نصيحة في تغيير الجنوط والكاوتش لأبيزا

انا لسه شارى ابيزا 98 و الجنوط 17 فانهارده ان شاء الله هروح اغير الجنوط ولاد الحلال نصحونى بجنوط 15 بس انا دلوقتى مش عارف اجيب الكاوتش مقاس كام و نوعه ايه و يا ريت لو حد يعرف الاسعار كمان يبأه خدمنى اوى

لو 15 يبقى 195\50 لا تزود ولا تنقص عشان متفرقش معاك فى عداد السرعة
بالنسبة للأنواع Kumho , Hankok هما انسب نوعين من ناحية السعر والجودة وتقريبا سعر الفردة فى حدود 350 جنيه

اعتقد ان الكتالوج مكتوب فيه جنط 13 و 14 فقط
ال 17 اللى راكب فيها هيتعب عفشة العربية وهيفرق معاك فى السرعات
انا شايف ان 14 كفاية عشان طرق فى مصر ...
تقبل مرورى

العربية دى بيركبلها فبريكة لحد 16 وده بيكون فى موديل الكوبرا او ال gti وبيكون موتورها 2000 سى سى 16v 150 حصان ومقاس الكاوتش بيكون 195\45 لكن اعتقد ان موتورك 1400 او 1600 وده كفاية عليه قوى ال 15

الاستاذ كريم قالك على المفيد
1-
لو الماتور 1400 يبقى 15 تمام وهيفرق بتاع 5 كيلو فى السرعة يعنى لو ماشى 100 على العداد يبقى فعلى 105 تقريباً
2-
لو الماتور 1000 سى سى يبقى جنط 14 تمام عليها قوى وبلاش 15 ونصيحة خليك فى الـ 14 كدة ولا كدة

الف شكر يا رجاله والله الواحد مش عارف يقولكوا ايه انا ماتورى 1800 فمتهيألى ال15 مناسب اوى

1800 .. يبقى مناسب جداً توكل على الله
ومبروك على العربية وربنا يباركلك فيها ويكفيك شرها
ولا كلام بعد كلام استاذنا الكبير كريم ابيزا

اقتباس:

---

المشاركة الأصلية كتبت بواسطة mahmoud ghanem

الاستاذ كريم قالك على المفيد
1-
لو الماتور 1400 يبقى 15 تمام وهيفرق بتاع 5 كيلو فى السرعة يعنى لو ماشى 100 على العداد يبقى فعلى 105 تقريباً
2-
لو الماتور 1000 سى سى يبقى جنط 14 تمام عليها قوى وبلاش 15 ونصيحة خليك فى الـ 14 كدة ولا كدة

---

المقاس ال 195\50 15 مش هيفرق معاه فى قراءة السرعة
عشان كده انا قولتله لا تزود ولا تنقص فى المقاس ده

اقتباس:

---

المشاركة الأصلية كتبت بواسطة mahmoud_16

الف شكر يا رجاله والله الواحد مش عارف يقولكوا ايه انا ماتورى 1800 فمتهيألى ال15 مناسب اوى

---

معلش سؤال بره الموضوع
انت شاريها 1800 ولا انت اللى مسقطه؟

اقتباس:

---

المشاركة الأصلية كتبت بواسطة karim ibiza

المقاس ال 195\50 15 مش هيفرق معاه فى قراءة السرعة
عشان كده انا قولتله لا تزود ولا تنقص فى المقاس ده

---

اقتباس:

---

المشاركة الأصلية كتبت بواسطة karim ibiza

يا باشا اكتر واحد هيفيدك فى الموضوع ده هو بتاع الزوايا, روح لواحد بتاع زوايا كويس واسئله وشوف هيقولك ايه, بتاع العفشة مش هيفيدك.

الموضوع التالى منقول من منتدى اخر وصاحب الموضوع موجود معانا هنا فى المنتدى ده كمان:

تجربتي مع الجنط ال 15 ..

السلام عليكم يا اهل المنتدي ptmnlo123per122

بقالي كتير مكتبتش مواضيع و الكتابه وحشتني و كنت عايز اعمل الموضوع ده من مدة بس اتشغلت شوية و لما افتكرت قلت اعمله عشان لو حد عايز يسأل في حاجة و اصحح بعض المفاهيم الخطأ عند بعض الناس اللي قريتها في المنتدي الفترة اللي فاتت

طبعا انتوا عارفين سيارتي المطحونه في شوارع مصر

ابيزا 94

الجنط الاوريجينال كان مقاس 14 و الكاوتش اللي كان راكب كان 175/65 ..

و في رحلة تظبيط العربية بعد ما ظبطت العفشه و قمت مغير طقم دبرياج كامل ديسك و اسطوانه و بليه و سلك دبرياج و عملت صيانه للموتور و الحمد لله العربية اتظبطت جامد و سحبها بقي ممتاز و فرقت عن الاول كتير ..

طب انا عايز اخلي العربية حلوه برضه و انا من زمان عايز اجيب جنوط

فكرت كتير و كنت هشتري طقم جنوط مستعمل تايلاندي مقاس 16 و كاوتش 205/45 مستعمل برضه بس قلت الكوتش المستعمل مش مضمون غير ان 16 كتير هو مش كتير علي العربية عادي يتركبلها 16 و العفشه بتستحمل بس هيتقل الدركسيون و انا عربيتي مش باور !

قلت اجيب طقم 14 و اركبه علي الكوتش بتاعي و خلاص ! لقيت جنط bbs مقاس 14 و كنت هاخده ب 800 جنيه بس علي الطبيعه شكله مطلعش حلو و مش نيكل زي ما كنت فاكرو ..

و هنا تبدأ الحكايه

جروب علي النت لعرض اي شئ للبيع و اغلبه حاجات تخص العربيات لقيت جنط 15 8 مسمار يركب علي ابعاد الالماني و ابعاد الكوري او بمعني اخر يركب علي ابعاد 4*100 و ابعاد 4*114 ..

الجنط 6 ريش الريشه تخينه كده الجنط ده نفس الشكل ده بالظبط بينزل للاوكتافياa5 هي نزلت بأشكال مختلفه من الجنوط بس ده واحد منهم بس بتاع الاوكتافيا 5 مسمار و مقاس 16 ده 8 مسمار و مقاس 15 لكن الشكل هو هو بالمللي ..

عجبني اوي و لقيت علي النت صورة عربية ابيزا 94 بس race راكب فيها نفس شكل الجنط ده بلون ابيض و مقاس 17 بس شكله لايق عليها اوي ..

الجنط كان معروض ب 900 جنيه و ده اساسا سعر كويس ليه لان حالته كانت ما شاء الله ممتازة و في نفس الوقت ولا تايواني ولا صيني .. ده صناعة ماليزي و صلب جدا جدا ما شاء الله كل اللي فيه شوية خرابيش خفيفه في الشفه مش في الريش ..

اخدت رأي والدي و عارض في الاول شوية و قالي ملهاش لازمه بس الحمد لله وافق بعد كده ptmnlo123per122

عملت اتصالاتي مع صاحب الجنط و قبل اخر امتحان في الترم الاول من امتحانات السنة دي كنت جبت الجنط .. و كشفت عليه عند واحد بتاع كاوتش و قالي تمام الحاله و كله زي الفل ..

و الحمد لله خلصته بسعر حلو جدا اقل من اللي كان معروض بيه يعتبر الجنط واقف عليا ب 700 جنيه بالرينجات اللي عملتهاله عند الخراط ..

اخدت الجنط و اتفاجأت بحاجة استغلستها شوية انه عشان يركب لازم مسامير الانكيه مش مسامير عاديه

المهم عملت الرينجات عند الخراط و بتتعمل بالطريقة الاتيه:

باخد فردة جنط و اروحله بالعربية بياخد مقاس صره الجنط و صرة العربية و بيعمل علي اساسهم و مرضاش يعملهمش حديد عملهملي من بلاستيك مرن نضيف جدا .. و سبب عمل الرينجات هو الاتي : ان الجنط مقاس الصرة بتاعته بيببقي اوسع شوية من مقاس صرة العربية لانه مش الجنط الاوريجينال اللي هي نازله بيه .. فا الرينج بيتحط في صرة الجنط عشان يركب علي صرة العربية و يحكم ميقعش من علي الصرة و لو اي حد جاب جنط و معملوش رينجات الجنط مش هيبقي محمل علي صرة العربية لا هيبقي محمل علي المسامير شوية بشوية المسامير تتقطم و حصلت مع واحد صاحبي في عربية فيرنا ..

رحلة المسامير ..

سمعت ارقام غريبه و عجيبة ! كله يشوف شاب و معاه عربية و طبعا ده عيل فافي ابوه مديله فلوس عشان يركب جنوط سبور و يروش هاته نشتغله ! سمعت 15 جنيه في المسمار !! و 12 جنيه !! و 10 جنيه اخر واحد مسكته شوطته ابو 10 جنيه ده قلتله انت فاكر بتكلم واحد ملوش فيها المسمار جملته 3 جنيه عايز تديهولي ب 10 و انا هاخد 16 مسمار يعني ب 160 جنيه مسامير !! المبلغ مش كبير في حد ذاته لكن 160 جنيه عشان اشتري مسامير كتير علي مسمار يعني !!

نزلت التوفيقيه لحد ما عترت فيه عند واحد قالي 8 جنيه المسمار فاصلته قالي احسبهولك ب 7جنيه و نص قلتله شكرا و سبته و مشيت واحد بعده قالي 5 جنيه المسمار من هنا لهنا اخدته ب 4 16 مسمار و واحد احتياطي يعني 17 مسمار تايواني و المسامير نيكل مش اسود 17*4 = 68 جنيه !!!!!! و هو ده السوق المصري !! و معلومة المسامير هي هي عند كل اللي سالت عندهم مش صناعات مختلفه و كله نيكل بس لاحظوا فروق الاسعار برا التوفيقيه اقل سعر كان 160 جنيه للطقم !!

الحمد لله ربنا وفقني و عملت الرينجات و المسامير و جبت 4 بلوف نيكل و ناقص الكاوتش !

بريد جيستون turanza ولا بريد جيستون potenza ولا بريللي ولا اجيب ايه !! نزلت سألت علي الاسعار

turanza ملقتش منه المقاس اللي انا عايزو و هو 195/50

potenza و ده البريدجيستون الياباني و كاوتش ممتاز سعر الفرده بيوصل ل 700 جنيه يعني فردة بتمن طقم الجنط كله ptmnlo123per1106

بريللي ملقتش المقاس ..

واحد صاحبي ربنا يكرمه يا رب قالي تعالي و انا هظبطك عند واحد حبيبي ..

شركة الايمان في شارع التحرير بعد جاد بشوية علي نفس الصف بتاعه ..

قالي سيبك من البريدجستون خلاص زمنه انتهي مش لعيب فيه لكن لغلاء سعره بطريقه غريبه !! بس هو بصراحة كاوتش ممتاز و انا بحبه جدا !

قلتله مبدئيا لو طلعتلي اي فرده نقشة شجره ولا الكلام ده مش هاخدها مش عايز النقشه دي

قالي هديك كاوتش لو مشيت بيه في مياه و فرملت هيبقي اكنك ماشي علي اسفلت عادي .. طب ورينا يا عم ..

Kumho ecsta

اسم النقشة ecsta و هي نقشة المطر !

سعر الفرده 350 جنيه .. بالترصيص بالبلوف بالتركيب ..

النقشه حلوه بس انا معنديش ثقة في اي ماركة كوري .. و ده صناعة vietnam بصراحة مكنتش عايزه .. لكن محدش يعرف الخير فين دلوقتي انا بنصح الناس بيه !

والدي قالي حلو و بتاع و سبني اروح و اشوف راح و الراجل جبلنا فرده جديدة نتفرج عليها بصراحة النقشه جامده ! بس كوري كومهوptmnlo123per144

والدي بيقولي ها قلتله مش عارف انا مش مرتاح للكاوتش ده .. قالي اركن انت بقي و هي دي ميزة والدي بيعرف ياخد القرار الصح في الوقت الصح ptmnlo123per122 دفع و ركب و خلص و مشينا و كل ده و انا غضبان علي الكوتش ! طلعنا دائري غرز علي 140 العربية فارقه جامد و الكاوتش وازن العربية اوي و الدركسيون بقي انعم !

لحد ما جربت انا بنفسي بقي .. فرمله في رمل فرمله جامده علي سرعات 140-150 و فرمله في المياه

بصراحة ولا اروع !! حاسس اني مازلت مركب بريدجستون لان كاوتشي القديم كان بريد جستون !! الكاوتش بيمسك في الارض جامد و في الميه اكني ماشي علي اسفلت عادي !!

ربنا وفقني الحمد لله ..

نيجي لنقطه ان ناس كتير قالت ان الجنوط السبور بتبوظ العفشه .. انا ركبت يوم 5-2 النهارده 1-5 يعني داخل في 3 شهور .. العفشه محصلهاش اي حاجة ! بالعكس اللي حصل الاتي:

1-زياده الثبات بصورة ملحوظه خصوصا في الغرز علي سرعات ..

2-شكل احلي بكتير من الجنط العادي و الطاسات

3-العفشه محصلش فيها اي حاجة و لم يمسها اي ضرر بالعكس لما العفشه بتتربط العربية بتبقي انعم في المطبات مع الجنط الجديد ..

بالنسبة لراكبي الابيزا 94 .. الجنط ال 15 متقلش الدركسيون اطلاقاااااااااا

و ادي صورة الجنط و هو محطوط ادام العربية و هيتركب

05022010299.jpg

05022010299.jpg

---

بصراحة انا لسه شايف موضوعك وتجربتك دى ... بصراحة بعد الموضوع الجميل اللى حضرتك عاملة دة (شابوه)
ومعلومات جديده تسلم ايدك عليها

أنا مركب جنط 15 كاوتش 195/50 على ماتور 1000cc
زى الفل وكله تمام

اقتباس:

---

المشاركة الأصلية كتبت بواسطة hossamalsadik

أنا مركب جنط 15 كاوتش 195/50 على ماتور 1000cc
زى الفل وكله تمام

---

ده لأن عربيتك فبريكة بتنزل 14 لكن ال 98 بتنزل 13

اعتقد من افضل انواع الكاوتش هو بيريلي وهانكوك
بس الأسعار ماعنديش فكرة
علي العموم هتسمع اسعار تزعل خصوصا في المقاس 15

ربنا يوفقك

والله يا باشا انا عندى فى 94 بيبقى مكتوب على باب تانك البنزين مقاس الجنوط والكاوتش الى بيركب على العربية وكان مكتوب مقاسين بس 13 و14 وانا بصراحه التزمت بالمكتوب مش عارف بقى فى الــ 98 بيبقى مكتوب برده على باب التانك بتاع النزين ولا لأ اما الكاوتش وقطع الغيار عموما بيغلوا اوى الفترة ده .

اقتباس:

---

المشاركة الأصلية كتبت بواسطة egman

والله يا باشا انا عندى فى 94 بيبقى مكتوب على باب تانك البنزين مقاس الجنوط والكاوتش الى بيركب على العربية وكان مكتوب مقاسين بس 13 و14 وانا بصراحه التزمت بالمكتوب مش عارف بقى فى الــ 98 بيبقى مكتوب برده على باب التانك بتاع النزين ولا لأ اما الكاوتش وقطع الغيار عموما بيغلوا اوى الفترة ده .

---

ال 98 كمان مكتوب على باب التنك 13 و 14 لأن المواتير اللى بتنزل عندنا بتبدأ من 1000 الى 1400 وال 1600 برده بيركبله نفس المقاسات دى
لكن ال 15 بينزل فى ال 1800 ال gti وال 2000 8v gti و ال 16 فى ال 2000 ال gti 16v

اقتباس:

---

المشاركة الأصلية كتبت بواسطة Karim Ibiza

ال 98 كمان مكتوب على باب التنك 13 و 14 لأن المواتير اللى بتنزل عندنا بتبدأ من 1000 الى 1400 وال 1600 برده بيركبله نفس المقاسات دى
لكن ال 15 بينزل فى ال 1800 ال gti وال 2000 8v gti و ال 16 فى ال 2000 ال gti 16v

---

فعلا احنا مكتوب عندنا 13 و 14 بس ودة فعلا لأن مواتير الأستوك 1.0 و 1.4 و1.6 ولما بيعمل نسخة خاصة gti بيعملها حاجات مخصوص من ضمنها عدادات وعلبة فيوزات واكصدامات واكيد جنوط وعفشة واعتقد هيخلي مقاسات الجنوط تتناسب مع لو حة العدادات وتقرا سرعات صحيحة

تحياتي

اقتباس:

