مـــــــــــــثلا :)
حضرتك الى اتهمت الاعضاء الى ردو (سطحيين وبتكلمو قبل ما يفكرو وردودهم تعبانه )
كان اولى بيك توضح الغرض من الفيديو الخزعبلى من البدايه
عرض للطباعة
لا يا راجل...سبحان الله بجد !!!!
هو حضرتك مش حاسس خالص إنك غلطان !!!
لا وكمان بتتهمنا إحنا اللي سطحيين وتعبانين ومجانين ومش فاهمين !!!
بص..
أولاً احنا ( أو علي الأقل العبد لله ) مش محتاج أبداً معاليك تفهمني يعني إيه ثبات الألماني..ولله الحمد 90 % من العربيات اللي ركبتها طول حياتي ألماني.وحالياً راكب فانتازيا..ومرسيدس s-class اللي أدام سعادتك في التوقيع..يعني معلش يوم ما تتكلم علي ثبات هقولك وريني نفسك..ومع ذلك برضو رغم الكلام ده..عمري ما أفكر أعمل زي عملتك دي ولو علي سبيل التوضيح زي ما بتقول !!
ثانياً انت بتقول ريفيو للعربية..يا راجل ده top gear نفسه..مشفناش حد بيعمل ريفيو زي ده ( مع الأخذ في الإعتبار ان دول ناس محترفين وبيعملوا إختبارتهم في طرق مخصصة للتجارب ) !!!
ثالثاً بقي عشان أجيبلك من الآخر...مفيش عربية 4x4 بالثبات الواااو اللي انت متخيله ده حتي لو ألماني..ولو قارنت بين ثبات أي عربية سيدان من نفس الفئة السعرية معاها..مش هتسد معاها..وده طبيعي جداً لإرتفاعها وزيادة نسبة خلوصها من سطح الأرض..حتي لو فيها جن مسور بيقولك أنا بتاع الثبات !!!
رابعاً..يا ريت تلوم نفسك..قبل أن تلوم الآخرين اللي من المفترض خايفين عليك وعلي اللي حواليك وانت رديت عليهم بالأسلوب ده..ومتحاولش تستفز حد بردودك عشان هتلاقي 99% من الأعضاء اللي هيشاركوا في الرد مش هيرحموك..لأن الموضوع من أوله غلط x غلط
خامساً :- رد زي ما انت عاوز
يا سيدي الفاضل كل الأعضاء هنا في المنتدى إخوة لبعض (يفيدوا ويستفيدوا)، فسامحني ما ينفعش تهاجم حد (حتى لو أخطأ في الرد) لأن ده وجهة نظر شخصية خالصة وخصوصاً لو كان الهدف من الموضوع مش واضح.
أنا كنت تابعت الموضوع اللي تقصده عن عربيتك (وانك عايز تتعامل مع حد تاني غير التوكيل) وذهابك للإسكندرية وطلب التوكيل 11000 لتغيير بعض محتويات العفشة (وانت غيرتها ب2500) وانا لا حظت قد إيه تعاون الأعضاء معاك.....
بس اسمحلي حضرتك (بقى معقول فيها كل التصليحات دي وحضرتك ماشي على 160) بجد ربنا يسترها معاك، وبجد بجد أنا بتمنى لك الخير وربنا يسترها معاك ومع الجميع، وده إلي دفع الأعضاء الفاضلين للتعليق اللي ضايقك (بس اسمحلي ده معناه خوف الكل عليك).
أرجو إن كلامي ميزعلكش (صدقني نفسنا دي مش ملكنا ... دي ملك الخالق فلازم نحافظ عليها).
وعندي نصيحة خاصة لك (لا تحزن وتغضب أبداً من أي نقد)
ربنا يسترها معاك ومع الجميع
هدي اعصابك الناس دي خايفه عليك على فكره
وده مش ثبات ولا مخاطره ولا زي ما الاخ الفاضل قال اننا مش بنخاطر عشان بره سبقونا في الاكتشافات ومش عارف ايه
كلامك عن ده على اساس انه ثبات زي بالظبط اللي ماشي 200 بعربيه كوري فس طريق مستقيم وبيقول انها كده ثابته;
انا كنت ناوي ارد رد مفصل علي كل حد رد بعد ردي
بس لقيت انه اختصارا للوقت والجهد انه بلاش رد تفصيلي
انا وضحت وجهة نظري في ردي
اللي عايز يقتنع تمام
اللي مش عايز تمام برضه دي وجهة نظره
متشكر لكل اللي نص نصيحه لوجه الله
واسف اني انخرطت في الحوار مع الناس اللي غاويه فذلكه لانه دول انا طول عمري بتجنبهم
لا حول ولا قوة الا بالله ..