معايا فيرنا 2010 ازود ماية لحد فين ف القربه و ازود الماية و العربية دايرة ولا و هيا مبطلة؟
معلش انا ابيض و معنديش أي معلومات و دي اول عربية ليا و دا تالت يوم ليا بالعربية
عرض للطباعة
معايا فيرنا 2010 ازود ماية لحد فين ف القربه و ازود الماية و العربية دايرة ولا و هيا مبطلة؟
معلش انا ابيض و معنديش أي معلومات و دي اول عربية ليا و دا تالت يوم ليا بالعربية
لو العربيه بارده وهى مبطله لو كانت سخنه وهتزود مايه تبقى وهى دايره والافضل انها وهى مبطله وبارده افضل فى كل وقت
فى علامه فى القربه بتملى لحد عندها وغالبآ هتبقى قبل الاخر بنص شبر كده
هتلاقى خط بالعرض مكتوب عليها max
زود ثلثين القربة فقط
لو العربيه دافيه يبقي زود لما تدورها
لو متلجه (راكنها بليل مثلا) يبقي الصبح قبل ماتدور ممكن تزودها
حتلاقي علامتين واحده max وواحد min زود لحد الماكس
طيب ألف شكر يا رجالة
انا خلاص عرفت ان في علامة كدا ف القربة بملا لحد عندها اسمها f ف الفيرنا
بس للأسف انا زودت حطيت حوالي كوباية ماية بس و العربية مبطلة و كانت سخنة و لسة راكنها
في خطر من اللي انا عملتو دا؟
ان شاء الله مفيش خطر خالص لا تقلق
السؤال بس هي فيها مياه خضراء وانت زودت مياه عادية واللا ايه بس عشان كباية ميا دي معناها انها من الحنفية !
في علامة في القربة
بص ان شاء الله ميحصلش حاجه واتمني انك متكونش دورت بعد مازودت وعامه كوبايه ميه بسيطه ان شاء الله ومفيش حاجه تحصل
بس ابقي ركز بعد كده في موضوع الميه وتابعها خصوصا في الصيف والتكيف وكده
للأسف دورتها بعد ما زودت بس حصل خير مش مشكلة أهو الواحد بيتعلم
بس ممكن حضرتك تقولي أعمل إيه ف موضوع الماية دا بالظبط
ازودها امتى؟
و ازودها كل قد إيه؟
و أبص عليها كل قد ايه.يعني كل 3 أيام مثلا افتح الكبوت الصبح قبل مدورها و أبص على الماية لو ناقصة عن العلامة أزودها بعد كدا أدور العربية عادي مفيش مشاكل؟
و ألف شكر على إهتمام حضرتك و مستني ردك
موضوع إنها سخنة أو باردة مش هتفرق لأن القربة منفصلة عن الردياتير ومش بيسحب منها على طول فمفيش مشكلة إلا لو هتحط فى الردياتير على طول وده مش هيحصل غير لما بتغير مياه الردياتير بس المشكلة إن حضرتك تزودها مياه من الحنفية لأن أملاحها عالية ( بتوصل 400 تقريبا ) والمفروض لو عايز تزود يا إما مياه خضراء معتمدة زى موبيل يا إما مياه مقطرة عشان مافيهاش أملاح ( 1 تقريبا )..
تمام شكرا جدا طمنتني يا باشا
معلش سؤال أخير، ينفع ازود ماية خضرا أو ماية مقطرة على ماية الحنفية ال موجودة ف القربة بعد كدا؟ مع العلم ان العربية فيها ماية من الحنفية عادية.ولا لازم اجيب جركن ماية خضرا و أروح بيه ل الميكانيكي يغيرلي الماية العادية ب ماية خضرا.ولا ازود على الماية الموجودة عادي؟
معلش اسألتي كتير بس اعذروني انا لسة جديد ف السواقة مكملتش 4 أيام بالعربية
مفيش مشكلة إنك تزود مياه مقطرة عليها والأفضل قطع الشك باليقين وتنزل المياه كللها وتجيب مياه جديدة موبيل ب 75 جنيه تقريبا ال 4 لتر ولو محتاج زيادة هتزود بمياه مقطرة..
وطمننا..