الموضوع: العربية بتنتش

لو سمحت يعني ايه بتنتش؟؟؟

بص يا برنس الموضوع ده حصل معايا وليه عدة أسباب ممكن يكون بسبب انك استخدمت بنزين أقل من 92 أو البنزينه نفسها بتخلط البنزين و ده بيحصل و خصوصا أيام الأزمات و حله انك تحط أى منظف لدورة البنزين و المشكله هتبدأ تختفى بالتدريج وممكن تكون البوجيهات لكن لما غيرتها زى ما قلى صنايعى تعبان ظل العيب ده زى ما كان ( التنتيش ) مستمر و و واحد تانى قال ده عيب موبينه .... حبيت أقطع الشك باليقين روحت التوكيل وكنت لسه فى الضمان .... الفنى أول ما سمع صوت الموتور قال ده عيب ( موبينه ) و تم تغييرها واختفى تماما هذا العيب وقال لى ان السبب هو بنزين مش نظيف و بخصوص التكلفه خارج الضمان حوالى 50 جنيه كشف كهربا على العربيه و تقريبا 500 جنيه سعر الموبينه الجديده ( قبل ما الدولار يرتفع كده ) ولما سألت هى ليه غاليه قالوا انه فى الميجان بتعمل 1500 و فيه عربيات عاليه بتبقى الموبينه بحسب عدد البوجيهات ( يعنى 4 ) يعنى الميجان كده مش غالية و احمد ربنا ... أرجو انى أكون قدمت ليك استفاده ... وده جزء من أفضال زوار هذا الموقع علينا جميعا ... وسلام