العربية ........تمثل كام من رأس المال للشخص

**Ahmed Anwer** · 27-07-2008 05:11 AM

ميزانية إنفاق الأسرة هي الكيفية التي تتصرف الأسرة بدخلها الصافي وتوزيعه بين مختلف السلع والخدمات التي تحتاجها الأسرة، وبنود الإنفاق المختلفة في هذه الميزانية موزعة كالتالي:

المواد الغذائية، ومقدار الإنفاق كنسبة مئوية من إجمالي الدخل هو 43%.

الملابس والأحذية، مقدار الإنفاق 5%.

السكن وتوابعه، مقدار الإنفاق 30%.

الرعاية الطبية، مقدار الإنفاق 2%.

النقل والمواصلات، مقدار الإنفاق 12%.
التعليم والثقافة، مقدار الإنفاق 3%.

النفقات والخدمات الأخرى 5%.

إجمالي بنود الإنفاق هو 100%.

هذه هي البنود الرئيسية في ميزانية إنفاق الأسرة ونسبها كمتوسط عام لجميع الأسر، وهذه النسب تتغير وتتبدل حسب تغير أحوال كل أسرة على حدة,

منقول عن داسة جامعية

**MoToRiZeR** · 27-07-2008 10:17 AM

انا فكرت في الموضوع ده برضه .. يعني الواحد لو معاه كام يجيب ايه .. و هيعرف يصرف عليها بعد كدة ولا لأ ..

انا رأيي انها المفروض تكون في حدود 10% .. و لكن عشان الدنيا في مصر بقت صعبة و العربية مبقتش رفاهية .. فا ممكن واحد معاه فلوس أقل يشتري عربية بتوصل نسبتها في رأس ماله لحوالي 40% .. بس عشان يستريح

**enashelmy** · 27-07-2008 10:23 AM

كلامكم كله جميل
بس احيانا زى حالاتى كده
هضطر اصرف كل اللى معايا عشان اجيب عربيه
وطبعا هى عربيه عاديه اكسنت او اكسيل
يعنى على القد
مهو مافيش اقل من كده
هههههههههه
وبقول ربنا هيسترها

ها رايكم ايه

**Noha.M** · 27-07-2008 10:49 AM

كفاية اوى 10% انا شايفة لان لسه كمان هيصرف عليها صيانة و بنزين و تصليح فالمموضوع لوحده هيدخل كدة فى ال 30 - 40 %

اكتر من كدة بصراحة يبقي تبذير على الفاضي

**ehabradwan** · 27-07-2008 12:20 PM

انا شايف الموضوع بيختلف من واحد للتاني يعني واحد معاه 40 الف و عنده شقة ايه المشكلة لو جاب عربية بالمبلغ ده . ازاي نقولوا خد 10% منهم يعني 4 الف وهاتلك بيهم عربية هيجيب بيهم ايه !!

الموضوع من وجهة نظري المحدودة مش مطلق و يختلف حسب الظروف

**hesham2004** · 27-07-2008 12:53 PM

فيه ناس كتيييييير اوى العربية ( و حجات تانية برده كتيييير ) بتمثل نسبة اكبر برده بكتييييير اوى من راس مالها
انتو عارفين مين ؟ الى بيشترى اى حاجة بالتقسيط او الى بيقترض من البنوك و خاصتا الى بيشترى على الأبيض زى مابيقولوا .
عشان كده تلاقى الناس دى معاها حاجات فى الحقيقة مش بتاعتها و بتبقى ماسكه قلبها بايدها و مابتنامش لغاية ما تسدد ثمنها .

**Noha.M** · 27-07-2008 01:25 PM

هي فى الاول و فى الاخر اولويات

ممكن يبقي معايا 100 الف بس الاولوية عندي انى اجيب عربية و ممكن تبقي الاولوية انى اجهز

نفسي عشان اتنيل اتجوز

بس لما فكرت فيها مزودتش عن 20% لانى فعلا مش محتاجة حتى انى اركب عربية

اعلى من اللى معايا فى الوقت الحالى لانها مش من اولوياتى

**enashelmy** · 27-07-2008 01:37 PM

المشاركة الأصلية كتبت بواسطة ehabradwan

انا شايف الموضوع بيختلف من واحد للتاني يعني واحد معاه 40 الف و عنده شقة ايه المشكلة لو جاب عربية بالمبلغ ده . ازاي نقولوا خد 10% منهم يعني 4 الف وهاتلك بيهم عربية هيجيب بيهم ايه !!

الموضوع من وجهة نظري المحدودة مش مطلق و يختلف حسب الظروف

عندك حق
اصل اقل عربيه ب 40 الف
وبتبقى مستعمله
كمان العربيه بتحفظ كرامه الانسان من البهدله فى الشارع

انا موافقه على كلامك

**SAbuhashem** · 27-07-2008 02:10 PM

في مصر العربية المفروض متعديش ١٠ أو ٢٠ ٪ من قيمة رأس المال على حسب سعرها
يعني لو غالية يبقى المفروض ١٠٪ لو متوسطة يبقى ٢٠٪ .

وإلا هات قسط بقى لو لقيتها هتعدي النسبة دي من رأس مالك

العربيات هنا بتتهان بسرعة جداً وحرام نصرف عليها فلوس لأنها للأسف مش إستثمار د إستهدار للمال ودة في مصر بس طبعاً

وطبعاً الكلام دة على العربيات الجديدة متوسطة السعر

لأن بيفكر يجيب S-Class بمليون ونص ليه نظره تانية دي
معظمهم بيجيبوها قسط مع انهم معاهم أضعاف أضعاف تمنها ولما تسأل إيه إلي خلاك جبت عربية بالسعر دة وقسط مع انك قادر تدفع كاش ومش هيأثر على رأس المال في حاجة
يقولك أنا اشغل الفلوس ومن ارباحها ادفع قسط العربية أحسن ما أحط الفلوس فيها مره واحده
تفكير استثماري بحت
أهم حاجة عنده إن العربية يكون إلي خدته من رأس المال الأساسي ولا حاجة
لأن تمنها كله من أرباح رأس المال

Thanks
Eng.Sherif Shaker

**Sharky** · 27-07-2008 02:14 PM

يا جماعة النسبة غير واقعية لإن معظم الشعب المصرى بيجيب عربية بالقسط يبقى المقروض القسط يكون كام من مرتبك
رأى الشخصى لا يتعدى 20% أو 30% بالكتير علشان يقدر يعيش كويس و يصرف على عربيته كويس