---

المشاركة الأصلية كتبت بواسطة syd

فعلا احنا مكتوب عندنا 13 و 14 بس ودة فعلا لأن مواتير الأستوك 1.0 و 1.4 و1.6 ولما بيعمل نسخة خاصة gti بيعملها حاجات مخصوص من ضمنها عدادات وعلبة فيوزات واكصدامات واكيد جنوط وعفشة واعتقد هيخلي مقاسات الجنوط تتناسب مع لو حة العدادات وتقرا سرعات صحيحة

تحياتي

---

انا عندى سؤال فى النقطة دى عشان انا داخل على تسقيط abf او 2e
هى علبة الفيوزات لازم تتغير؟؟؟

اقتباس:

---

المشاركة الأصلية كتبت بواسطة Karim Ibiza

انا عندى سؤال فى النقطة دى عشان انا داخل على تسقيط abf او 2e
هى علبة الفيوزات لازم تتغير؟؟؟

---

والله انا اعتقد ذلك خصوصا لو هتركب فرامل abs او لو الموتور فيه حساسات ازيد او اقل من اللي عندنا كمان الكنترول هيختلف والضفيرة هتختلف وبالتالي اعتقد هتحتاج تغير علشان فيش الضفيرة والجهود هتختلف من محرك للأخر كمان توزيع الكتاوت
وبردو الفيصل في الموضوع دة كهربائي فولكس فاهم تسقيط صح وميكانيكي لا يقل عنه خبرة - لأن معظم الكهربائية اقصي حدوده يدورلك الموتور وشكرا علي كدة

تحياتي

انا الحمد الله غيرت الجنوط و الكاوتش امبارح لو حد عايز يسألنى على حاجه انا تحت امره

اقتباس:

---

المشاركة الأصلية كتبت بواسطة mahmoud_16

انا الحمد الله غيرت الجنوط و الكاوتش امبارح لو حد عايز يسألنى على حاجه انا تحت امره

---

الف مبروك التغير وربنا يباركلك فيهم
الاسعار اخبارها اية مع المقاسات والانواع علشان التقرير يكمل والكل يستفيد

انا رحت عند اشرفكو و لفيت برضه فى احمد سعيد الكاوتشات اسعارها نااااااااااااااااار اقل فرده ب385 و نوع مجهول انا جبت الدانلوب الفرده على 420 15 195/55

اقتباس:

---

المشاركة الأصلية كتبت بواسطة mahmoud_16

انا رحت عند اشرفكو و لفيت برضه فى احمد سعيد الكاوتشات اسعارها نااااااااااااااااار اقل فرده ب385 و نوع مجهول انا جبت الدانلوب الفرده على 420 15 195/55

---

مبروك يا صديقى ... والله الواحد مش عارف هيلاقيها من فين ولا فين ... الدولار فى الطالع والحكومة ترد وتقول الوضع مستقر ولا داعى للقلق
هو مفيش قلق بصراحة وبردوا مفيش حاجة مبتغلاش .. كلة ناااار

اقتباس:

---

المشاركة الأصلية كتبت بواسطة karim ibiza

ده لأن عربيتك فبريكة بتنزل 14 لكن ال 98 بتنزل 13

---

صح كده فعلا مختش بالى

اقتباس:

---

المشاركة الأصلية كتبت بواسطة mahmoud_16

انا رحت عند اشرفكو و لفيت برضه فى احمد سعيد الكاوتشات اسعارها نااااااااااااااااار اقل فرده ب385 و نوع مجهول انا جبت الدانلوب الفرده على 420 15 195/55

---

ألف مبروك الكاوتش

بس ليه مجيبتش 195\50؟

عموما المقاس اللى انت جبته هيفرق معاك عن فبريكة العربية فى حاجتين(حاجات بسيطة جدا وغير مؤثرة بشكل ملحوظ):
قراءة سرعة العداد مقارنة بالسرعة الفعلية هتبقى 3.27- % يعنى لو ماشى على سرعة 100 على العداد يبقى السرعة الفعلية حوالى 97 كيلو متر\الساعة

ارتفاع العربية هيزيد 9.75 ملى يعنى أقل من 1 سنتيمتر (طبعا كلام فاضى)



*ملحوظة: هذه المعلومات لمن يهمه الأمر و ليس غرضها الأستعراض

الف مبروك على الأرضى أقصد الكاوتش وفعلا الأسعار ناار انا جايب 15 195/55 ب 1800 ج وعملى واجب كمان وزمانه غلى أكتر