الموضوع: الحمد لله بقيت بروتوناوي رسميًا

المشاركة الأصلية كتبت بواسطة al-farooq

ألف مبارك يا باشا ، ربنا يعطيك خيرها ويكفيك شرها.
ياريت تجهز ورقة وقلم معاك فى العربية ، واى ملحوظة تكتبها وتبلغها فى تقرير صيانة الألف ان شاء الله ،
لأن فى حاجات معينة بتتعمل مجاناً فى صيانة الألف وبعد كدة بفلوس ،
زي موضوع الحدفة اليمين لو صادفت انها معاك "ان شاء الله تكون غير موجودة" ، بتتعمل مجاناً فى الألف.
صيانة الألف ارخص صيانة ، بتكون على ما اتذكر فى حدود 180-200 جنية.
ولما تكمل الألف على خير ان شاء الله ، بتحجز للصيانة وبتتصل قبل ما تروح بيوم تقريبا.

جزاك الله خيرًا يا ريس، والله يبارك في حضرتك، وربنا يستجيب لدعائك الطيب.

الحمد لله العربية مبدئيًا تمام بفضل الله.

الحدفة اليمين فيما يبدو أنها موجودة، ولكن لما اتأكد بعد، لأن الطريق وقت استكشافها لم يكن مستويًا. فإن شاء الله، هاجرب تاني.

ولكن السؤال، هل عند التعديل في التوكيل، هل الحدفة بتروح، وتختفي؟

والسؤال الثاني، ليه بروتون ماليزيا لم تتلافى وتتلاشي هذه المشكلة وتظبطها في موديل 2013، طالما أنها ظهرت في 2012، والمفترض أن التوكيلات بلغت بها؟

إن شاء الله، مركز مع العربية، لو في أي حاجة، أدونها حتى لا أنساها عند صيانة الألف.

وشكرًا يا ريس مرة تانية على نصائحك الغالية.

المشاركة الأصلية كتبت بواسطة d . A .\ ayman

الف مبروك عليك الاستلام على خير

بارك الله لك فيها ورزقك خيرها وحفظك من شرها وجعلها سبب خير لك

وجزاكم الله خيرا على هذا الدعاء الجميل

الله يبارك في حضرتك يا دكتور. حضرتك من الأخوة الذين ساعدوني في اتخاذ القرار، والاستقرار على العربية، فجزاك الله خيرًا.

الله يبارك في حضراتكم جميعًا.

كان في عيب تقفيل بسيط، ولاحظته أثناء الاستلام، ولكن حسيت أنه حاجة بسيطة، وتمنيت أن يقتصر الأمر على ذلك إن شاء الله.

يوجد بروز أو فارق - غير ملاحظ من أول وهلة - في الاكصدام الخلفي من ناحية اليسار ما بين الاكصدام والفانوس الخلفي بمقدر 3 أو 4 سم تقريبًا من حيث الطول وليس الاتساع أو البروز وبعد كده تقفيل الاكصدام تمام، زي ما يكون كده توجد كلبسة في الموضع المشار إليه غير مثبتة جيدًا أو ما إلى ذلك.

فالمفترض أني أقول لهم على هذه الملاحظة، ويتعمل إن شاء الله في صيانة الألف؟

أنا بس متخوف، أنهم في التوكيل، يحلوا الاكصدام، ولا يحسنوا تركيبه مرة أخرى، ويرجع يلب مثلا او يخلع تاني، لأنه زي ما حضراتكم عارفين مهنية صناعية التوكيل ومهارتهم وحرفيتهم.

ولا إيه رأيكم؟

ما تقلقش .. قولهم عليه و هما هيظبطوه :)

صديق ليا غير اكصدام عندهم قبل كدة و كان كله تمام التمام

ألف مبروك ربنا يباركلك فيها

المشاركة الأصلية كتبت بواسطة NourElmansy

ما تقلقش .. قولهم عليه و هما هيظبطوه :)

صديق ليا غير اكصدام عندهم قبل كدة و كان كله تمام التمام

الله يكرمك يا أستاذ نور، وإن شاء الله خير والموضوع بسيط. أصل من كتر ما سمعت عن عز العرب من كلام جميل، كلام معقول ما أقدرش اقول حاجة عنه، يبدو أن عندي أعراض Ezzophobia :)

المشاركة الأصلية كتبت بواسطة drbarakat84

ألف مبروك ربنا يباركلك فيها

الله يبارك في يا دكتور، ويبارك في الجين تو.