الموضوع: مساعدة من ملاك جين 2 أوتو

الاخ مصطفى

احب اطمنك كل شئ تمام و الحمد لله و التوكيل ريحنى فى العربية

المهم
العربية فى الزحمة هايبقى عدد لفات الموتور فى الغالب بيتراوح مابين 2000 و 3000 لفة فى الدقيقة ده لو انت ماشى فى شارع زيى صلاح سالم متوسط السرعة طبعا لو دخلت فى شوارع مزدحمة زيى مدينة نصر الموضوع هايبقى اسؤ طبعا
العربية دى بتاخد منها اداء كويس بعد 3000 لفة للموتور و طبعا الكلام ده مابيحصلش غير على طرق مفتوحة الى حد ما انما قبل كده الاستجابة ضعيفة شوية
و موش عارف اشرحلك اكتر من كده الصراحة لان التجربة بتحكم فيها احسن و التجربة موش مرة و لا 2
انا لما جربت العربية قبل ما اشتريها ماحسيتش بالفجوة دى انما لما ركبتها بقى و سوقتها كتير حسيتها فى الزحمة اوى ان العربية استجابتها ضعيفة على عدد لفات قليل
العيب ده عموما للقيادة داخل المدينة انماعلى طرق السفر او الطرق السريعة العربية طبعا ادائها فوق الممتاز و مريحة جدا جدا

انا معايا جين 2 اوتو من حوالي شهرين عربيه زي الفل و موضوع العزم دا مش حاجة تدايئ اوي بس هي مريحة جداً في الزحمة و بعد 3 Rbm عباره عن طلقة علي الطريق