بس أظن ان الموجود فى مصر هو السيجارة الالكترونية العادية أم فلاتر بس؟
عرض للطباعة
بس أظن ان الموجود فى مصر هو السيجارة الالكترونية العادية أم فلاتر بس؟
ممكن يا باشا تقولنا نوعها أيه السيجارة نفسها و بكام ؟
انا بقالي حوالي شهرين مقضيها لف سجاير
بشتري التبغ والفلاتر والبفره وجايب ماكينه لف
الموضوع ده مخليني مخفف في الشرب جدا
لاني احيانا مش فاضل الف
او سايق ومش حعرف الف
او ماشي
او في مشوار
او في مكان عام
غير لما علبه السجاير كانت بتبقي جنبي كانها كيس لب واحيانا بولع سيجاره والتانيه لسه بحالها في الطفايه
كيس الفلاتر فيه 120 فلتر بيقعد معايا اسبوع
السجاير العاديه كانو ال120 دول يخلصوا في يومين ونص
ميزه التبغ انه مفيهوش قطران ونكهته محترمه جدا
ومفيهوش كميه الكيماويات الموجوده في السجاير العاديه واللي بتخلي السيجاره تقعد تحرق نفسها
لما الميزانيه بتقصر بجيب تبغ البايب المصري وبلفه ونكهته حلوه برضه ومفيهوش كيماويات كتير
بعد ما بشرب اي سيجاره عاديه حتي لو كانت مستورده بحس ان نكهتها مقرفه جدا
اللي عاجبني في الموضوع اني بقيت بشرب 40% من الكميه الاصليه الي كنت بشربها الاول
التكلفه قلت كتير
باكو التبغ بيقعد 4 ايام ب40 جنيه 50 جرام جولدن فرجينيا او درم
الفلاتر ال120 ب10 جنيه والسليمز الكيس فيه 150 بنفس السعر
البفره ال50 ورقه ب5 جنيه
وفيه بالشيكولاته شكلها شيك لما بتتلف بنفس السعر
تبغ البايب المصري العادي ب11 جنيه 40 جرام
واللي بالكريز ب14 جنيه 50 جرام
السيجاره الاليكترونيه مجربتهاش لاني بحب السجاير التقيله الي بتدخل تشرخ في بساتم الصدر
الموضوع ده دخل دماغي بعد ما كان عندي اخ عزيز وعضو معانا في المنتدي هنا جالي المحل وكان بيلف (هيثم 2000) ولما دوقت السجاير اللف رجعتني للزمن الجميل بتاع السجاير الجمل والدانهيل والروثمان العريض علشان فيها نكهه وحاسس انك بتشرب دخان محترم
موجودة الاصلي في سيتي ستارز الدور الخامس
ما هي دي الي اعلاناتها ماليه التلفيزيون حاليا واوعي حد يشتريها علشان لا ليها طعم ولا ريحه استعملتها ساعه ورميتها خساره فيها الفلوس
هي اكتر من نوع واعتقد في الامارات ممكن تلاقيها بسهوله ولو حبيت تطلبها من النت ده رابط اول سيجاره ممكن تبداء بيها
Tornado eGo-C E.Cig Full Kit - Black
ولكن ذي ما قلت في بدايه الموضوع مشكلتها في التسريب وايضا مشكلتها في سرعه نفاذ البطاريه ولكن ممكن تبداء بيها علي سبيل التجربه ولو عجبتك ممكن تشتري انواع افضل وانا ارشح لك الي موجوده في الفيديو التالت وهي اسمها لافا تيوب lava tube وطبعا دي انا طلبتها بس لسه ما وصلتش وده الرابط بتاعها
The most advanced variable voltage electronic cigarette – LAVATUBE Version 2
ودي انواع التانكات برضه انا فضلتها لعدم التسريب وكبر حجم السعه وايضا شكلها جميل علي اللاف تيوب
Big Daddy 5ml Tanks & Tubes : Big Daddy Vapor
عايش انته في ايام الزمن الجميل :7_9_6v[2]: بس علي فكره دي برضه نفسها شديد انا بالرغم اني بشرب مارلبور احمر ومافيش سيجاره خفيفه هتنفع معاي ولكن السيجاره الالكترونيه دي برضه نفسها شديد لدرجه اني كحيت من اول نفس :B4_556: والمميز فيها انك بتمزمز فيها علي روقان فين وفين مزه ولا اتنين ولا بتحتاج لا ولاعه ولا طفايه ياراجل ده انا ياما كانت السيجاره تقع مني وانا سايق واسيب الطريق وانذل ادور عليها احسن ماتولع في العربيه :khd:
الله يهافينا ويعافي الجميع من السجائر واشباهها....
بالتوفيق
Sent from my SE Arc S using Forum Runner
وده رابط خاص بالنيكوتين السائل ولو ضغطت علي اي نوع فيهم هتلاقو جدول في اسفل الصفحه وفيديو ايضا فيه النسب الخاصه بالنيكوتين والبروبلين جليكول والنكهه
Nicotine Solutions / E Cigarettes and E Liquid from Totally Wicked
طيب شوية اسئلة لحضرتك
سيجارة الافا تيوب دي سعرها من اللينك 139 $ يعني حوالي 1000 جنية دة غير الشحن
2- اية لازمة التنك الاضافي هي مش بتيجي بتنك ولا لازم نشتري تنك تاني ؟؟
والتنك اللي فيها بيقعد قد اية ؟؟ وكلها علي بعض كدة ممكن تعيش قد اية من غير اعطال او مشاكل سنة مثلا
3-النكوتين السائل غالي جدا علي حسب اللينك زجاجة 100 ملي ب 52 $ يعني حوالي 350 جنية غير الشحن طيب دي ممكن تكفي قد اية شهر ولا شهرين ولا اية ؟؟؟
4- هل في نكوتين ذي دة في مصر ولا لازم كل ما يخلص نطلبة من بره
5- شكل السيجارة مش زي السيجارة العادية او الالكترونية يعني مش ممكن تمسكها زي السيجارة العادية او تشربها لا دي تتمسك او تتشرب زي الشيشة لانها مش رفيعة فهل دة ممكن يخلي الشخص يزهق او يمل منها ويرجع للسيجاره العادية ؟؟؟؟
6- السيجارة التانية تورنيدو حضرتك بتقول بتسرب يبقى ملهاش لازم نشتريها خالص لان دة عيب جامد وكمان مش رخيصة
7- في اي اماكن في مصر تكون بيتبعها ؟؟
8- النيكوتين السايل دة امن علي الصحة ؟؟ يعني المواد المصنع منها مش ممكن تعمل مشاكل في الرئة ( مية علي الرئة ) مثلا وبكدة نكون معملناش حاجة
واخيرااا اعتقد ان تكلفتها ضعف تكلفت السجاير العادية
وفي انتظار رأي حضرتك ...... وشكراااا