الفلوانس الخليجي الشكل الجديد 2013 هو نفس المصري

السلام عليكم ياريت يا شباب لو حد يفيدني لأني كنت محتار بين مجموعة سيارات وتقريبا استقريت على الرينو فلوانس هجيبها من السعودية وانزل بيها بعد سنة مصر ان شاء الله
أنا سمعت اني الشكل المصري اتغير وكمان الخليجي نزل شكل جديد ولسه نازل هنا فالسعودية من كام يوم وده رابط للكتالوج بتاع الموااصفات الخليجي
http://renault-me.com/ar/CountriesDa...uence_2013.pdf

فياريت الي يعرف المواصفات الجديدة للفلوانس الي بتتباع ي مصر هي نفس الي فالرابط دي ولا مختلفة لأني خايف اجيبها واتعب فموضوع الصيانة وقطع الغيار في مصر
وسكرا لكم بانتظار ردودكم

للاسف شكلها مختلف تماما عن الفيس الجديد الى فى مصر

انا برضه فكرت زيك بس للاسف اللى فى الخليج مختلفة عن اللى فى مصر الخليجى كورى والمصرى تركى عشان كده خفت من موضوع قطع الغيار والصيانة على الرغم ان الكل بيشكر فيها فى مصر لكن فى الخليج مش منتشرة كتير كل فين وفين اشوف واحدة !!!!!
بس انا مازلت متابع:U_thin1[1]:

اتكل على الله الخليجى يضرب اى عربيه بتنزل مصر او بتتقفل فى مصر حتى لو الجوده ايه

وامثله كثير جدا
تويوتا جنوب افريقى واليابنى
هوينداى جيتز الكورى والمصرى والفيرنا الكورى والمصرى
والماتريكس التركى و الكور ى الى فى الخليج
وانواع كثيرة تانيه

وانته خلال السنه هتعرف قطع الغيار ايه الى قليله هنا فى مصر وكثيرة بره ممكن تجيب قطع او 2 احتياطى والتوكيل صدقنى هلاقى فيه برضو حجتها والحرفين مش ترمى فلوسك فى الارض وتشترى عربيه من مصر طالما مقدرتك تنزل بيها من المملكه

طيب محدش يعرف الي في مصر تفرق ايه عن الخليجي

مهو أنا عارف اني الخليجي طبعا أفضل كفاية أنهم بيعملو حساب الحرارة الي بتاكل الحديد وكفاية هيكون معاك تكييف تلاجة فالجو بتاع مصر وكمان بيقولو الموتور والفتيس هما نفس بتوع التيدا وهنا التيدا عربية محترمة وسعرها عالي على حجمها
وأنا رأيي يا هيثم اني أكيد لو هما نفس نيسان تيدا هكون متوفر قطعهم في مصر وبعدين العربيتين شركة واحدة محدش يعرف هما الفروق بينهم كبيرة يعني مثل تيل الفرامل هو نفسه الخليجي هو المصري والفلاتر والحاجات الاستهلاكية

استاذ وائل ممكن اسعار الفلونس فى السعودية كم موديل 2013 لانى ف السعوديه حاليا وبفكر فى العربيه دى جدا

شكل الرينو فلوينس الخليجي ده .. بظبط زي شكل ال Samsung SM3..
لكن اللي في مصر نازل بشكل رينو فلوينس الأساسي...

http://www.renault.com/fr/Vehicules/.../rsm/sm3-2.jpg

نصيحتي بلاش

مش علشان حاجة أكتر من قطع الغيار...........لو لا قدر الله أحتجت أكصدام هتدوخ عليه فى مصر و ممكن التوكيل يجيبه..........بس أصبر بقى.......الموضوع ممكن ياخد له شهر على أقل تقدير.

فلوونس الشكل الجديد التركى بقت تقريبا زى النسخه الخليجى موتور وفتيس , وقطع الغيار هاتبقى متوفره ان شاء الله

الاختلاف هايبقى فى قطع الغيار من حيث البودى وبالتحديد الاكصدام الامامى بالشبكه , لكن اى حاجه تانى هاتبقى واحده !!

وفى انتظار تأكيد ملاك الفلوونس ورجالة رينو واللى عاينوها فى المعرض

اقتباس:

---

المشاركة الأصلية كتبت بواسطة ahmed a.maksoud

نصيحتي بلاش

مش علشان حاجة أكتر من قطع الغيار...........لو لا قدر الله أحتجت أكصدام هتدوخ عليه فى مصر و ممكن التوكيل يجيبه..........بس أصبر بقى.......الموضوع ممكن ياخد له شهر على أقل تقدير.

---

يركب الاكصدام الجديد ويبقى عمل الميكس اللى ماحصلش قبل كدا :)

العربية اصبحت موتور نيسان تيدا و ده ما شاء الله موتور محترم قوي .. صوته هادي جدا .. استهلاك بنزين محترم .. و اعتمادي جدا ..

بس الرخامة اللي فيها انه معاها فتيس cvt و ده هيحسسك إن التسارع بطيء .. لكن معرفش مع steptronic اللي فيييييييه هتبقى حلوة ولا لأ ..

تحياتي ..

اقتباس:

---

المشاركة الأصلية كتبت بواسطة dr_tamer_sh

استاذ وائل ممكن اسعار الفلونس فى السعودية كم موديل 2013 لانى ف السعوديه حاليا وبفكر فى العربيه دى جدا

---

شوف يا باشا أسعار الفلوانس موديل 2013 زادت شويه عن 2012 لاني 2012 كنت تقدر تجيبها بحوالي 54 الف ريال النص فل لكن دلوقتي 60 الف الشكل الجديد بس انا اعرف واحد فالمبيعات بتاعة الرياض ممكن يدلك سعر حلو بس انا ممكن استنى شهرين ولا حاجة يكون نزلو سعرها شويه لأنهم طبعا عشان الشكل الجديد لسه نازل فمعلينها فأنا عشمان يوصل 55 الف والفل أوبش دي سعرها عندهم تقريبا 71 ممكن تنزل شويه يعني ممكن تاخدها 68 ولا حاجة بس انا كمان عشمان تنزل شويه بعد الشهرين دول وتوصل 65 ودي الي ناوي اجيبها لأنها فيها زيادة فتحة سقف وكراسي جلد وجنوط 17 واوبشن كتير زيادة وهي هنا فئتين بس نص فل وفل أوبشن مفيش منها ستاندر

اقتباس:

---

المشاركة الأصلية كتبت بواسطة ahmazong

العربية اصبحت موتور نيسان تيدا و ده ما شاء الله موتور محترم قوي .. صوته هادي جدا .. استهلاك بنزين محترم .. و اعتمادي جدا ..

بس الرخامة اللي فيها انه معاها فتيس cvt و ده هيحسسك إن التسارع بطيء .. لكن معرفش مع steptronic اللي فيييييييه هتبقى حلوة ولا لأ ..

تحياتي ..

---

كدة يبقى حاجة تمام الي في مصر والي فالخليج نفس المتور والفتيس وده مش هيخلي مشكلة فقطع الغيار وينتهي تخوف الناس من الخليج

اقتباس:

---

المشاركة الأصلية كتبت بواسطة hosam_optrawy

فلوونس الشكل الجديد التركى بقت تقريبا زى النسخه الخليجى موتور وفتيس , وقطع الغيار هاتبقى متوفره ان شاء الله

الاختلاف هايبقى فى قطع الغيار من حيث البودى وبالتحديد الاكصدام الامامى بالشبكه , لكن اى حاجه تانى هاتبقى واحده !!

وفى انتظار تأكيد ملاك الفلوونس ورجالة رينو واللى عاينوها فى المعرض

---

يارب يا حسام يكون الاختلاف بسيط ويكون فالاكصدام الامامي بس الفرق عشان الواحد ميتعبش فقطع الغيار في مصر

اقتباس:

---

المشاركة الأصلية كتبت بواسطة hosam_optrawy

يركب الاكصدام الجديد ويبقى عمل الميكس اللى ماحصلش قبل كدا :)

---

انا فكرت فنفس الموضوع لو على الاكصدام سهلة الواحد ممكن يركب بتاع الشكل الي في مصر

الخليجى نازل فيها electronic parking brake و ESP

http://img543.imageshack.us/img543/2317/espd.jpghttp://img41.imageshack.us/img41/4876/brakesx.jpg

اقتباس:

---

المشاركة الأصلية كتبت بواسطة وائل الجندي

شوف يا باشا أسعار الفلوانس موديل 2013 زادت شويه عن 2012 لاني 2012 كنت تقدر تجيبها بحوالي 54 الف ريال النص فل لكن دلوقتي 60 الف الشكل الجديد بس انا اعرف واحد فالمبيعات بتاعة الرياض ممكن يدلك سعر حلو بس انا ممكن استنى شهرين ولا حاجة يكون نزلو سعرها شويه لأنهم طبعا عشان الشكل الجديد لسه نازل فمعلينها فأنا عشمان يوصل 55 الف والفل أوبش دي سعرها عندهم تقريبا 71 ممكن تنزل شويه يعني ممكن تاخدها 68 ولا حاجة بس انا كمان عشمان تنزل شويه بعد الشهرين دول وتوصل 65 ودي الي ناوي اجيبها لأنها فيها زيادة فتحة سقف وكراسي جلد وجنوط 17 واوبشن كتير زيادة وهي هنا فئتين بس نص فل وفل أوبشن مفيش منها ستاندر

---

فعلا ياباشا انا كلمت مدير المبيعات وقالى تقريبا نفس الاسعار بس زياده شويهيعنى الفئة التانيه اللى بفكر فيها قالى 61500 تقريبا والتالته 72 بس حضرتك بتقولى اسعار اقل من كده شويه فالسؤال هو مش السعر ثابت المفروض فى التوكيل ولا قابل للتفاوض؟؟؟؟؟؟؟
تانى حاجه ياريت اخد رايك وتفيدنى انا طبعا متحمس للعربيه جدا بس بفكر استنى شويه ينزل عليها عروض مثلا المشكله ان بينى وبين اقرب توكيل هنا حوالى 150 كيلو فهل ده يكون مشكله بعد الشراء عشان الصيانة ولا ميعبرش عائق؟؟
عموما العربيه هنا مع دكتور زميلى موديل 2012 وبيشكر فيها جدا جدا

اقتباس:

---

المشاركة الأصلية كتبت بواسطة ahmazong

العربية اصبحت موتور نيسان تيدا و ده ما شاء الله موتور محترم قوي .. صوته هادي جدا .. استهلاك بنزين محترم .. و اعتمادي جدا ..

بس الرخامة اللي فيها انه معاها فتيس cvt و ده هيحسسك إن التسارع بطيء .. لكن معرفش مع steptronic اللي فيييييييه هتبقى حلوة ولا لأ ..

تحياتي ..

---

وهو الموتور الى كان فيه كان راكب فى عربيات ايه تانى ؟؟

اقتباس:

---

المشاركة الأصلية كتبت بواسطة dr_tamer_sh

فعلا ياباشا انا كلمت مدير المبيعات وقالى تقريبا نفس الاسعار بس زياده شويهيعنى الفئة التانيه اللى بفكر فيها قالى 61500 تقريبا والتالته 72 بس حضرتك بتقولى اسعار اقل من كده شويه فالسؤال هو مش السعر ثابت المفروض فى التوكيل ولا قابل للتفاوض؟؟؟؟؟؟؟
تانى حاجه ياريت اخد رايك وتفيدنى انا طبعا متحمس للعربيه جدا بس بفكر استنى شويه ينزل عليها عروض مثلا المشكله ان بينى وبين اقرب توكيل هنا حوالى 150 كيلو فهل ده يكون مشكله بعد الشراء عشان الصيانة ولا ميعبرش عائق؟؟
عموما العربيه هنا مع دكتور زميلى موديل 2012 وبيشكر فيها جدا جدا

---

هو السعر ممكن ينزل شويه وكمان ممكن يعملولك صيانة مجانية لمدة سنتين انت ناوي تشتري من فين وانا بقول ممكن شهرين ولا حاجة ويعملو عرض عليها هنا او السعر ينزل شويهلانها لسه نازلة فالسعر عالي شويه وموضوع الصيانة انت حاول معاهم يعملولك صيانة مجانية وروحلهم كل ميعاد صيانة ال150 كيلو ولما تنزل مصر سهلة هنا الميكانيكية في السعودية لا يفقهو شىء فاي حاجة وده الي مخلي العربيات الاوربي مش منتشرة
مرة روحت لواحد ميكانيكي يمني بالعربية الي معايا حاليا فولكس واجن جولف قوم قبل ميشوفها يقولي دي عربية حد يشتريها ايه النوعيات التعبانة دي كنت اشتريت حاجة تويوتا ولا هيونداي روحت سكت ومردتش
لاني هترد علىه تقوله أيه

اقتباس:

