مشكلة غريبه مع تيل الفرامل الخلفي

**Nabil.M** · 21-01-2013 02:45 AM

السلام عليكم
مبدئيا احب اشكركم جميعا على تعاون الناس هنا بالرأي او حتى بالمساندة المعنوية
وبدون اطاله وباختصار انا عندي بروتن برسونا 2012 عامله 5455 كيلو بالظبط
الغريب ان تيل الفرامل الخلفي بدأ يصفر ايوة بدأ يصفر لما بدوس فرامل
مع العلم اني انا مش بقرص على العربيه ولا على الفرامل واستخدامي ليها اقل من خفيف
وتقريبا ما سفرتش بيها غير سفرية وحده طويله وبقاي تحركاتي داخل البلد وانا من مدينة قنا والى يعرفها يعرف قد ايه الشوارع متسفلته كويس والبلد هادية وسواقة الناس هادية
المهم انا عاوز اعرف ايه الاحتمالات الممكنة الى تخلي تيل الفرامل يحصله كده في اول 5000 كيلو وهل معنى ان تيل الفرامل بيصفر انه لازم يتغير فورا
ولو ده عيب صناعه اعمل ايه في التوكيل وكلنا عارفين العقليات الى هناك بتتاعمل ازاي

**eng.m7md.ali** · 21-01-2013 03:30 AM

اعتقد شوية تراب على التيل

متقلقش يا باشا

جرب انفخ هوا على التيل الخلفي او اغسل العربية بالمسدس وهيا باردة

**mohamedbook** · 21-01-2013 06:38 AM

غالبا تراب علي التيل من وار او وسخ من الطرق الجميلة بتاعتنا
اغسل العربية كويس بمسدس ضغط مية قوي وخلي الراجل يركز شوية علي غشيل العجل الي واري مع التيل وان شاء الله هتروح منك متقلقش
حاجة بسيطة يارجل انت ممكن تغير التيل علي 20 الف او 30 او ازيد حسب استخدامك

**Raul_7** · 21-01-2013 07:05 AM

غالبا شوية تراب فعلا, كنت هقولك بص عليه بنفسك حتي عشان تتأكد بس جنط البيرسونا ضيق مش هتشوف منه.

**hany63** · 21-01-2013 09:48 AM

حل الموضوع بسرعه عشان لو تراب ممكن يجيب طنابير

**Nabil.M** · 25-01-2013 06:56 PM

السلام عليكم مره تانية
بعد غسيل السيارة والتركيز على تيل الفرامل بالمسدس الصوت خف شوية
بس الى لاحظته اني لما بطلع بالعربيه مفيش بصوت بس بمجرد ما التيل يبدأ يسخن او مع الاستخدمام بيبدا يعمل صوت والصوت بيظهر اكتر وانا دايس فرامل عشان اهدي مش عشان افرمل مره وحده وبيظهر على السرعات المنخفضة جدا يعني اقل من 20 بس
روحت لميكانيكي وروحت ورشة متخخصه في الفرامل وقالي ان نسبة النحاس في التيل عالية وهيا الى عامله الصفارة ولو قدرت تخليهم يغيرو التيل في الصيانة جوا الضمان يبقى افضل لان التيل ممكن يكون نشف من الركنة الرأي و النصيحة؟؟

**tamerosman** · 25-01-2013 08:08 PM

التيل اﻻصلى بتاع الفابريقة عمره ما بيعمل مشاكل ... و اعتقد ان ركنة و تخزين العربية مش بتاثر على التيل

اﻻحتمال اﻻول يكونوا مغيرين تيل الفابريقة .. التيل بتاع الفابريقة عليه عﻻمة و كلمة بوش بص عليه و اتاكد انه هو اللى راكب عندك ..هتﻻقيه باين من غير ما تفك الجنط

اﻻحتمال التانى يكون تيل الفابريقة اللى عندك فيه عيب صناعة

**Motarjim** · 21-03-2013 07:40 PM

السلام عليكم،

عملت إيه يا باشا في موضوع الفرامل ده - أصل عندي نفس المشكلة حاليًا.

يا ريت تفيدنا.

**mohamed ragab** · 23-03-2013 09:50 AM

التيل ده نوعه وحش ياباشا وهو الي عامل الصفاره بس ده العادي في التيل لان الاصلي مش موجود في السوق

**Motarjim** · 23-03-2013 05:23 PM

المشاركة الأصلية كتبت بواسطة mohamed ragab

التيل ده نوعه وحش ياباشا وهو الي عامل الصفاره بس ده العادي في التيل لان الاصلي مش موجود في السوق

يا باشا التيل سواء عندي أو عند الأخ صاحب الموضوع هو التيل الأصلي ماركة بوش ألماني، إلـ Stock اللي العربية بتنزل به.

العربية لم تتعدَّ الـ 5000 كم بعد. وكذلك صاحب الموضوع عربيته لم تتعدَّ الـ 7 آلاف كم حتى الآن على ما اعتقد.