اقتباس المشاركة الأصلية كتبت بواسطة solyelissa مشاهدة المشاركة
طيب شوية اسئلة لحضرتك

سيجارة الافا تيوب دي سعرها من اللينك 139 $ يعني حوالي 1000 جنية دة غير الشحن
2- اية لازمة التنك الاضافي هي مش بتيجي بتنك ولا لازم نشتري تنك تاني ؟؟
والتنك اللي فيها بيقعد قد اية ؟؟ وكلها علي بعض كدة ممكن تعيش قد اية من غير اعطال او مشاكل سنة مثلا


لو انته هتشتري الكيت كامل ابو ١٣٩ هيكون فيه التانك والبطاريه والشاحن لو انته هتشتري السيجاره بس سعرها ٧٩ وبعدين انته تشتري التانك الي يعجبك والبطاريات الي تعجبك برضه وبالنسبه للاستهلاك انا بشرب حوالي ٢ ملي في اليوم وتقريبا لو انته بتشرب حوالي علبتين في اليوم ال ٢ ملي هيكفوك وذياده مقارنه بتدخينك لعلبتين اما بخصوص عمر السيجاره اعتقد لو مالهاش اعطال العطل هيكون من البطاريه او التانك ولكن السيجاره نفسها ما اعتقدش فيها مشاكل


3-النكوتين السائل غالي جدا علي حسب اللينك زجاجة 100 ملي ب 52 $ يعني حوالي 350 جنية غير الشحن طيب دي ممكن تكفي قد اية شهر ولا شهرين ولا اية ؟؟؟

النيكوتين ده مركز وتركيزه ٧٢ ملي انته لازم تخلط عليه بعد كده بروبلين جليكول او البديل التاني وهو جلسرين فواكه وانا افضل البروبلين جليكول وكمان بتخلط معاهم نكهه ذي ما تحب تفاح او موز او او وعلي حسب النكهه الي هتلاقيها في مصر وبالنسبه للبروبلين جليكول والنكهه هتلاقيهم متوفرين في مصر وممكن كمان تلاقي نيكوتين مركز ومتبقاش محتاج تجيبهم من بره وبخصوص العلبه ال ١٠٠ ملي ذي ما قلت لك دي مركزه وخطر جدا تدخينها علي كده انته شوف الجدول الي انا حطيت الرابط بتاعه وهتلاقي فيه النسب وهي عموما لو انته عاوز تركيز نيكوتين متوسط بيكون ٢ملي من عبوه النيكوتين و٧ ملي نكهه و ١٣ ملي بروبلين جليكول ودول هيطلعو معاك ٢٢ ملي سائل تستخدمه في التدخين

4- هل في نكوتين ذي دة في مصر ولا لازم كل ما يخلص نطلبة من بره

تقريبا في انا في اثناء بحثي لقيت شركه بتبيعهم دور في جوجل واكتب نيكوتين سائل في مصر وهتلاقي رقم التليفون بتاعهم

5- شكل السيجارة مش زي السيجارة العادية او الالكترونية يعني مش ممكن تمسكها زي السيجارة العادية او تشربها لا دي تتمسك او تتشرب زي الشيشة لانها مش رفيعة فهل دة ممكن يخلي الشخص يزهق او يمل منها ويرجع للسيجاره العادية ؟؟؟؟

فعلا حجمها كبير ولكن بالنسبه لي انا افضل الحجم ده

6- السيجارة التانية تورنيدو حضرتك بتقول بتسرب يبقى ملهاش لازم نشتريها خالص لان دة عيب جامد وكمان مش رخيصة

فعلا مشكلتها في التسريب ولكن في شخص بيبيعهم وكمان من الفيديوهات الي شفتها فهمت ان التسريب بيكون سببه انك بتسحب النفس بقوه ولكن انا برضه كنت اسحب سحب خفيف وكنت بعد فتره الاقي تسريب ولكن تسريب خفيف جدا مش ذي ما انته متخيل يعني ممكن التانك بشيل حوالي ١ ملي او واحد ونصف تقريبا تلاقي اقل من ربع ملي هو الي حصله تسريب ولكن انا كان بيضايقني علشان كان بيوسخ ايدي وكنت اضطر امسحه بمناديل


7- في اي اماكن في مصر تكون بيتبعها ؟؟

مش عارف بصراحه ولكن تقريبا اغلب المتوفر في مصر السيجاره ام فلاتر ودي ملهاش لازمه واوعي تشتريها ويفضل انك تجربها مع اي حد ولو جربتها انا متأكد انك مش هتشتريها

8- النيكوتين السايل دة امن علي الصحة ؟؟ يعني المواد المصنع منها مش ممكن تعمل مشاكل في الرئة ( مية علي الرئة ) مثلا وبكدة نكون معملناش حاجة

مش عارف بصراحه ولكن ضررها اخف من السيجاره العاديه بكثير يكفي انك تخلصت من القطران الي هو السبب الرئيسي في سرطان الرئه وغيره كثير من المواد السامه والمسرطنه بالنسبه للسيجاره الالكترونيه الموضوع بقي محصور في البروبلين جليكول وده يعتبر ماده ناقله هي بتنقل النيكوتين الي الرئه وبترجع من الرئه مره اخري في اثناء الزفير ولو بتعمل ميه علي الرئه كان ذماني غرقان والنكهه طبعا معروفه شوف اثناء الاكل كميه النكهات الي بستنشقها اثناء الطهي مثلا واما النيكوتين ده مش هو السبب في السرطانات وعلي فكره النيكوتين بيكون موجود في كثير من المواد الغذائيه وابسطهم الباذنجان الاسود بيحتوي علي كميه نيكوتين كبيره

واخيرااا اعتقد ان تكلفتها ضعف تكلفت السجاير العادية

لا اوفر طبعا واحسبها وشوف وحتي لو مش اوفر انا كافي لي اني ارتحت من التدخين وريحته وكافي بالنسبه لي وفرت علي بيتي وعيالي اثار التدخين السلبي ليهم. وكمان متنساش الريحه لو شخص غير مدخن قعد جنبك ما بيبقاش طايق الريحه

وفي انتظار رأي حضرتك ...... وشكراااا
اي خدمه واي سؤال يجي في بالك اطرحه وانا اتمني الفائده للجميع