استفسار بخصوص موتور المياه كالبيدا و الفلوماك
تم بحمد الله تركيب موتور كالبيدا واحد حصان لعدد 4 شقق .. 2 منهم مسكونين فى الدور الرابع و 2 غير مسكونين فى الدور الخامس .
الباشا السباك لم يركب البالونه التقليديه و لكنه ركب بدلا منها قطعه مربعه بيقول ان اسمها فلوماك و دى بتشتغل بدل البالونه بل انها احسن من البالونه................. قولتله امين هو انا هأفهم احس منك.
تم التركيب بنجاح فى منور العماره. بس ضغط المياه لما الموتور يشتغل بيوصل 6 بار و لما يفصل بينزل ل 2 بار و ده طبقا لعداد الضغط الموجود فى الفلوماك .
بعد لما مشى السباك قعدت أقرأ فى كتالوج القطعه البديله للبالونه . وجدت انه فيها مسمار يمكن تحريكه فى اتجاه عقارب الساعه فيزود الضغط أو عكس عقارب الساعه فيقلل الضغط. . أنا كنت فاكر انه بيتحكم فى ضغط المياة اللى طالعالى للشقه ( مع العلم بأن المياه أصبحت شديدة جدا بشكل مستفز )
نزلت للمنور و معايا مفك وقلت ألف المسمار للشمال شويه علشان أقلل الضغط شويه بس للأسف مفيش نتيجه. رحت مرجعها زى الاول تانى .
قرأت الكتالوج تانى بس بتدقيق لقيت أن المسمار ده وظيفته انه بيتحكم فى ضغط المياه اللازم لبدء الموتور وليس ضغط المياة الخارج من الموتور ( starting pressure )
ممكن حد يفهمنى فايدة المسمار ده ايه و كيفية ضبطه و أمتى أحركه يمين أو شمال ؟
و ايه هى ال6 بار اللى بيقراها العداد لما يشتغل الموتور و ايه هى ال 2 بار اللى بيقراها العداد لما الموتور يبطل ؟
آسف على الاطاله