---

المشاركة الأصلية كتبت بواسطة hossam_elwani

وهو الموتور الى كان فيه كان راكب فى عربيات ايه تانى ؟؟

---

أنهي موتور اللي كان راكب في فلونس قبل كده ولا دلوقتي ؟؟

ممكن يا جماعة حد يقولنا الفئة الي قبل الفل اوبشن في مصر مواصفاتها ايه واي الفرق بينها وبين الفل وسعرها كام في مصر عشان نقارن الاسعار الي هنا فالسعودية
وياريت لو حد يعرف جمارك الفلوانس كام يقولنا
وهل بيطبق عليها ال 10% بتاعة الاتحاد الاوربي ولا

اقتباس:

---

المشاركة الأصلية كتبت بواسطة وائل الجندي

ممكن يا جماعة حد يقولنا الفئة الي قبل الفل اوبشن في مصر مواصفاتها ايه واي الفرق بينها وبين الفل وسعرها كام في مصر عشان نقارن الاسعار الي هنا فالسعودية
وياريت لو حد يعرف جمارك الفلوانس كام يقولنا
وهل بيطبق عليها ال 10% بتاعة الاتحاد الاوربي ولا

---

بص ياباشا جمارك الفلونس 2012 لو كنت نزلت بيها 2012 يعنى مفيش خصم سنوات استعمال على حسب موقع الاهرام كانت 72 وال 2013 لسه مش عارف وطبعا اختلاف سعر العمله الجديد هيأثر طبعا
اما بالنسبه لخصم الاوروبى فده بيكون للعرببات المصنعه فى دول الاتحاد الاوروبى بس ولازم يكون معاها شهاده اسمها يورو 1 تفيد ان منشأها اتحاد اوروبى وطبعا الفلونس الخليجى كورى ومفيش معاها الشهاده دى لانى سالت هنا ع الموضوع ده

اقتباس:

---

المشاركة الأصلية كتبت بواسطة dr_tamer_sh

بص ياباشا جمارك الفلونس 2012 لو كنت نزلت بيها 2012 يعنى مفيش خصم سنوات استعمال على حسب موقع الاهرام كانت 72 وال 2013 لسه مش عارف وطبعا اختلاف سعر العمله الجديد هيأثر طبعا
اما بالنسبه لخصم الاوروبى فده بيكون للعرببات المصنعه فى دول الاتحاد الاوروبى بس ولازم يكون معاها شهاده اسمها يورو 1 تفيد ان منشأها اتحاد اوروبى وطبعا الفلونس الخليجى كورى ومفيش معاها الشهاده دى لانى سالت هنا ع الموضوع ده

---

يعني بعد استعمال سنة يكون حوالي 65 ولا 10% الي بتكون للاستعمال أول سنة بتتحسب ازاي
لو حد يعرف ياريت يقولنا

قولولي يا جماعة هي الفلوانس الي بتنزل في مصر العدادات بتاعتها ديجتال ولا عادية ولو ديجتال بتكون لكل الفئات ولا الفل اوبشن بس
انا سألت انهاردة في شركة رينو فالسعودية الي نازلة 2013 نازلة عدادات ديجتال للفئتين الي بينزلو ههنا الفل اوبشن والنص فل
وياريت لو حد يعرف يقولنا هي بتنزل بتكييف للكراسي الخلفية ولا لا والكراسي الجلد لأي فئة فيها
وشكرا

متابع

من المواصفات المتور هو هو اللي بينزل في مصر
الفرق تقريبا في الاكصدام و الشبكه و لون الفوانيس

اقتباس:

---

المشاركة الأصلية كتبت بواسطة horas3000

من المواصفات المتور هو هو اللي بينزل في مصر
الفرق تقريبا في الاكصدام و الشبكه و لون الفوانيس

---

لو على الفوانيس والاكصدام سهلة مش هتفرق كتير

اقتباس:

---

المشاركة الأصلية كتبت بواسطة hosam_optrawy

فلوونس الشكل الجديد التركى بقت تقريبا زى النسخه الخليجى موتور وفتيس , وقطع الغيار هاتبقى متوفره ان شاء الله

الاختلاف هايبقى فى قطع الغيار من حيث البودى وبالتحديد الاكصدام الامامى بالشبكه , لكن اى حاجه تانى هاتبقى واحده !!

وفى انتظار تأكيد ملاك الفلوونس ورجالة رينو واللى عاينوها فى المعرض

---

أنا شفت السيارة في المعرض في طريق خريص - بصراحة روعة - في كل شيء - لكن فعلا حكاية قطع الغيار تخليني أعيد التفكير -يا ريت لو في بدائل غير الفلوانس ممكن اقتراحات