه مع تيل الفرامل الخلفي

السلام عليكم
مبدئيا احب اشكركم جميعا على تعاون الناس هنا بالرأي او حتى بالمساندة المعنوية
وبدون اطاله وباختصار انا عندي بروتن برسونا 2012 عامله 5455 كيلو بالظبط
الغريب ان تيل الفرامل الخلفي بدأ يصفر ايوة بدأ يصفر لما بدوس فرامل
مع العلم اني انا مش بقرص على العربيه ولا على الفرامل واستخدامي ليها اقل من خفيف
وتقريبا ما سفرتش بيها غير سفرية وحده طويله وبقاي تحركاتي داخل البلد وانا من مدينة قنا والى يعرفها يعرف قد ايه الشوارع متسفلته كويس والبلد هادية وسواقة الناس هادية
المهم انا عاوز اعرف ايه الاحتمالات الممكنة الى تخلي تيل الفرامل يحصله كده في اول 5000 كيلو وهل معنى ان تيل الفرامل بيصفر انه لازم يتغير فورا
ولو ده عيب صناعه اعمل ايه في التوكيل وكلنا عارفين العقليات الى هناك بتتاعمل ازاي

اعتقد شوية تراب على التيل

متقلقش يا باشا

جرب انفخ هوا على التيل الخلفي او اغسل العربية بالمسدس وهيا باردة

غالبا تراب علي التيل من وار او وسخ من الطرق الجميلة بتاعتنا
اغسل العربية كويس بمسدس ضغط مية قوي وخلي الراجل يركز شوية علي غشيل العجل الي واري مع التيل وان شاء الله هتروح منك متقلقش
حاجة بسيطة يارجل انت ممكن تغير التيل علي 20 الف او 30 او ازيد حسب استخدامك

غالبا شوية تراب فعلا, كنت هقولك بص عليه بنفسك حتي عشان تتأكد بس جنط البيرسونا ضيق مش هتشوف منه.

حل الموضوع بسرعه عشان لو تراب ممكن يجيب طنابير

السلام عليكم مره تانية
بعد غسيل السيارة والتركيز على تيل الفرامل بالمسدس الصوت خف شوية
بس الى لاحظته اني لما بطلع بالعربيه مفيش بصوت بس بمجرد ما التيل يبدأ يسخن او مع الاستخدمام بيبدا يعمل صوت والصوت بيظهر اكتر وانا دايس فرامل عشان اهدي مش عشان افرمل مره وحده وبيظهر على السرعات المنخفضة جدا يعني اقل من 20 بس
روحت لميكانيكي وروحت ورشة متخخصه في الفرامل وقالي ان نسبة النحاس في التيل عالية وهيا الى عامله الصفارة ولو قدرت تخليهم يغيرو التيل في الصيانة جوا الضمان يبقى افضل لان التيل ممكن يكون نشف من الركنة الرأي و النصيحة؟؟

التيل اﻻصلى بتاع الفابريقة عمره ما بيعمل مشاكل ... و اعتقد ان ركنة و تخزين العربية مش بتاثر على التيل

اﻻحتمال اﻻول يكونوا مغيرين تيل الفابريقة .. التيل بتاع الفابريقة عليه عﻻمة و كلمة بوش بص عليه و اتاكد انه هو اللى راكب عندك ..هتﻻقيه باين من غير ما تفك الجنط

اﻻحتمال التانى يكون تيل الفابريقة اللى عندك فيه عيب صناعة

السلام عليكم،

عملت إيه يا باشا في موضوع الفرامل ده - أصل عندي نفس المشكلة حاليًا.

يا ريت تفيدنا.

التيل ده نوعه وحش ياباشا وهو الي عامل الصفاره بس ده العادي في التيل لان الاصلي مش موجود في السوق

اقتباس:

---

المشاركة الأصلية كتبت بواسطة mohamed ragab

التيل ده نوعه وحش ياباشا وهو الي عامل الصفاره بس ده العادي في التيل لان الاصلي مش موجود في السوق

---

يا باشا التيل سواء عندي أو عند الأخ صاحب الموضوع هو التيل الأصلي ماركة بوش ألماني، إلـ Stock اللي العربية بتنزل به.

العربية لم تتعدَّ الـ 5000 كم بعد. وكذلك صاحب الموضوع عربيته لم تتعدَّ الـ 7 آلاف كم حتى الآن على ما اعتقد.

أنا عندي بيصفر على خفيف جدا .... يعني مش على طول ... ولما بيعملها حتى مش بتكون جامدة خالص

بس مش قالق نفسي بيه ... باعتبر إن من حق التيل إنه يعبر عن نفسه ويصفر شوية :nemoflow: