الموضوع: العربية ........تمثل كام من رأس المال للشخص

المشاركة الأصلية كتبت بواسطة د.أحمد سمير

يا جماعة فيه شوية خلط في الموضوع ، ولو اتحل هيتحل الخلاف الظاهري الموجود

الفكرة حول ما هو رأس المال ..
رأس مال أي موظف أو عامل هو الأصل الثابت له والمتمثل في شخص هذا العامل ومهاراته وأفكاره التي تدر له دخلاً شهرياً عند استعمالها ..
يعني لو بتقبض 3000 جنيه في الشهر بما يعادل 36 ألف جنيه سنوي ، على اعتبار أن ذلك يمثل 10% وفق أعلى فائدة بنكية .. يبقى رأسمالك 360 ألف جنيه ..
ضيف إليه ما تمتلكه من أصول فعليه ولتكن شقة متوسطة جداً نقول 140 ألف علشان نقفل النص مليون جنيه ..
يبقى لو دي ظروفك ورحت اشتريت عربية بخمسين ألف وحوشت لها أو اقترضت علشانها يبقى ده أمر طبيعي جداً .

لكن لو كنت صاحب عمل وقتها هتحسب رأسمالك وممتلكاتك ، وساعتها ال10% هتبقى نسبة كبيرة جداً ، يعني الأنسب 5% فقط من وجهة نظري حتى لا تتأثر تجارتك أو صناعتك ، أو تجيبها بالتقسيط وتشغل بقية الفلوس مرسيدس بقى ولا بي إم مش مهم المهم تحافظ على أكبر قدر من رأس المال .

تقبلوا خالص مودتي

يعني لو بتقبض 3000 جنيه في الشهر بما يعادل 36 ألف جنيه سنوي ، على اعتبار أن ذلك يمثل 10% وفق أعلى فائدة بنكية .. يبقى رأسمالك 360 ألف جنيه

معلش أنا كنت ألسن و أدبي و مش فاهم ديه يمثل 10% وفق أعلى فائدة بنكية .. يبقى رأسمالك 360 ألف جنيه

والله انا شايف ان متوسط الدخل الشهرى نضربة فى 50% وبعد كدة نضرب الناتج فى 5 سنوات (متوسط اهلاك) دة ممكن يكون ثمن عربية معقول لاى فرد بيبتدى حياتة سواء قسط او كاش لو متوفر السيولة

يعنى لو قلنا موظف دخلة الشهرى مثلا 2000 جم متوسط يبقى 2000 * 50% = 1000جم
1000 جم * 12 شهر * 5 سنوات = 60000 جم
دة ممكن يكون ثمن معقول لسيارة تقسيط

وفى الغلب الواحد بيقعد سنتين يحوش فى المقدم او يجيب عربية مستعملة لغاية ما يقدر يدفع المقدم وبعدين يمشى اقساط حسب دخلة

واعتقد ان 90 % من الشباب بيبدأ كدة

المشاركة الأصلية كتبت بواسطة TIMODAX

يعني لو بتقبض 3000 جنيه في الشهر بما يعادل 36 ألف جنيه سنوي ، على اعتبار أن ذلك يمثل 10% وفق أعلى فائدة بنكية .. يبقى رأسمالك 360 ألف جنيه

معلش أنا كنت ألسن و أدبي و مش فاهم ديه يمثل 10% وفق أعلى فائدة بنكية .. يبقى رأسمالك 360 ألف جنيه

يعني ببساطة أعلى فائدة في أي بنك حالياً 10% سنوياً تمام
شوف دخلك السنوي كام ..
اعتبر هذا الدخل هو فائدة رأس المال
اضرب هذا الدخل في 10 أضعاف الفائدة لتعرف قيمة رأس المال

وعلى فكرة أنا كنت أدبي برضه

أرجو أن تكون الفكرة وضحت
تقبل خالص مودتي